San Juan 1:51 - Nuevo Testamento Tzeltal de Amatenango

⁵¹ Te Jesuse la yalbe xan: —Jamal ya kalbeyex te jaꞌexe, ya me awilik jamal te chꞌulchane, y te angeletik yuꞌun te Diose ya me awilik te xko xmo ta stojol te Nichꞌanile.

Bible in Tzeltal Bachajón

⁵¹ Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

Bible in Tzeltal de Oxchuc y Tenejapa

⁵¹ Jesús la yalbey xan: —Jamal ya calbat, ya me awil jamal te ch'ulchane soc ya me awil te ch'ul abatetic yu'un Dios te coel moel ta stojol te Nich'anile —xi' te Jesuse.

San Juan 1:51 Referans Kwoze

Hechos 7:56

Jich a yal te jꞌEstebane: —Ila awilik ya kil jeꞌel te chꞌulchane, y te Nichꞌanile tekꞌel ta sbatsꞌil skꞌab te Diose —xchi.

San Lucas 22:43

Y teꞌ chiknaj jtul chꞌul ángel a ta chꞌulchan yuꞌun tal yaꞌbe spuersa yoꞌtan.

San Lucas 2:13

Ora nax a chiknaj tal ta xujk te jtul chꞌul ángel bayal chꞌul angeletik yuꞌun te chꞌulchane. Yipalik ta skꞌayojinel te Diose, jich a yalik:

San Marcos 14:62

La yal te Jesuse: —Joꞌon abi. Y te jaꞌexe ya me awilik te Nichꞌanil te nakal ta sbatsꞌil skꞌab te Dios te ay bayal spodere, y te ya xtal ta stokalul te chꞌulchan —xchi.

San Marcos 1:10

Te kꞌalal lokꞌ tal ta jaꞌ te Jesuse, la yil yipal ta jamel te chꞌulchane. Sok la yil a koj tal te Espiritue jachik tutꞌil paloma te jul ta skuentae.

San Mateo 3:16

Kꞌalal laj yichꞌ jaꞌ te Jesuse, lokꞌ tal ta jaꞌ. Ora jam te chꞌulchane. Te Jesuse la yil a koj tal te Espíritu yuꞌun Dios, jachik tutꞌil paloma jul ta skuenta.

Hechos 10:11

La yil a jeꞌ te chꞌulchane y koj tal ta lum te pajal sok sabana pakꞌ yilel te chukbil xchanebal te xchikine.

San Lucas 3:21

Te kꞌalal yipal to ta yaꞌbeyel yichꞌ jaꞌ a te genteetik te Juane, tal skꞌan yichꞌ jaꞌ euk te Jesuse. Kalal yipal ta skꞌoponel Dios a te Jesuse, jam te chꞌulchane.

San Mateo 4:11

Jich te pukuje la sjiles te Jesuse. Jaꞌ a tal te chꞌul angeletike, y lijk yakꞌ sbaik ta abatinel.

Apocalipsis 19:11

La kil jamal te chꞌulchane, y teꞌ chiknaj jkojt sakil kawu a. Y te machꞌa moem aye: “Jun Yoꞌtan” y “Batsꞌi Jich” te sbiile. Porke ta stojil ya spasawan ta mantal y ya xjuꞌ yuꞌun tsalaw.

Apocalipsis 4:1

Ta patil tsꞌin to la kil y la jta ta ilel jun tiꞌ puerta jeꞌel ta chꞌulchan, y te kꞌop te la kaꞌiy ta primeroe, te pajal sok te jtujtel yokꞌel kornetae, la yalbon: —Liꞌ xmoat tal to, y ya kakꞌ awil te tutik te puersa ya xkꞌot ta pasel ta patil baele —xchi.

2 Tesalonicenses 1:7

Y te jaꞌexe ya me yaꞌbeyex a kux awoꞌtanik yuꞌun te awokolile, jich mismo te tutꞌil joꞌotik. Jaꞌ te tut kꞌaalil ya xchiknaj tal te Kajwaltik Jesuse sok te angeletik yuꞌune, te ay spoderike te xpumet sok kꞌajkꞌ te ya xtal ta chꞌulchane.

