Hechos 10:8 - Nuevo Testamento Tzeltal de Amatenango

⁸ La yaꞌbiyanbe spisil te tutiꞌ albote, sok la stikonlan bael ta jtejklum Jope.

Bible in Tzeltal Bachajón

⁸ c'alal laj yalbel ya'iyic spisil te bin c'oht ta pasel, la sticonlan bahel ta Jope.

Bible in Tzeltal de Oxchuc y Tenejapa

⁸ La yaanbey yaiyic spisil te bila albote soc la sticun bael ta lum Jope.

Hechos 10:8 Referans Kwoze

Gálatas 1:16

Te kꞌalal jich a skꞌan yoꞌtane, la yaꞌbon jnaꞌbe sba te Xnichꞌane, yuꞌun jich me ya kalbe skꞌoplal te kolel te ba ay machꞌatik ma juriyouke. Ma jaꞌuk a ba jojkꞌobey te yanetik genteetike,

Hechos 26:19

“Jaꞌ yuꞌun, rey Agripa, la jchꞌuunbe smantal te machꞌa stekꞌlejal a kil ta chꞌulchane.

Hechos 10:33

Jich a jtikonat tal ta ikꞌel ta ora nax, y ben lek awoꞌtan te talatixe. Te ora to liꞌ tsobolotikix ta jpisiltik ta stojol te Diose, y ya jkꞌan ya kaꞌitik spisil te tut yalojbeyat tal te Kajwaltik te ya awalbotike.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Hechos 9:38

Te jtejklum Jopee nopol ay sok te jtejklum Lidae te ba ay te jPedroe, y te hermanoetike la yaꞌiyik te teꞌey a te jPedroe. La stikonik bael cheb winketik, ba yalbeyik tal: —Awokoluk, laꞌ me ta ora liꞌ ba aytike —xchiik.

Hechos 9:42

Spisil te jtejklum Jopee la yaꞌiyik te jich a kꞌot ta pasele, y ben bayal a xchꞌuunik te Kajwaltike.

Hechos 9:43

Te jPedroe jalaj bayal kꞌaal te ba jtejklum Jopee te ba sna jtul jkꞌaꞌutesej-nujkule te Simon sbiile.

Hechos 10:7

Kꞌalal bajt te chꞌul ángel te yipal ta kꞌop soke, te jCornelioe la yikꞌ tal chaꞌtul te yaj-mantale y sok jtul soltaro te ben jun yoꞌtan xchꞌuunej te Diose sok te ya xchꞌuun mantal sil tiempoe.

Hechos 10:17

Te jPedro lom yajtal yoꞌtan yuꞌun te tut xyal te tuti aꞌbot yile. Te kꞌalal laj kꞌot ta tiꞌ puerta te winketik. Te yaj-mantal te jCornelioe la sjojkꞌoyik te baꞌ ay sna te Simone.