Hechos 21:3 - Nuevo Testamento Tzeltal de Amatenango

³ Yipalotik ta kꞌaxel bael a la kiltik te slum Chipre te joybil ta jaꞌe jil kuꞌuntik ta kꞌexom, y toj a bootik kꞌalal ta estado Siria. Pero te barkoe la skoes jilel ijkatsil ta jtejklum Tiro, y teꞌ kootik jilel a.

Bible in Tzeltal Bachajón

³ C'alal chicanix te Chipre, q'uexam hil cu'uncotic, behenotcotic xan ta Siria, c'ohotcotic ta Tiro, yu'un tey cohtesbot yihcats a te barcohe.

Bible in Tzeltal de Oxchuc y Tenejapa

³ Te c'alal yacotic ta baele, c'axotic ta stojol Chipre. Ta xq'uexen jc'abtic jil. Toj bootic ta sq'uinal Siria. Noptsajotic bael ta lum Tiro, tey la quijq'uitaybetic yijc'ats a te barcoe.

Hechos 21:3 Referans Kwoze

Hechos 27:4

Chaꞌmootik bael ta barko, lokꞌotik bael te ba jtejklum Sidone, kꞌaxotik bael ta spat te slum Chipre, yuꞌun lom wokol yipal ta beel te barkoe ta skaj te ben xwetꞌot yuꞌun te ikꞌe.

Hechos 21:16

La sjoyinotik bael chaꞌoxtul hermanoetik te aylan ta Cesareae, sok la yikꞌotik bael ta sna jtul mamal Mnason sbiil, te talem ta jtejklum Chipree, te namey xchꞌuunej te Jesuse. Jaꞌ la yaꞌbotik jmajantik te snae.

Hechos 12:20

Te jHerodese ilinem sok te genteetik yuꞌun te jtejklum Tiro y sok te jtejklum Sidon. Jich te jtejklume la snopik te ya xtal skꞌoponik te jHerodese. Ja nail a slekil-kꞌoponik te jBlasto sbiil te aꞌbil tulan yaꞌtel te rey Herodese, yuꞌun stukel xba skꞌopon te reye te ayuk bujtsꞌan kꞌinal ya yaꞌiyike, porke te ba slumal te reye teꞌ ya staik a te tut ya xtuun yuꞌunike.

Hechos 4:36

Jich tutꞌil te jtul levita winik te Jose sbiil, te ay slumal ta Chipre te joybil ta mare, jaꞌ te machꞌa aꞌbot sbiilin Bernabe yuꞌun te apostoletike (ja te “ya sjunutesbotik koꞌtantik” xchi kꞌoem te sbiile).

San Mateo 4:24

Pujk skꞌoplal te Jesuse ta spꞌejel estado yuꞌun Siria. La yikꞌtalanik tal ta skuenta te jayeb machꞌatik ayik ta chamele, chikan te tutikuk chamelil te kꞌux ya yaꞌiy ta stiꞌbalulike. Ay machꞌatik ochem pukuj ta yoꞌtanik sok ay machꞌatik staoj tupꞌtupꞌ-ikꞌal sok ay machꞌatik kꞌolbil yok-skꞌabik te la slekuteslan te Jesuse.

Hechos 18:18

Te jPabloe bayal xan kꞌaal a jalaj a te ba Corintoe. Ta patil la skꞌoponlan jilel te hermanoetike, y sok te jꞌAquila sok te sPriscila, moik bael ta barko yuꞌun laj bajt ta estado yuꞌun Siria. Te kꞌalal ma to xmoik ta barko a te Pabloe, la yakꞌ ta joxel sjol ta jtejklum Cencrea yuꞌun ay tut yaloj ta stojol te Diose.

Hechos 15:41

Kꞌaxik bael ta estado Siria y sok estado Cilicia. Kꞌa yaꞌbeyik spuersa yoꞌtan te juju-tijkꞌ hermanoetike.

Hechos 15:39

Tulan a skꞌopon sbaik yuꞌun, sok jich a spit sbaik. Te jBernabee jaꞌ a yikꞌ bael te jMarcose. Moik bael ta barko, laj bajt ta slum Chipre.

Hechos 15:23

Jicha aꞌbot ba yichꞌik te karta te jich a yale: “Joꞌotik apostolotik y sok te ansianoetik te awermanotake, xkoltanuk te kermanotaktik te ma juriyouke, te ayik ta jtejklum Antioquia sok ta Siria y sok ta Cilicia.

Hechos 13:4

Te jBernabe sok te Sauloe tikonlanot bael yuꞌun te Chꞌul Espiritue. Jicha laj bajt ta jtejklum Selucia. Teꞌ moik bael ta barko a, bajtik ta slum Chipre.

Hechos 11:19

Ta patil chamenix a te jꞌEstebane, lijk ta ilbajinel te hermanoetike. Jaꞌ yuꞌun ay a laj bajtik ta anel ta slum Fenicia, sok ta slum Chipre, sok ta jtejklum Antioquia. Teꞌ kꞌo yalbeyik skꞌop Dios a te juriyoetike, pero ma jaꞌuk a yalbe te machꞌa ma juriyouke.

San Lucas 10:13

¡Te jtejklum Corazin oꞌol me sbaik! ¡Sok te jtejklum Betsaida oꞌol me sbaik euk! Te teyuk a yichꞌ pasel a te milagroetik te ba jtejklum Tiro sok jtejklum Sidone tutꞌil te la yichꞌix pasel ta atojolike, ora me la sujtes yoꞌtanik yuꞌun smulik te jichuke. La me slapik pakꞌ te ay xchꞌixale sok la me snajkan sbaikix ta tan yuꞌun yajtal yoꞌtanik yuꞌun smulik te jichuke.

San Lucas 2:2

Jaꞌ primero senso te la spas te ay yaꞌtel ta gobiernoil ta estado Siria te Cirenio sbiile.

San Mateo 11:21

—Te jaꞌat jtejklum Corazin, oꞌol me abaik. Sok te jaꞌat jtejkꞌum Betsaida, oꞌol me abaik euk. Te teꞌuk a yichꞌ pasel a te milagroetik te ba jtejklum Sidon jich tutꞌil te la yichꞌ pasel ta akuentaike, ora me la sujtes yoꞌtanik yuꞌun smulik te jichuke. La me slapik pakꞌ te ya xchꞌixtawane sok la me snajkꞌan sbaik ta tan yuꞌun yajtal yoꞌtanik yuꞌun smulik.

Hechos 21:2

Teꞌ kꞌo jtatik jun barko a te ya xbajt ta slum Fenicia, y jaꞌ a mootik bael a.

Hechos 21:7

Jaꞌ último buelta mootik ta barko a. Jil kuꞌuntik te jtejklum Tiro, y bootik ta jtejklum Tolemaido. Teꞌ kꞌo jpatbeytik yoꞌtanik a te hermanoetike, y la joyin bajtik sok jun kꞌaal.