San Lucas 2:9

Ora chiknaj tal ta stojolik jtul chꞌul ángel yuꞌun te Kajwaltike. Xlemet julel xojobil te Kajwaltik ta sjoylejal te ba ayike. Beno xiꞌik yuꞌun.

Hebreos 1:14

Porke spisilik te angeletike abatetik ta spasel yaꞌtel te Diose. Tikonbil ta skoltayel te machꞌatik ya xꞌaꞌbot smajtanin te kolele.

1 Timoteo 3:16

Jamal chikan te lom mukꞌ te tut jchꞌuunejtik te mukul aye: Dios la yichꞌ stiꞌbalul, chiknaj ta ilel. Akꞌot ta naꞌel te toj yoꞌtan yuꞌun te Espiritue. Ilot yuꞌun te chꞌul angeletike. La yichꞌ alel ta stojol te nasionetike. La yichꞌ chꞌuunel ta balmilal. Sok ikꞌot bael ta lekilal.

San Juan 10:1

Jich a yal te Jesuse: —Jamal ya kalbeyex, te machꞌa ma ta tiꞌ koraluk ya xꞌoch te ba skoral te karneraetike, teme bayuk nax ya xꞌoche, jaꞌ me jꞌelekꞌ sok jꞌilbajinwanej abi.

San Lucas 22:69

Pero te ora bael to te Nichꞌanile ya me xkꞌo najkajuk ta sbatsꞌil kꞌab te Dios te lom bayal spodere —xchi.

San Mateo 25:31

“Sok te kꞌalal ya xtal te Nichꞌanile, joyinbil ya xtal yuꞌun te chꞌul angeletike sok xojobil sok stsaꞌamul. Sok ya xjul snajkan sba ta ajwalil te ba ay te smukꞌul naktajibe.

Judas 1:14

Sok euk te jꞌEnoke, te ja sjukkajal stsꞌumbal ta patil te jAdane, la yal ta skuenta Dios te skꞌoplal te gente abi: “La kil te Kajwaltike te sjoyinej tal ta jmil y ta jmil te angeletik yuꞌune.

2 Tesalonicenses 1:9

Jaꞌ me kastigo ya yichꞌik te lajel sbajtel kꞌinale. Y ya me yichꞌik chꞌojel lokꞌel ta jakal ta sit te Kajwaltike sok te ba ay te slekilal sok te podere.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Juan 6:47

Jamal ya kalbeyex: Te machꞌa ya xchꞌuunone ay xkuxlejal sbajtel kꞌinal.

San Lucas 24:4

Ben xlaj xiꞌ yuꞌun, ni ma snaꞌ tut ya spasik. Toj nax la yilik teꞌa cheb winketik te tekꞌajtik ta stsꞌeelike. Te skꞌuꞌ-spakꞌe xlemlajet nax.

San Mateo 26:24

Jich te Nichꞌanile puersa me jich ya xkꞌot ta skuenta te tutꞌil tsꞌibabil jilel ta Sjun Diose. Pero oꞌol me sba te winik te ya xꞌakꞌot entregal yuꞌune. Jaꞌ lek te jichuk maꞌ pꞌejkaj ta balmilale —xchi te Jesuse.

San Juan 21:18

Jamal me ya kalbeyat te kꞌalal bikꞌit winikat to ae, jaꞌat ya alap te akꞌuꞌ-apakꞌe yuꞌun ya xbaat te ba ya akꞌan ya xbaate. Pero te kꞌalal ya xmamalubate, jaꞌ xanix ya awakꞌ te akꞌabe, yan machꞌa ya slapbeyatix a te akꞌuꞌ-apakꞌe y ya yikꞌat bael te ba ma xꞌakꞌan ya xbaate —xyut.

