Hechos 15:2 - Nuevo Testamento Tzeltal de Amatenango

² Te jPablo sok te jBernabee jicha lijk bayal kꞌop yuꞌunik sok. Jich a yichꞌik tꞌujel te jPablo sok te jBernabee sok xan yanetik yuꞌun ya xbajtik ta Jerusalen ta xchapel te kꞌop sok te apostoletike y sok te ansianoetik yuꞌun te hermanoetik te ba Jerusalene.

Bible in Tzeltal Bachajón

² Te Pablo soc Bernabé hahch bayel c'op yu'unic soc tulan la yut sbahic yu'un. Ha yu'un la yich' chapel te ya xbahtic ta Jerusalén te Pablo soc Bernabé soc cha'oxtuhl yantic ta stojol te jpuc-c'opetic soc te ancianohetic yu'un ya yich' chahpanel te c'ope.

Bible in Tzeltal de Oxchuc y Tenejapa

² Jich jajch' bayal c'op yu'un. In te Pablo soc te Bernabee tulan la yut sbaic soc. Jich la yich'ic tsael ta xchebalic soc xan yantic quermanotactic te ya xbajt'ic ta xchapel ta stojol te jpuc-c'opetic soc te ancianoetic te ayic ta lum Jerusalén.

Hechos 15:2 Referans Kwoze

Gálatas 2:5

Pero ni chꞌinuk a jchꞌuunbetik te tut ya sujotik aye. Porke jaꞌ ya jkꞌantik te batsꞌi jich te skꞌoplal kolel te jmel nax ay ta akuentaike.

2 Corintios 11:5

Te ya kale, te joꞌone maꞌyuk ba chꞌin kꞌoemon yuꞌun te mukꞌul apostoletik awuꞌunik te jaꞌex a tsꞌakliyejike.

Hechos 15:4

Te kꞌalal kꞌot ta Jerusalen te jPablo sok te jBernabee, te hermanoetik te stsoboj sbaik, sok te apostoletike y sok te ansianoetike ben jun yoꞌtanik a yikꞌik ta stojolik. Y te jPablo sok te jBernabee lijk yaltalanbe spisil te tutik a spas Dios ta stojolike.

Hechos 11:30

Jich a spasik, sok la stikonik bael ta stojol te ansianoetik te ayik ta Jerusalen. Jaꞌ a yaꞌbeyik bael te jBernabe sok te Saulo te takꞌine.

Judas 1:3

Kermanotak te kꞌuxex ta koꞌtane, ben jun koꞌtan a jkꞌan a jtsꞌibabeyex te tutꞌil ay te kolele te pajal ayix kuꞌuntike. Pero te ora to ya kil te tut puersa ya skꞌan pasel te kartae, yuꞌun ya kalbeyex te ya apasik puersa sok te xchꞌuunel awoꞌtanike te jmel nax aꞌbilotikix sok te machꞌatik ayix ta skuenta te Diose.

1 Corintios 1:1

Joꞌon jPabloon, te la yikꞌon ta aꞌtel te Diose ta skꞌanojel yoꞌtan. La yakꞌon ta apostolil yuꞌun te Jesucristoe. Joꞌon sok te hermano Sóstenese

Hechos 21:18

Ta xchebal kꞌaal la joyintik bael te jPabloe, yuꞌun ba yulutay tal te Jacobo, y teꞌeyik spisil a te ansianoetike.

Hechos 16:4

Ta spisil te jtejklum te ba ya xkꞌaxike, jaꞌ a yalbeyik te hermanoetik te tut mantal a xchap te apostoletik sok ansianoetik yuꞌun te hermanoetik ta Jerusalene.

Hechos 15:27

Jaꞌ yuꞌun la jtikontikix tal te Judase sok te Silase. Jaꞌ me ya yalbeyex awaꞌiyik ta personal tut ay sluwaril te kꞌop to.

Hechos 15:25

Jaꞌ yuꞌun la jnoptik ta komon te jaꞌ lek la jbiiltestik cheb kermanotaktik ta koliltik te ya xtal yilexe. Jaꞌ jun nax ya xtal sok te kermanotaktik Bernabe sok te jPabloe, te ben kꞌux ta koꞌtantike,

Hechos 11:12

Te Espiritue la yalbon te ya xboon soke, sok te manchuk ya xꞌaꞌabiyan koꞌtan yuꞌune. Y jich a sjoyinikon bael te waktul hermanoetik to. Jpisiltik a ochotik kꞌoel te ba sna jtul winik

Hechos 10:23

Jich te jPedroe la yikꞌ ochel ta na, y teꞌ kꞌax ajkꞌubal yuꞌunik a. Ta yan kꞌaal, te jPedroe bajt sok te winketike, y la sjoyin bael chaꞌoxtul hermanoetik te aylan ta jtejklum Jopee.