Hechos 26:10 - Nuevo Testamento Tzeltal de Amatenango

¹⁰ Y jich a jpas ta Jerusalen. Ta orden yuꞌun te stataletik yuꞌun te saserdoteetike la kotses ta prexo bayal hermanoetik te xchꞌuunejik te Jesuse. Y te kꞌalal ya smilike, akuerdo ayon ekꞌa.

Bible in Tzeltal Bachajón

¹⁰ hich la jpas ta Jerusalén. La jquich' ca'tel yu'un te principal sacerdotehetic, hich la jcac'ticlan ta cárcel tsobol mach'atic ch'uhltesbilic. C'alal la yich'ic milel, la jcal te ac'a lajicuc.

Bible in Tzeltal de Oxchuc y Tenejapa

¹⁰ Jich nix la jpas ta Jerusalén. La quich' cat'el yu'un te jwolwanej-sacerdoteetic te ya cac' ta chucjibal te mach'atic ch'ul lum yu'un te Diose. Teme ay ac'ot ta lajele, jich co'tan yu'un uuc.

Hechos 26:10 Referans Kwoze

Hechos 8:3

Te Sauloe ma laj yoꞌtan ta yilbajinel te hermanoetike. Ya xꞌoch kꞌael ta nanatik y ya xochtalan lokꞌel te winketik sok te antstike, y spisil ya xba yakꞌtalan ta prexo.

Hechos 9:21

Spisil te machꞌatik la yaꞌiyike lom cham a yaꞌiyik y la yalik: —¿Me ma jaꞌuk tsꞌin to te ya yilbajinlan te machꞌatik ya staik ta alel te stsaꞌamul te sbiil te Jesus te aylan ta Jerusalene? ¿Me ma wan jaꞌuk mismo talem yuꞌun liye te ya xchuktalan bael te hermanoetik sok te ya xba yakꞌ entregal ta stojol te stataletik yuꞌun te saserdoteetike? —xchiik.

1 Corintios 15:9

Yuꞌun te joꞌone jaꞌ mas pekꞌ ayon yuꞌun te apostoletike. Y ni ma spas te apostol ya yalbelone, porke la jtentalan te hermanoeitk ta stojol Diose.

Hechos 9:26

Te kꞌalal kꞌot ta Jerusalen te Sauloe, kꞌan stsob sba sok te hermanoetike, pero spisilik ya xlaj xiꞌik yuꞌun, yuꞌun ma xchꞌuunik teme jnopojelix yuꞌun te Jesuse.

Hechos 8:1

Te Sauloe teꞌey ekꞌa, la yakꞌ sba ekꞌa te milot te jꞌEstebane. Te kꞌaal abi lijk ta jun gran tenel te hermanoetik te ayik ta Jerusalene. Spisilik a pujkejik bael te hermanoetik ta estadoetik yuꞌun Judea sok ta Samaria. Ja xanix a laj jil ta Jerusalen te apostoletike.

Hechos 7:58

La xchechik lokꞌel te ba stiꞌil jtejklume y teꞌ kꞌo yaꞌbeyik ton a. Y te machꞌatik la slebeyik smule la yakꞌik jilel ta kanantayel te skꞌuꞌ-spakꞌike. Jaꞌ skanantaye jilel te jtul soltero te Saulo sbiile.

Apocalipsis 17:6

Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.

Gálatas 1:13

Te jaꞌexe awaꞌiyejikix te tut kilel te nail toe te kꞌalal jun ayon sok a te juriyoetike. La jtentalan sok la kilbajinlan te hermanoetik yuꞌun Dios y jnopoj ya jtupꞌbe skꞌoplal.

Hechos 9:41

Te jPedroe la xchechbe te skꞌabe y la xjach. Te nax a la yikꞌ tal te hermanoetik y sok te meꞌba antstike, y la yakꞌtalanbe yil te kuxulix te xDorcase.

Hechos 9:32

Te jPedroe yipal kꞌael ta yuluꞌtayel a te hermanoetike, y bajt ba yil euk te hermanoetik te aylan ta jtejklum Lidae.