Hechos 1:13 - Nuevo Testamento Tzeltal de Amatenango

¹³ Te kꞌalal laj kꞌot te ba jtejklume, moik bael ta xchaꞌkajal na te baꞌ olanemike. Jaꞌ te jPedro, sok te Juane, te Jacoboe, te jꞌAndrese, sok te Filipee, te jTomase, te jBartolomee, te jMateoe, sok te Jacobo te jaꞌ xnichꞌan Alfeoe, sok te Simon te ay ta skuenta te jkananistae, sok te Judas te yijtsꞌin Jacoboe.

Bible in Tzeltal Bachajón

¹³ C'alal c'ohtic tey a, mohic bahel ta scha'cajal na ta banti ohlanemic te Pedro, Jacobo, Juan, Andrés, Felipe, Tomás, Bartolomé, Mateo, Jacobo te snich'an Alfeo, Simón te Zelote, soc Judas te snich'an Jacobo.

Bible in Tzeltal de Oxchuc y Tenejapa

¹³ Te c'alal ayiquix ta lume, moic bael ta xcha'cajal na ta bay nainem te Pedro, te Juan, te Jacobo, te Andrés, te Felipe, te Tomás, te Bartolome, te Mateo, te Jacobo te snich'an Alfeo, soc te Simón te Zelote, soc Judas te snich'an Jacobo.

Hechos 1:13 Referans Kwoze

Hechos 20:8

Te ba jtsꞌoboj bajtik ta jun kuarto te toyol aye ay bayal kantil tsuntalanbil teꞌa.

San Lucas 22:12

Ya me xba yaꞌbeyex awilik ta xchaꞌkajal na te ay jun mukꞌul kuarto te lek chapbile. Teꞌ me ya achapik a te weꞌelile —xchi te Jesuse.

San Marcos 14:15

stukel ya me yaꞌbeyat awilik jun mukꞌul kuarto ta xchaꞌkajal na te ben chapalixe. Teꞌ me xꞌachapik a te jweꞌeltike —xchi te Jesuse.

San Marcos 2:14

Te kꞌalal yipal ta beel te Jesuse, la yil te Levie, xnichꞌan te Alfeoe, te nakal ba ay xkꞌambot stojemal tutik yuꞌun Roma. Jesus la yalbe: —Laꞌ tsꞌakliyaon —la yut. Jajch te Levie, la stsꞌakli bael.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

Hechos 12:17

Pero te jPedroe la yaꞌbe seña ta skꞌab te yauk xchꞌenlinike, y la yaltalanbe te tutꞌil a lokꞌesot tal ta prexo yuꞌun te Kajwaltike. Sok la yalbe xan: —Albeyaik te Jacobo y sok te hermanoetike te tuti kꞌot ta pasele —xchi. Te nax a lokꞌ bael y bajt ta yan luwar.

Hechos 2:38

Te jPedroe la sjakꞌtalanbe: —Sujtesa awoꞌtanik ta stojol Dios y akꞌa abaik ta ichꞌjaꞌ juju-tul ta skuenta te Jesucristo. Yuꞌun jich me ya spasbeyex perdon yuꞌun amulik te Diose, sok amajtanik ya yaꞌbelex te Chꞌul Espiritue.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Gálatas 1:19

Pero maꞌyuk a jta ta ilel te yanetik apostoletike, jaꞌ nax te Jacobo te yijtsꞌin te Kajwaltike.

Hechos 15:13

Te kꞌalal lajix yoꞌtanik ta kꞌop ae, te Jacoboe la yal: —Kermanotak, aꞌiyaik awaꞌiy te tut ya kalbeyexe.

Hechos 4:19

Pero te jPedro sok te Juane la sjakꞌtalanbe: —Nopaik ta lek awaꞌiy te jaꞌexe: ¿me jaꞌ lek ya jchꞌuuntik te tut ya awalike, o jaꞌ lek ta stojol Dios ya jchꞌuuntik te tut yal te Diose?

Hechos 4:13

Kꞌalal ya yil te jꞌuꞌeletik te makꞌ ya xiꞌ te jPedro sok te Juane, y la snaꞌik te maꞌyuk estudio yuꞌunike sok te maꞌyuk tut ya snaꞌike, lom yan a yaꞌiyik yuꞌun, y la snaꞌik te jaꞌ te la sjoyinik te Jesuse.

Hechos 2:14

Jich te jPedroe la stejkꞌan sba jajchel sok te bulucheb apostoletike y tulan a lijk yal: —Jaꞌex juriyoetik, y apisilik euk te ayex ta Jerusalene, aꞌibeya awaꞌiyik sluwaril te tut ya kalbeyexe, y kꞌotuk me ta awoꞌtanik tutꞌil ay.

San Juan 21:2

Stsoboj sbaik a te Simon Pedroe sok te jTomas, te Loꞌalal xꞌalbote, sok te jNatanael te talem ta jtejklum Cana te ay ta slum Galileae, sok te xnichꞌnab Zebedeoe, sok xan te cheb jnopojeletik yuꞌun te Jesuse.

San Juan 18:17

Te ants te skanantayej te tiꞌ puertae la sjojkꞌobe te jPedroe: —¿Meꞌn jnopojelat yuꞌun euk te winik to? —xchi. Te jPedroe la sjakꞌ: —Ma joꞌukon —xchi.

San Juan 11:16

Jich te jTomas, te “Loꞌalal” xꞌalbote, la yalbe te yan xan jnopojeletike: —Konikik euk. Koꞌn chamukotik sok —xchi.

San Marcos 14:33

La yikꞌ xan bael te Pedroe, te Jacoboe, sok te Juane. Te Jesuse lijk ta ajtal-oꞌtan sok ben triste.

San Marcos 9:2

Wakeb kꞌaal ta patil te Jesuse bajt ta jol wits. La yikꞌ bael te Pedroe, te Jacoboe y te Juane. Teꞌ yanej a yilik a te Jesuse.

San Marcos 5:37

Te Jesuse ma skꞌan te ya stsꞌakliyot bael yuꞌun te genteetike. Jaꞌ nax a yikꞌ bael te Pedro sok Jacobo sok Juan te yitsꞌin te Jacoboe.

San Mateo 9:9

Te Jesuse lokꞌ bael te ba jtejklume. Teꞌ kꞌo yil jtul winik a te jMateo sbiile. Teꞌ nakal te ba ya xtojot stojemal te tutike. Te Jesuse la skꞌopon: —Laꞌ, tsꞌakliyaon —xyut. Jajch bael te jMateoe. La sjoyin bael.

2 Juan 1:1

Joꞌon te ansianoone, ya jtsꞌibay te karta to ta stojol te ants te tsabil yuꞌun te Diose, y sok te machꞌatik ayik ta skuentae. Batsꞌi kꞌuxex ta koꞌtan. Y ma joꞌukon nax, sino ke jich kꞌuxex ta yoꞌtanik euk ta spisil te machꞌatik te snaꞌojikix te tut batsꞌi jiche.

1 Corintios 15:7

Ta patil la yakꞌ sba ta ilel yuꞌun te Jacoboe, y te nax a la yakꞌ sba ta ilel yuꞌun spisil te apostoletike.

San Juan 14:22

Te Judas, (te ma jaꞌuk te Iscariotee) la sjojkꞌobe: —Kajwal, ¿Tuꞌun te ya awakꞌ aba ta ilel ta jtojoltike? ¿Tuꞌun ma jaꞌuk ya awakꞌ aba ta ilel yuꞌun te genteetik ta balmilale? —xchi.