Hechos 1:15 - Nuevo Testamento Tzeltal de Amatenango

¹⁵ Jaꞌ skꞌaalel a te la stsob sbaik te hermanoetik te ay wan siento beinte ta jtul. Te jPedroe tejkꞌaj y la yaltalanbe:

Bible in Tzeltal Bachajón

¹⁵ Ha yorahil a te Pedro la stehc'an sba ta yohlil te yermanotac (ay wan wacwinic (120) ta tuhl te stsoboj sbahic), hich la yal:

Bible in Tzeltal de Oxchuc y Tenejapa

¹⁵ Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

Hechos 1:15 Referans Kwoze

1 Corintios 15:6

Sok ta patil la yakꞌ sba ta ilel yuꞌun te kꞌaxem kinientos ta jtul hermanoetik te stsoboj sbaike ae. Chꞌin ma spisiluk kuxulik to te ora to, aunke ay machꞌa chamenix.

Apocalipsis 11:13

Y mismo tiempo ya xtal tulan jikichab, y ta skaj te jikichabe ya xjem koel xejtꞌ ta slajunxejtꞌel te mukꞌul jtejklume, y siete mil ta jtul gente ya xcham. Te machꞌatik kuxajtik to jilele, ben xlaj xiꞌik sok ya la yalbeyik slekilal te Dios te ay ta chꞌulchane.

Hechos 21:20

Te kꞌalal la yaꞌiybeyik sluware, la yalbeyik kolayal Dios yuꞌun, y la yalbeyik te jPabloe: —Lek ay, hermano Pablo, la awilix te ay bayal ta jmil juriyoetik te xchuꞌuunejikix te Jesuse, y spisilik tulan skꞌoplal ta yoꞌtanik te puersa ya skꞌan chꞌuunel te mantaliletik yuꞌun jMoisese.

San Juan 21:23

Jich a pujk skꞌoplal ta yolil hermanoetik te makꞌ xcham stukel te jtul jnopojele. Pero te Jesuse ma jaꞌuk a yal te makꞌ xchame. Jaꞌ nax a yal: “Teme jich ya skꞌan koꞌtan te kuxul to a te kꞌalal ya xchaꞌtalone, ¿tuti wochel a te jaꞌate?” xchi nax.

Apocalipsis 3:4

“Pero te ba Sardise ay to awuꞌun jtul chebuk te maꞌyuk yijkꞌutesej te skꞌuꞌ-spakꞌe. Te stukelike ya me sjoinikon ta beel sok sak te skꞌuꞌ-spakꞌike. Porke aꞌbil ta jkuenta stukelik.

San Juan 14:12

Jamal ya kalbeyex: Te machꞌa ya xchꞌuunone jich me ya spas euk te tut yipalon ta spasele. Y mas mukꞌ xan tut ya spas stukel, porke ya xboon te ba ay te jTate.

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

San Mateo 13:31

Te Jesuse la yaltalanbe yaꞌiy yan seña-kꞌop. Jich a yal: —Te tutꞌil ya xkꞌot ta ajwalinel te Diose, jaꞌ pajal kꞌoem sok jun sbakꞌ mostesiae te la stsꞌun ta slum te jtul winike.

Hechos 10:23

Jich te jPedroe la yikꞌ ochel ta na, y teꞌ kꞌax ajkꞌubal yuꞌunik a. Ta yan kꞌaal, te jPedroe bajt sok te winketike, y la sjoyin bael chaꞌoxtul hermanoetik te aylan ta jtejklum Jopee.

Hechos 11:1

Te apostoletike sok te hermanoetik te ayik ta Judea la yaꞌiyik te xchꞌuunejikix euk te skꞌop Diose te machꞌatik ma jurioyouke.

Hechos 11:12

Te Espiritue la yalbon te ya xboon soke, sok te manchuk ya xꞌaꞌabiyan koꞌtan yuꞌune. Y jich a sjoyinikon bael te waktul hermanoetik to. Jpisiltik a ochotik kꞌoel te ba sna jtul winik

Hechos 11:26

Kꞌalal la stae, la yikꞌ bael ta jtejklum Antioquia. Teꞌeyik jun jaꞌbil sok a te hermanoetike, la spꞌijuteslan bayal gente. Jaꞌ te Antioquiae te ba nail a aꞌbot sbiilinik Cristoetik te jnopojeletike.

Hechos 11:29

Jich te hermanoetik te ayik ta Antioquiae la snopik te ya stikonbeyik koltayel te hermanoetik te ayik ta slum Judea, chikan te tutꞌil ya xjuꞌ yuꞌunik yakꞌel ta juju-tule.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 14:2

Pero te juriyoetik te maꞌ skꞌan a xchꞌuunike la xchebal-kꞌoptayik te machꞌatik ma juriyouke. Jich a lijk snop te ya yakꞌ ta kontrainel te hermanoetike.

