Hechos 2:1 - Nuevo Testamento Tzeltal de Amatenango

¹ Te kꞌalal kꞌot skꞌaalel te kꞌin Pentecostese, spisil te hermanoetike stsoboj sbaik ta jun nax luwar a.

Bible in Tzeltal Bachajón

¹ C'alal c'oht sc'ahc'alel q'uin Pentecostés, ta spisilic jun stsoboj sbahic a.

Bible in Tzeltal de Oxchuc y Tenejapa

¹ Te c'alal c'ot sc'aalelal te q'uin Pentecostés, spisilic te jnopojeletic jun nax yo'tan sbaic te banti stsoboj sbaique.

Hechos 2:1 Referans Kwoze

Romanos 15:6

yuꞌun ta apisilik jun nax akꞌopik te ya awalik te ben tsaꞌam slekil te Dios te Stat te Kajwaltik Jesucristoe.

Filipenses 2:2

a me junubuk xan koꞌtan awuꞌunik te tutꞌil jun awoꞌtan abaik ya xꞌanexe. Jun nax me xkꞌoex ta skuenta te xkꞌuxul awoꞌtanike, sok jun nax me awoꞌtan abaik, sok jun nax me te tutik ya anopike.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

1 Corintios 16:8

Pero ya to me xjalajon ta Efeso jaꞌ to ta skꞌaalel Pentecostes.

Hechos 4:32

Spisil te hermanoetike te lom bayalikixe jun nax te tut ya snopike y jun nax te xchꞌulelike. Maꞌyuk machꞌa yal te stukel yuꞌun te stutik yuꞌune, sinoke jun nax yuꞌunik ta spisilik.

Hechos 20:16

Jicha beenotik yuꞌun la snop te jPabloe te makꞌ ya xjalajotik ta estado Asiae. Jich maꞌ bootik ta jtejklum Efeso, yuꞌun te jPablo ya skꞌan te yauk xkꞌot ta ora ta Jerusalen, yuꞌun teꞌ me ayix a te ya xkꞌot skꞌaalel Pentecostese.

Hechos 4:24

Kꞌalal laj yaꞌiyike spisilik, jun nax a skꞌoponik Dios. La yalik: —Kajwal, jaꞌat la apas te chꞌulchan sok te balmilale y sok te mare y spisil te tutik aye.

Hechos 5:12

Te apostoletike juꞌ yuꞌunik spasel bayal señaetik y milagroetik ta yolil te gentee. Y spisil te hermanoetike jun yoꞌtanik la stsobilan sbaik te ba yamakꞌ te Salomone.

Hechos 2:46

Jujun kꞌaal ya stsobilan sbaik ta templo y la sjoyin sbaik ta weꞌel ta skuenta Dios te ba snaike. Ben jun yoꞌtanik a weꞌik, y ben kontentoik.

Hechos 1:5

Jich te Juane la yaꞌbe yichꞌ jaꞌ te gente ta jaꞌ nax. Pero ma jalukix kꞌaal te jaꞌexe te ya yaꞌbelex awichꞌik te Chꞌul Espiritue —xchi te Jesuse.

Hechos 1:8

Pero te kꞌalal ya xtal te Chꞌul Espíritu te ya xjul ta akuentaike ya me awichꞌik apoderik. Jich me testigo ya xkꞌoex kuꞌun ta Jerusalen, sok spisil ta estado yuꞌun Judea, sok ta estado yuꞌun Samaria, y sok ta spisil te balmilale —xchi.

Hechos 4:31

Te kꞌalal laj yoꞌtanik ta skꞌoponel te Diose, nijkꞌ te luwar ba stsoboj sbaike. Y spisil a noj ta yoꞌtanik te Chꞌul Espiritue, y jamal a lijk yalik te skꞌop Diose.