San Juan 8:51

Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

San Juan 6:32

Te Jesuse la sjakꞌtalanbe: —Jamal ya kalbeyex, ma jaꞌuk te jMoises te la yaꞌbey te antibo ameꞌ-atatik te waj te tal ta chꞌulchane; te machꞌa ya yakꞌ te batsꞌil waj te ya xtal ta chꞌulchane, jaꞌ te jTate.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

San Juan 16:20

Jamal ya kalbeyex: Te jaꞌexe ya me xꞌokꞌex sok bayal me yajtal-awoꞌtanik. Yan te genteetik te ayik ta skuenta balmilale ben sniꞌ xyaꞌiyik yuꞌun. Pero te yajtal-awoꞌtanike ya me sujt ta bujtsꞌan kꞌinal.

San Juan 13:16

Jamal ya kalbeyex: Ni jtuluk aj-aꞌtelil te mas kꞌaxem yuꞌun te yajwale. Sok ni jtuluk te machꞌa tikonbil te jaꞌ mas kꞌaxem ta stojol te machꞌa tikonbil tal yuꞌune.

San Juan 10:7

Te Jesuse la yaltalanbe xan: —Jaꞌ to jamal ya kalbeyex: Joꞌon te trankaon te ba ya xꞌoch te karneraetike.

San Juan 6:53

Te Jesuse la yaltalanbe: —Jamal ya kalbeyex, teme ma la aweꞌbe stiꞌbalul te Nichꞌanile, sok teme ma la awuchꞌbe te xchꞌichꞌele, maꞌyuk akuxlejalik.

San Juan 5:27

Y yakꞌojbe yaꞌtel ta yichꞌel jkuenta te genteetike te tutꞌil jaꞌ te Nichꞌanile.

San Juan 5:19

Te Jesuse la yaltalanbe: —Jamal ya kalbeyex: Maꞌyuk tut ya xjuꞌ yuꞌun spasel ta stukel nax te Nichꞌanile. Jaꞌ ya spas te tut ya yil ya spas te Tatile. Spisil te tut ya spas te Tatile, jich ya spas euk te Nichꞌanile.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Mateo 9:6

Jaꞌ tsꞌin to ya me kaꞌbeyex awilik te tutꞌil ay tulan yaꞌtel yichꞌoj ta xchꞌayel mulil ta balmilal te Nichꞌanile —xchi te Jesuse. Sok jich a yalbe te machꞌa kꞌolbil xchial yok-skꞌabe: —Jajchan choya bael te akꞌabal-teꞌe, baan ta ana —xyut.

San Mateo 8:20

La sjakꞌ te Jesuse: —Te soroetike ay snaik ta chꞌen, sok te teꞌtikil mutetike aylan xpechechik stukelik. Yan te Nichꞌanile ma sta ba ya xway kꞌael —xchi te Jesuse.

San Juan 16:23

“Te tut kꞌaalil ya xkꞌot ta pasele, ma me ayuk tut ya ajojkꞌobikonix a. Jamal ya kalbeyex spisil te tut ya akꞌambey te Tatil ta joꞌon jkuentae ya me yaꞌbeyex.

San Juan 13:38

Te Jesuse la sjakꞌbe: —¿Me jicha ya awal te dispuesto ayat te ya awakꞌ aba ta milel ta jkaje? Yuꞌun jamal ya kalbeyat: Antes ma to xꞌok a te tat kꞌoe, oxmelix la amukon ta awoꞌtan a —xyut.

San Juan 8:58

Te Jesuse la sjakꞌtalanbe: —Jamal ya kalbeyex, te kꞌalal ma to ayuk a te jꞌAbrahame, jtalel ayonix a te joꞌone —xchi.

San Juan 8:34

Te Jesuse la yaltalanbe: —Jamal ya kalbeyex: Spisil te machꞌa ya xmulawe, jaꞌ mosoimbil yuꞌun te mulile.

San Juan 6:26

Te Jesuse la yaltalanbe: —Jamal ya kalbeyex, jaꞌ nax ya aleikon porke lom lek aweꞌex asta toj lek a noj achꞌujtik. Ma jaꞌuk ya aleikon yuꞌun te la awilik te seña milagroetik te la jpase.

San Juan 1:50

Te Jesuse la sjakꞌbe: —¿Me jaꞌ ya achꞌuunon te la kalbeyat te la kilat te ayat ta yanil ikuxe? Ya to xba awil tutik mas mukꞌ xan ke to —xchi.