Hechos 15:1

Ay machꞌatik a laj talik ta estado Judea lijk snojpesik te hermanoetike te puersa me ya yichꞌ sirkunsision ta stiꞌbalulik, jich tutꞌil te ya yal te mantaliletik yuꞌun te jMoisese, teme ya skꞌan xkolik sbajtel kꞌinale.

Hechos 15:3

Jicha tikonlanot bael yuꞌun te jtijkꞌ hermanoetik te ayik ta Antioquiae. Teꞌ kꞌaxik ta estado yuꞌun Fenicia sok ta estado Samariae. Kꞌa yaltalanbe yaꞌiy te hermanoetik te tutꞌil ay bayal machꞌa ma juriyouk te la sjilesix te tut antibo xchꞌuuneje, y la sujtesix yoꞌtanik ta stojol Dios. Spisil te hermanoetike ben jun yoꞌtanik yuꞌun te jich a yaꞌiyike.

Hechos 16:2

Te hermanoetik te ba Listra sok te ba Iconioe ben lek skꞌoplal yuꞌunik te jTimoteoe.

Hechos 16:40

Te kꞌalal lokꞌik bael ta prexo te jPablo sok te Silase, toj a la jbajt ta sna xLidia. Y ta patil te la yilikix a te hermanoetike sok te la yaꞌbe spuersa yoꞌtanike, laj bajt.

Hechos 17:6

Pero maꞌ staik teꞌa. Jaꞌ a xjochik lokꞌel te Jasone sok chaꞌoxtul te hermanoetike, yuꞌun ba yakꞌik entregal ta stojol te juꞌeletik yuꞌun te jtejklume. Xꞌawlajanik: —Te winketik to yipalik ta slijkesel kꞌop ta spisil balmilal, y laj julix ekꞌa liꞌye.

Hechos 17:10

Ajkꞌubalix a te hermanoetike ora stikonik bael kꞌalal ta jtejklum Berea te jPablo sok te Silase. Te kꞌalal laj kꞌot teꞌae, toj a laj bajt ta sinagoga yuꞌun te juriyoetike.

Hechos 17:14

Pero te hermanoetike ora a stikonik bael kꞌalal ta tiꞌmar te jPabloe. Yan te Silas sok te jTimoteoe jil ta Berea stukelik.

Hechos 18:18

Te jPabloe bayal xan kꞌaal a jalaj a te ba Corintoe. Ta patil la skꞌoponlan jilel te hermanoetike, y sok te jꞌAquila sok te sPriscila, moik bael ta barko yuꞌun laj bajt ta estado yuꞌun Siria. Te kꞌalal ma to xmoik ta barko a te Pabloe, la yakꞌ ta joxel sjol ta jtejklum Cencrea yuꞌun ay tut yaloj ta stojol te Diose.

Hechos 18:27

Te kꞌalal la snop te ya xkꞌax bael ta estado yuꞌun Acaya te jꞌApolose, te hermanoetike la yaꞌbeyik bael spuersa yoꞌtan. Y la stsꞌibabeyik bael jun karta te hermanoetik te ay ta estado Acayae, te yauk yikꞌik y yauk xkꞌuxutayike. Te kꞌalal kꞌot ta estado Acaya te jꞌApolose, bayal a skoltay te machꞌatik xchꞌuunejix ta skuenta slekil yoꞌtan te Diose.

Hechos 21:7

Jaꞌ último buelta mootik ta barko a. Jil kuꞌuntik te jtejklum Tiro, y bootik ta jtejklum Tolemaido. Teꞌ kꞌo jpatbeytik yoꞌtanik a te hermanoetike, y la joyin bajtik sok jun kꞌaal.

Hechos 21:17

Kꞌalal kꞌootik ta mukꞌul jtejklum Jerusalene, te hermanoetik ben jun yoꞌtanik a yikꞌotik.

Hechos 22:5

Te statal saserdoteetike y spisil te moletike jaꞌ te testigoetik yuꞌun spisil. Stukelik a yaꞌbikon tal kartaetik yuꞌun te kermanotaktik juriyoetik te aylan ta jtejklum Damascoe, y boon, ba jle te hermanoetike yuꞌun ya kikꞌtalan tal liꞌ ba Jerusalene, yuꞌun ya kꞌabe kastigo.

Hechos 28:14

Teꞌ kꞌo jtatik chaꞌoxtul hermanoetik a, y la yalbotik te ya joyintik chebuk semanae. Y último xanix a kꞌootik ta Roma.