Hechos 26:11 - Nuevo Testamento Tzeltal de Amatenango

¹¹ Bayal buelta a kilbajinlan yuꞌun jaꞌ ya jkꞌan te puersa ya xchꞌoj jilel te tut xchꞌuunej yoꞌtanike, y jicha jpasulan ta spisil sinagogaetik. Skaj te lijkem bayal slaꞌ-koꞌtan yuꞌunik, jicha ba kilbajinlan ta yanetik jtejklum.

Bible in Tzeltal Bachajón

¹¹ Bayel buelta la jcac'ticlambe castigo ta spisil sinagogahetic, soc la jsujticlan ta sbohlc'optayel Dios; c'ax c'ahc'ubon ta scontrahinel, ay nix bohon ta yuts'inlanel ta pueblohetic yu'un jyanlumetic.

Bible in Tzeltal de Oxchuc y Tenejapa

¹¹ Bayal buelta la cac'bey castigo ta sinagogaetic. La cac' puersa ta stoybac'optayel. Scaj te bayal jajch'em slab co'tan yu'unique, jich boon ta yuts'inel ta bay slumalic te jyanlumetique.

Hechos 26:11 Referans Kwoze

Hechos 22:19

Te joꞌone la kalbe: “Kajwal, snaꞌojik te ya xboilanon ta sinagogaetik te ya xba kikꞌ tal, ya xtal kakꞌ ta prexo te machꞌatik ya xchꞌuunate, y lek ya jmajtalan tal.

Hechos 13:45

Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik.

San Mateo 10:17

Ila me abaik yuꞌun te genteetike, yuꞌun ya me yakꞌex ta skꞌab te juꞌeletike, sok ya me awichꞌik majel ta sinagogaetik,

Hechos 22:5

Te statal saserdoteetike y spisil te moletike jaꞌ te testigoetik yuꞌun spisil. Stukelik a yaꞌbikon tal kartaetik yuꞌun te kermanotaktik juriyoetik te aylan ta jtejklum Damascoe, y boon, ba jle te hermanoetike yuꞌun ya kikꞌtalan tal liꞌ ba Jerusalene, yuꞌun ya kꞌabe kastigo.

Hechos 9:1

Te Sauloe ma xlaj yoꞌtan ta yalbeyel skꞌoplal ta milel te hermanoetik ta stojol te Kajwaltike. Jaꞌ yuꞌun ba skꞌopon te statal saserdotee

2 Pedro 2:16

La yichꞌ komel yuꞌun te ya sleulan smule, yuꞌun kꞌopoj jkojt buru te ma xkꞌopoje, kꞌopoj jich tutꞌil skꞌop gente. La skom te tut ma lekuk snopoj te jꞌalwaneje.

Santiago 2:7

¿Meꞌn ma jaꞌuk te machꞌatik ya yixta-kꞌoptayik te ben tsaꞌam sbiil te la yichꞌ alel ta akuentaike?

Hechos 18:6

Pero te juriyoetike lijk skontrainik te jPabloe y la stoyba-kꞌoptayik. Jich te jPabloe la slilin skꞌuꞌ-spakꞌ yuꞌun jaꞌ seña ta stojolik te ya xchꞌoj jilele, y la yaltalanbe: —Jaꞌex ay ta akuentaik teme chꞌayel ya xbaexe. Te joꞌone maꞌyuk ta jkuenta ya xkꞌot. Liꞌ nax kꞌalal to ya xboon te ba ay te machꞌatik ma juriyouke —xyut jilel.

San Lucas 21:12

“Pero te kꞌalal ma to xkꞌot ta pasel a te tuti kale, te jaꞌexe ya me yakꞌelex ta kꞌabal y ya me yilbajinex. Ya me yikꞌelex bael ta ichꞌel ta kꞌop ta sinagogaetik. Sok ya me yotseselex ta prexo y ya me yikꞌelex bael ta stojol reyetik sok gobiernoetik ta joꞌon ta jkaj.

San Lucas 15:17

“Ta patil lijk spas pensar yuꞌun te swokole, y jul ta yoꞌtan: “Ay bayal yaj-aꞌtel ta sna te jtate sok bayal tut ya sweꞌik. Yan te joꞌone ya xchamon ta wiꞌnal liye.

San Lucas 6:11

Te machꞌatik teꞌey ae beno laj ilinik yuꞌun. Lijk sjojkꞌobe sbaik te tut ya yutik te Jesuse.

San Marcos 13:9

“Ila me abaik te jaꞌexe. Ya me yakꞌelex ta skꞌab te juꞌeletike, y ya me awichꞌik majel ta chꞌulnaetik. Ya me stejkꞌanelex ta sit juꞌeletik sok ta sit gobierno ta skaj te achꞌuunejikone. Jich me kaj-testigoex ya xkꞌoex kuꞌun ta yolilik.

San Marcos 3:28

“Jamal ya kalbeyex, te Diose ya yaꞌbe perdon te winketik yuꞌun spꞌejel te smulike sok spꞌejel te ma tsaꞌamuk te ya yalike.