Hebreos 8:2 - Nuevo Testamento Tzeltal de Amatenango

² Teꞌeyix ta aꞌtel ta saserdote te ba ay te batsꞌi mero temploe te jaꞌ pasbil yuꞌun te Kajwaltike y ma jaꞌuk pasbil yuꞌun te genteetike.

Bible in Tzeltal Bachajón

² Ayix ta a'tel ta ch'ul awilal, ha te smelelil nahilpac' templo te pasbil yu'un Cajwaltic, ma ha'uc pasbil yu'un winiquetic.

Bible in Tzeltal de Oxchuc y Tenejapa

² Soc tey ayix ta at'el ta sacerdoteil ta bay te mero templo te pasbil yu'un te Cajwaltique, te ma ja'uc la spas te ants-winiquetique.

Hebreos 8:2 Referans Kwoze

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Hebreos 11:10

Porke te jꞌAbrahame la smaliy te ya xba slumalin te mukꞌul jtejklum te tulan ay yiptajibe, te jaꞌ la xchap te Diose y stukel a spas.

Hebreos 10:21

Te Jesuse jaꞌ mukꞌul saserdote kuꞌuntik te skuentainej te jtejklum yuꞌun te Diose.

Colosenses 2:11

Sok xan, te jaꞌex te jun nax ayex sok te Cristoe, awichꞌojikix sirkunsision. Ma jaꞌuk te sirkunsision te ya xꞌakꞌot ta tiꞌbalulile, sino ke jaꞌ te libre ayexix yuꞌun te amulawil tiꞌbalulike. Jaꞌ te sirkunsision te talem ta skuenta te Cristoe.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

Hebreos 9:1

Te primero tratee ay mantal yuꞌun te ya yal te tutꞌil ay te kultoe, sok ay jun naul pakꞌ templo ta balmilale.

Hebreos 10:11

Spisil te saserdote juriyoe jaꞌ yaꞌtelinejik jujun kꞌaal, y sigue ya yakꞌulanik bayal buelta te jich mismo milbil smajtan te Diose. Manchuk me jich ya spas to, ma xjuꞌ ya xchꞌay te muliletike.

Apocalipsis 21:3

Y la kaꞌiy jun tulan kꞌop te teꞌ tal ba ay te mukꞌul naktajibale, te jich a yale: “Dios nainemix ta yolil te genteetike. Ayix sna ta yolilik. Y te stukelike jtejklum yuꞌun Dios ya xkꞌotik, sok mismo te Diose te ay ta yolilike, jaꞌ Dios ya xkꞌot yuꞌunik.