Hechos 3:1 - Nuevo Testamento Tzeltal de Amatenango

¹ Ay jun kꞌaal te jPedroe sok te Juane laj bajt ta templo las tres mal kꞌaal a, jaꞌ yorail a te skꞌoponel Diose.

Bible in Tzeltal Bachajón

¹ Te Pedro soc Juan bahtic ta Templo ta oxeb ora suhtel c'ahc'al a, ha te yorahil sc'oponel Dios.

Bible in Tzeltal de Oxchuc y Tenejapa

¹ Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.

Hechos 3:1 Referans Kwoze

Hechos 10:3

Jun kꞌaal, las tres mal kꞌaal wan a, aꞌbot yil ta stekꞌlejal yilel jtul chꞌul ángel yuꞌun Dios te tal te ba aye, y albot yuꞌun: —Cornelio —xchi a yaꞌiy.

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

San Lucas 1:10

Yipal ta xchikꞌel a te pome, sok spisil te jtejklume yipalik ta skꞌoponel Dios ta yamakꞌul te temploe,

Hechos 5:25

Ben te ora a, kꞌot jtul y altalanbot yuꞌun: —Te machꞌatik la awotsesik ta prexo aylanix ta templo, yipal ta snojpesel te jtejklume —xchi.

San Lucas 24:53

Jujun kꞌaal ayik ta templo ta yalbeyel kola yal te Diose. Jichuk.

Hechos 8:14

Kꞌalal la yaꞌiybeyik sluwar te apostoletik te ayik ta Jerusalene te la xchꞌuunikix skꞌop Dios te samariaetike, la stikonik bael teꞌa te jPedroe sok Juane.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

San Juan 21:7

Jich te jtul jnopojel, te machꞌa ben kꞌux ya yaꞌi sba sok te Jesuse, la yalbe te jPedroe: —Jaꞌ te Kajwaltike —xchi. Y kꞌalal la yaꞌi te Simon Pedroe te jaꞌ te Kajwaltike, ba slap ta ora te skꞌuꞌ-spakꞌe yuꞌun tꞌaxal, y la xchoj sba ochel ta jaꞌ.

San Lucas 22:8

Te Jesuse la stikon bael te jPedroe sok te Juane. La yalbe: —Baanik, ban chapaik te weꞌelil yuꞌun te kꞌin Pascuae —xchi.

San Mateo 26:37

La yikꞌ xan bael te jPedroe sok te cheb yuntikil te Zebedeoe. Lijk ta ajtal-oꞌtan y lijk ta wokol te Jesuse.

San Mateo 17:1

Wakeꞌ kꞌaal ta patil a te Jesuse la yikꞌ bael te jPedro, te Jacoboe sok te yijtsꞌine, jaꞌ te Juane. Parte ikꞌtalanot bael yuꞌun te Jesuse ta jun mukꞌul wits te ben toyole.

Hechos 10:30

Te jCornelioe la sjakꞌ: —Ayix ta chanebal kꞌaal jich wan ora to, liꞌiyon a ba jnae, jkomoj jweꞌel y yipalon ta skꞌoponel Dios a las tres mal kꞌaal a, kꞌalal la kil a chiknaj jtul winik te xlemet nax skꞌuꞌ-spakꞌe.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

San Mateo 27:45

Ol kꞌaal a ijkꞌub spisil te balmilale, jaꞌ to kꞌalal ta las tres mal kꞌaale.

San Lucas 18:10

—Ay cheb winketik ba skꞌoponik Dios ta templo. Te jtule fariseo, y te jtul xane jkꞌan-tojemal.

Hechos 3:3

Te koxo-winike la yil te jPedro sok te Juane, te ya xlaj ochix bael a te ba temploe. La skꞌan smajtan takꞌin.

Hechos 3:4

Te jPedro sok te Juane la yalbeyik: —Kꞌeluyaotik —xyutik.