Hechos 4:3 - Nuevo Testamento Tzeltal de Amatenango

³ Malix kꞌaal a la stsakik bael y la yotsesik ta prexo, jaꞌ to ta xchebal kꞌaal a.

Bible in Tzeltal Bachajón

³ Hich la stsaquic soc la yotsesic ta cárcel c'alal ta schebal c'ahc'al, como tibilix a.

Bible in Tzeltal de Oxchuc y Tenejapa

³ Jich yu'un la xchuquic bael. La yaq'uic ta chucjibal. La yijq'uitayic ta swenta yan c'aal, yu'un malix a te c'aale.

Hechos 4:3 Referans Kwoze

Hechos 5:18

La stsakik bael te apostoletike y la yotsesik ta prexo te ba jtejklume.

Hechos 9:2

y la skꞌanbe junetik te ya xkꞌo yaꞌbe te machꞌatik ay ta skuenta te sinagogaetik te ay ta jtejklum Damascoe, yuꞌun ya xba sle te machꞌatik stamojik te achꞌ bee, winik o ants, y ya yikꞌtalan bael ta prexo ta Jerusalen.

Hechos 8:3

Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.

Hechos 6:12

Jich a slijkesbeyik slaꞌ-yoꞌtan a te jtejklume sok te moletike y sok te maestroetik yuꞌun te mantaliletike. Jich a skomon-tsakonik te jꞌEstebane, y la xjochik bael te ba tsobol te machꞌatik ay yaꞌtele.

San Juan 18:12

Te soltaroetike sok te statal yuꞌunike sok te polisiaetik yuꞌun te statal juriyoetik la skomon-chukonik bael te Jesuse.

San Lucas 22:54

Jich a stsakik bael te Jesuse y la yikꞌik bael ta sna te statal saserdotee. Te jPedroe jakal jakal ay kꞌael.

San Lucas 22:52

Te nax a la yalbe te stataletik yuꞌun te saserdoteetike y sok te statal polesiaetik yuꞌun te jkanan-temploe sok te moletik te talemik ta stsakel bale, jich a yal: —¿Meꞌn jꞌelekꞌon te tal atsakikon bale sok ateꞌik sok apuñalik?

San Mateo 4:12

Te kꞌalal la yaꞌiybe sluwar Jesus te ochemix ta prexo te Juane, sujt bael ta estado yuꞌun Galilea.