Hechos 12:5 - Nuevo Testamento Tzeltal de Amatenango

⁵ Jich ay ta prexo te jPedroe, lek kanantaybil. Pero te hermanoetike sigue ya skꞌoponbeyik Dios ta stojol ta spisilik.

Bible in Tzeltal Bachajón

⁵ Hich och ta cárcel te Pedro; pero te iglesia ma ba la scom sbahic ta sc'opombeyel Dios ta stojol.

Bible in Tzeltal de Oxchuc y Tenejapa

⁵ Jich te Pedro la yich' canantayel ta chucjibal. Spisil te jch'uunjeletic c'axem to xan la sc'oponbeyic Dios ta stojol.

Hechos 12:5 Referans Kwoze

1 Corintios 12:26

Teme ay ta wokol junuk te tut ay ta tiꞌbalulile, spisil te yane aylan ta wokol euk. Y teme ya sta slekilal junuke, ta spisilik ya xjunub yoꞌtanik yuꞌun.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

1 Tesalonicenses 5:17

Ma me xꞌakom abaik ta skꞌoponel te Diose.

2 Corintios 1:11

teme jaꞌex ya akoltayotik ta skꞌoponel Dios. Teme bayalik te machꞌatik ya skꞌoponbotik Dios ta jtojoltike, jich me bayalik ya yalbeyik kola yal Dios yuꞌun te bendisionetik te ya kichꞌtike.

San Mateo 18:19

“Sok ya kalbeyex: teme ay chaꞌtulex tem ya achap akꞌopik liꞌ ba balmilale tem ay tut ya akꞌanbeyik te Diose, te jTat te ay ta chꞌulchane ya me yaꞌbeyex.

Hebreos 13:3

Naꞌaik me te machꞌatik ayik ta prexoe. Jichuk me kꞌoem ta awoꞌtanik te ayex ta prexo soke. Naꞌaik me te machꞌatik ayik ta ilbajinele. Jichuk me ta awoꞌtanik te ya xkꞌax awokolik soke.

Hechos 12:12

Te tutꞌil la snaꞌix te tuti kꞌot ta pasele, te jPedroe bajt ta sna te xMariae te smeꞌ te Juan te jMarcos jun xan sbiile, te ba stsoboj sbaik bayal ta jtul te yipalik ta skꞌoponel te Diose.

San Lucas 18:1

Te Jesuse la yaltalanbe jun seña-kꞌop yuꞌun jich aꞌ snopelan te ya skꞌopon Dios sil tiempoe, sok te makꞌ xcheꞌbaj yoꞌtanike.

Hechos 12:4

Ta patil te tsajkemix ae, te jHerodese la yotses ta prexo te jPedroe. La yakꞌ ta kanantayel yuꞌun chantijk soltaroetik te chanchan tul staoj sbaik te juju-tijkꞌe. Yuꞌun snopoj te jHerodese te ya stejkꞌan ta sitil komon ta patil teme laj te kꞌin Pascuae.

Hechos 12:6

Pero pajel xanix a te ya xba tejkꞌanek ta sitil komon yuꞌun te jHerodes, mismo ajkꞌubal a wayal to a te jPedroe, lotꞌbil yuꞌun chaꞌtul soltaroetik y chukul ta chaꞌlijk kadena. Y te yan soltaroetike teꞌeyik ba puertae, skananteyejik te prexoe.