Hechos 19:1 - Nuevo Testamento Tzeltal de Amatenango

¹ Te kꞌalal ay to ta jtejklum Corinto a te jꞌApolose, te jPabloe kꞌax tal ta puru witstikil y kꞌot ta Efeso. Teꞌ kꞌo sta bayal hermanoetik a.

Bible in Tzeltal Bachajón

¹ C'alal ay ta Corinto a te Apolos, te Pablo la yocliy bahel te ahc'ol q'uinal, tal ta Éfeso. Ay jnopojeletic la sta tey a,

Bible in Tzeltal de Oxchuc y Tenejapa

¹ Te c'alal ay ta lum Corinto te Apolose, te Pablo c'ax tel ta witstiquil, c'ot ta lum Efeso. Ay jnopojeletic c'o sta tey a.

Hechos 19:1 Referans Kwoze

1 Corintios 16:12

Y te kermanotik Apolose, bayal a jkꞌanbeyix pawor te yauk xtal yilex sok te hermanoetike, pero maꞌ skꞌan te ora ya xtale. Ya me xtal ta kꞌalal ay stiempoe.

1 Corintios 1:12

Jaꞌ te ay jtul-chebex te ya awalik: “Joꞌon ayon ta skuenta jPablo”, yan ya yal: “Joꞌon ayon ta skuenta Apolos”, yan ya yal: “Ayon ta skuenta jPedro”, yan ya yal: “Joꞌon ayon ta skuenta Cristo”, xchaex.

Hechos 18:1

Ta patil te jPabloe lokꞌ bael ta jtejklum Atenas y bajt ta jtejklum Corinto.

Hechos 18:8

Te Crispo te statal yuꞌun te sinagogae la xchꞌuun euk te Kajwaltike sok spisil te machꞌa ay yuꞌun ta snae. Ay bayal corintioetik te kꞌalal la yaꞌiyik te skꞌop Diose la xchꞌuunik euk, y la yichꞌtalan jaꞌ.

Hechos 19:17

La yaꞌiyik spisil te machꞌatik aylan ta jtejklum Efesoe, ay juriyoetik sok te ma juriyouke, y spisilik a la xiꞌik yuꞌun. Jicha pujk ta alel xan ta lek a te sbiil te Kajwaltik Jesuse.

Hechos 19:26

Pero te jaꞌexe awilojikix y awaꞌiyejikix te jPablo xꞌalbote yipal ta yalel te ma jaꞌuk diosetik te pasbil ta skꞌab winketike. Y jich a yakꞌ kꞌotukix ta yoꞌtanik bayal te gentee, ma jaꞌuk nax liꞌ ba Efesoe, kasi jich euk ta spisil te estado Asiae.

Hechos 20:16

Jicha beenotik yuꞌun la snop te jPabloe te makꞌ ya xjalajotik ta estado Asiae. Jich maꞌ bootik ta jtejklum Efeso, yuꞌun te jPablo ya skꞌan te yauk xkꞌot ta ora ta Jerusalen, yuꞌun teꞌ me ayix a te ya xkꞌot skꞌaalel Pentecostese.

Hechos 20:18

Te kꞌalal laj kꞌote, la yaltalanbe: —Te jaꞌexe anaꞌojik te tut kilel la awilikon te jayeb kꞌaal ayon ta awolilik jaꞌto te jul joyinex ta primero ta estado Asiae.

Hechos 21:29

Jich a yalik yuꞌun achꞌ to nax a yilik te jPablo te sjoyinej ta jtejklum te Trofimo sbiil te talem ta Efesoe, y la skuyik te jPablo la yikꞌtalan ochel ta temploe.

1 Corintios 4:6

Kermanotak, la kalbeyex awaꞌiyik te tutꞌil ayone y sok te Apolose, skuenta jich ya anaꞌik te tutik lek ya xkꞌoex yuꞌune. La kalbeyex yuꞌun jich ya anopik a te makꞌ xkꞌaxex ta mas a te tutik tsꞌibabil jilele, y yuꞌun jich ma ba ya mukꞌutesbeyik skꞌoplal a te jtule y sok te ya apꞌajik te yane.

1 Corintios 15:32

Te joꞌone la jpas puersa ta Efeso te ba ay te machꞌatik pajalik sok jtiꞌawal chambalam. Pero ¿tutiꞌ lokꞌ kuꞌun a? Teme batsꞌi jich te makꞌ xchaꞌkux te animaetike, jich tutꞌil te ay machꞌa jich ya yale: “Weꞌukotik y uchꞌaukotik, yuꞌun te pajele ya xchamotik”, xchiik me.

1 Corintios 16:8

Pero ya to me xjalajon ta Efeso jaꞌ to ta skꞌaalel Pentecostes.

Efesios 1:1

Joꞌon jPabloon, apostolon yuꞌun te Jesucristoe te jich a skꞌan yoꞌtan te Diose. La jtsꞌibay te karta to yuꞌun te jayebex ayex ta skuenta Dios sok te achꞌuunejik te Cristo Jesuse te ayex ta mukꞌul jtejklum Efeso.