Hebreos 9:1 - Nuevo Testamento Tzeltal de Amatenango

¹ Te primero tratee ay mantal yuꞌun te ya yal te tutꞌil ay te kultoe, sok ay jun naul pakꞌ templo ta balmilale.

Bible in Tzeltal Bachajón

¹ Te nahil chapbil-c'op yich'oj mandariletic yu'un ch'uhuntayel te Dios soc ay ch'ul awilal ta bahlumilal,

Bible in Tzeltal de Oxchuc y Tenejapa

¹ Melel te sbabial tratoe ay mandal yu'un te ya yal te bit'il ya sc'an ya x'ich'ot ta muc' ta templo te Diose, soc ay nailpac' templo te swenta nax in balumilal to.

Hebreos 9:1 Referans Kwoze

Hebreos 8:2

Teꞌeyix ta aꞌtel ta saserdote te ba ay te batsꞌi mero temploe te jaꞌ pasbil yuꞌun te Kajwaltike y ma jaꞌuk pasbil yuꞌun te genteetike.

Hebreos 8:7

Te tojuk a bajt te primero tratee, ma puersauk te ay xchebal tratee.

Colosenses 2:8

Ila me abaik yuꞌun te machꞌatik ya skꞌan sloꞌlayex yuꞌun te tut snopoj te jowil naxe. Yuꞌun te stukelike ma yakꞌojuk ta jkuenta te Cristoe. Jaꞌ nax yakꞌojik ta jkuenta te skostumbre gentee y sok te jowil pꞌijutesel yuꞌun te balmilale te ma jaꞌuk ta skuenta Cristoe.

Hebreos 8:13

Te kꞌalal Dios ya yal te ay te yachꞌil tratee, yuꞌun ya yal te kꞌaꞌubix te primeroe. Y te tut kꞌaꞌubenixe y te antiboixe, chꞌin xanix ya skꞌan yuꞌun ya xchꞌay bael.

San Lucas 1:6

Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

Romanos 9:4

Jaꞌ stsꞌumbalik te Israele, y Dios la yikꞌtalan jich tutꞌil xnichꞌnab. Dios ay ta yolilik sok stsaꞌamul slekilal, y la yakꞌtalanbe te trateetike sok te mantaliletik yuꞌun te jMoisese. Sok la yalbe te tutꞌil ya skꞌan ya yichꞌ chꞌuunel te Diose sok te tutꞌil ya yichꞌik koltayel yuꞌune.

Hebreos 9:24

Porke te Cristoe ma och bael te ba templo te pasbil nax yuꞌun te genteetike, te jaꞌ nax slokꞌol te batsꞌi temploe, sino ke mismo ta chꞌulchan a och bael. Te ora to teꞌ ba yakꞌ sba ta ilel ta stojol Dios yuꞌun ya skꞌanbotik tal koltayel te joꞌotike.