Hechos 13:5 - Nuevo Testamento Tzeltal de Amatenango

⁵ Te kꞌalal koik ta barko ta jtejklum Salaminae, lijk yalik teꞌa te skꞌop Diose te ba sinagogaetik yuꞌun te juriyoetike. Te Juane sjoyinejik kꞌal euk yuꞌun ya smantaltesik.

Bible in Tzeltal Bachajón

⁵ C'alal c'ohtic ta Salamina, hahchic ta yalel te sc'op Dios ta sinagogahetic yu'un te judíohetique. Ha sjoquinejic te Juan te yac'oj sba ta a'batinel yu'unique.

Bible in Tzeltal de Oxchuc y Tenejapa

⁵ Te c'alal c'otic ta lum Salamina, jajch' yalic tey a te sc'op Dios ta bay te sinagogaetic yu'un te judioetique. Te Juane yic'ojic ta abatinel.

Hechos 13:5 Referans Kwoze

Hechos 13:14

Yan te jPabloe sok te Bernabee la sjilesik te jtejklum Pergee, kꞌaxik bael ta Antioquia te ay ta slum Pisidiae. Ta skꞌaalel te kuxo-oꞌtane ochik bael ta sinagoga y la snajkan sbaik.

Hechos 13:46

Jich te jPablo sok te jBernabee lijk yalbeyik ta jamal: —Te puersa nail ya kalbetikex te skꞌop Dios jaꞌex te juriyoexe. Pero te jaꞌexe ya apꞌajik, ma xꞌakꞌanik te ya awichꞌik akuxlejalik sbajtel kꞌinale. Te ora to ya sujtotik bael te ba ay te machꞌatik ma juriyouke.

Hechos 19:8

Oxeb u a been ta sinagoga te jPabloe. Ma xiꞌ ta yalel teꞌa te skꞌop Diose, y la yalulan jaꞌ to te la xchꞌuun yuꞌun te gente te tutꞌil ay ta ajwalinel te Diose.

Hechos 18:4

Ta jujuchoj skꞌaalel te kuxo-oꞌtane, te jPabloe bajtulan ta sinagoga. Teꞌ yalulanbe a y asta la yaꞌbe xchꞌuun te lek achꞌ kꞌop te juriyoetike sok griegoetike.

Hechos 17:17

Jaꞌ yuꞌun ba yaꞌbiyanik sok te juriyoetik sok te yan te xiꞌojik te Diose te ba sinagoga yuꞌunike. Y jujun kꞌaal la yaꞌbiyan sok te machꞌa ya stsob sba sok ta parkee.

Hechos 14:1

Te kꞌalal ayikix ta jtejklum Iconio ae, te jPablo sok te jBernabee ochik bael te ba sinagoga yuꞌun te juriyoetike. Ay bayal yip te skꞌop Dios te la yalike, jich bayal a xchꞌuunik te juriyoetike sok te machꞌatik ma juriyouke.

Hechos 12:12

Te tutꞌil la snaꞌix te tuti kꞌot ta pasele, te jPedroe bajt ta sna te xMariae te smeꞌ te Juan te jMarcos jun xan sbiile, te ba stsoboj sbaik bayal ta jtul te yipalik ta skꞌoponel te Diose.

Hechos 9:20

Te nax a te Sauloe lijk ta yalel te ba sinagogaetik te jaꞌ Xnichꞌan Dios te Jesuse.

2 Timoteo 4:11

Jaꞌ xanix te jLucas te liꞌ sjoyinejone. Lea tal te jMarcose sok ikꞌa tal, porke ya xjuꞌ ya skoltayon yuꞌun te aꞌtele.

Colosenses 4:10

Xkoltanukex laj me yuꞌun euk te Aristarco, te joy jba sok ta prexoe. Y jich euk te jMarcose te yal xwix te jBernabee. Te jaꞌexe la kalbeyexix mantal te tut ya skꞌan ya apasik sok te jMarcose; teme tal yulutayexe, lek me xꞌawikꞌik.

Hechos 15:37

Te jBernabee kꞌan yikꞌ bael te Juan te jMarcos te jun xan sbiile.

Hechos 12:25

Te jBernabee sok te Sauloe, te kꞌalal laj yoꞌtanik ta mantal ta Jerusalene, sujtik bael ta Antioquia. La yikꞌik bael te Juan te jMarcos te jun xan sbiile.

San Mateo 20:26

Ma me ayuk machꞌa jich ay ta awolilik te jaꞌexe. Yan teme ya akꞌan te ya yakꞌelex ta jkuentae, akꞌa me abaik ta abatinel yuꞌun te yane.

Hechos 19:22

Jich a stikon bael ta Macedonia chaꞌtul jꞌayudante yuꞌun, jaꞌ te jTimoteo sok te jꞌErastoe. Yan te jPabloe jaloj to xan jilel ta estado Asia stukel.

Hechos 19:29

Jicha lijkik ta kꞌop spisil te jtejklume. Te genteetike la stsakik te jGayo sok te jꞌAristarco te cheb winketik te talemik ta Macedonia te sjoyinejik te jPabloe, y la xjochik ochel kꞌalal ba ya stsob sbaik te jtejklume.