Hechos 18:3 - Nuevo Testamento Tzeltal de Amatenango

³ Pajal ya snaꞌ spasel nail pakꞌ sok te jꞌAquilae, jaꞌ yuꞌun la sjoyin sbaik y jun nax a aꞌtej sok.

Bible in Tzeltal Bachajón

³ Te bin ut'il pajal ya'telic, la sjoquin ta nahinel, yu'un pajal a'tejic ta spasel nahilpac'.

Bible in Tzeltal de Oxchuc y Tenejapa

³ Te bit'il pajal yat'elinejic spasel nailpac', jich la sjoin sbaic ta at'el soc ta nainel.

Hechos 18:3 Referans Kwoze

1 Tesalonicenses 2:9

Kermanotak, te jaꞌexe naꞌaik me te tutꞌil a aꞌtejotik y la jpastik puersa yuꞌun jich la jta jkuxlejaltik a. Aꞌtejotik ta kꞌajkꞌal y ajkꞌubal, yuꞌun maꞌ jkꞌantik te la kakꞌtik awokolik te jaꞌexe te la kalbeyex skꞌoplal te Diose.

1 Corintios 4:12

Y sok lubenotik ta aꞌtel sok jkꞌabtik. Te tut ma lek ya yalbelotike, lek ya jakꞌbetik te joꞌotike. Bayal jwokoltik ta ilbajinel, pero juꞌem kuꞌuntik.

2 Corintios 11:9

Y te kꞌalal ayon ta awolilik, teme ay nesesidad a kaꞌiye, ni maꞌyuk machꞌa kaꞌbe swokol yuꞌun. Yuꞌun te hermanoetik te talemik ta Macedoniae la yaꞌbikon te tut ya xtuun kuꞌune. Jich a jpas yuꞌun ma me ayuk awijkatsik ya kaꞌbeyex, y jich sigue ya jpas bael.

2 Corintios 12:13

¿Me ay ma jichuk a kakꞌex ta jkuenta te tutꞌil a kakꞌ ta jkuenta te yan hermanoetike? ¿O jaꞌ yuꞌun te maꞌ jkꞌanbeyex te koltayel te tuun kuꞌune? Pasbikon perdon teme ay ma lekuk la jpasbeyexe.

2 Corintios 11:7

¿Me ay wan tut ma lek a jpas te la kalbeyex skꞌoplal kolel te maꞌyuk a jkꞌan jtojol ae? ¿Me jaꞌ jmul a jta a te joꞌon chꞌin a kakꞌ jba, yuꞌun jich mukꞌ ya xlokꞌex te jaꞌexe?

1 Corintios 9:14

Jaꞌ nax jich euk te Kajwaltike la yal mantal te machꞌatik ya yalik te lek yachꞌil kꞌop yuꞌun te kolele, teꞌ me ya sta a te tut ya xtuun yuꞌunike.

1 Corintios 9:15

Pero te joꞌone maꞌyuk ba jich a jkꞌan a kichꞌ te tut ay ta ichꞌele. Ni te jich a jtsꞌibabeyexe yuꞌun ay tut ya jkꞌanbeyex chꞌinuk. Jaꞌ lek chamukon nail yuꞌun ma jkꞌan ya xchꞌay te tut lom bujtsꞌan kꞌinal ya kaꞌiy yuꞌune.

1 Corintios 9:18

Jich yuꞌun te jtojole jaꞌ te bujtsꞌan kꞌinal ya kaꞌi yuꞌun te ma tojbilukon ya kal te lek achꞌ kꞌop yuꞌun te kolele. Manchuk teme ya xjuꞌ ya yichꞌ kꞌanel te tut ya xtuun kuꞌun te tutꞌil ayon ta yalel te skꞌop Diose, maꞌyuk tutꞌ yakon ta skꞌanel.

1 Tesalonicenses 4:11

Oꞌtantayaik te jun awoꞌtanik ya xkuxuyinex sok pasaik me te tut ay ta akuentaik spasele. Aꞌtejanik ta akꞌabik jich tutꞌil te la kalbetikexe,