Hechos 1:4 - Nuevo Testamento Tzeltal de Amatenango

⁴ Te kꞌalal sjoyinej to a te apostoletike, te Jesuse la yaltalanbe te ma to xlokꞌik bael te ba Jerusalene. La yaltalanbe: —Maliyaik te tut yaloj te Jtat te tut ya yaꞌbeyexe, jich te tuti kalbeyexe.

Bible in Tzeltal Bachajón

⁴ C'alal jun to ayic a, hich la spas ta mandar: Ma me xloq'uex ta Jerusalén, ya me amahliyic te bin yaloj te Tatil te ya ya'beyex, hich te bin ut'il la jcalbeyexe;

Bible in Tzeltal de Oxchuc y Tenejapa

⁴ Te c'alal sjoinej to te jnopojeletic yu'une, la yalbey mandal te ma ba ya yijq'uitayic te lum Jerusalene. Jich la yalbey yaiyic: —Ya me amaliyic te bila yaloj te Jtate, te la calbeyex awaiyique.

Hechos 1:4 Referans Kwoze

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Juan 14:16

Y joꞌon ya jkꞌanbe te jTate te ya stikonbeyex tal yan Joyinwanej te sil tiempo ya sjoyinex stukele,

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

San Juan 20:22

La xujchꞌilan, y la yaltalanbe: —Ikꞌaik te Chꞌul Espiritue.

San Lucas 12:12

Porke te kꞌalal ya sta yorail te ya xkꞌopojexe, te Chꞌul Espiritue ya me yaꞌbeyex anaꞌik te tut xkꞌo awalike —xchi te Jesuse.

San Lucas 11:13

Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

Hechos 10:41

Ma spisiluk a yaꞌbe yil te jtejklume; joꞌotik nax te namey stsaojotik te Diose te jaꞌ testigootik yuꞌune. Te joꞌotike weꞌotik sok y uchꞌaotik sok te kꞌalal chaꞌkuxemix tal a te ba animaetike.

San Mateo 10:20

Jich te tut ya awale ma jaꞌukat akꞌop, jaꞌ ya xkꞌopoj ta awoꞌtanik te Espíritu yuꞌun te jTatike.