Hechos 19:3 - Nuevo Testamento Tzeltal de Amatenango

³ Te jPabloe la sjojkꞌolanbe: —¿Tut yuꞌun te ichꞌjaꞌ te la awichꞌik te? —xchi. Y la sjakꞌtalanik: —Jaꞌ skꞌoplal te tutꞌil a yakꞌ ichꞌjaꞌ te Juane —xchiik.

Bible in Tzeltal Bachajón

³ Te Pablo la yal: ¿Mach'a ta scuenta te la awich'ic ha'? xchi. Ha te ich'-ha' yu'un Juan, xchihic.

Bible in Tzeltal de Oxchuc y Tenejapa

³ Te Pablo la yalbey: —¿Mach'a ta swenta jiche te ich'ja' te ac'botex awich'ique? —xi'. La yalic: —Ja' te bit'il la yac' ich'ja' te Juane —xiic.

Hechos 19:3 Referans Kwoze

Hechos 18:25

Sok snaꞌojix tutꞌil ay ta chꞌuunel te Kajwaltike y ben jun yoꞌtan ya xkꞌopoj. Tsꞌakal ya yakꞌ ta nopel te tutꞌil ay skꞌoplal te Jesuse, aunke jip nax ya snaꞌbe sluwar a te tutꞌil ay te ichꞌjaꞌ te la yakꞌ te Juane.

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Hechos 8:16

Porke ma to xjul ta skuentaik ni jtuluk a te Chꞌul Espiritue, jip to nax a te la yichꞌik jaꞌ ta sbiil te Kajwaltik Jesuse.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

San Lucas 7:29

Spisil te genteetike te la yaꞌibeyik skꞌop te Juane, sok te jkꞌan-tojemaletik yuꞌun te Roma te akꞌtalanbot yichꞌik jaꞌ yuꞌun te Juane, la yalik te tutꞌil lek yaꞌtel stukel te Diose.

Hebreos 6:2

sok te nojpesel yuꞌun skꞌoplal ichꞌjaꞌe, sok te kajanel kꞌabal ta sjol te hermanoetike, sok te chaꞌkuxel yuꞌun te animaetike, sok te kastigo sbajtel kꞌinale.