Hebreos 8:1 - Nuevo Testamento Tzeltal de Amatenango

¹ Te tut mas tulan skꞌoplal te tut yipalotik ta yalele, jaꞌ te ay te statal saserdote kuꞌuntike te nakal ta chꞌulchan ta sbatsꞌil te ba snaktijib te Diose.

Bible in Tzeltal Bachajón

¹ Yo'tic, te bin tulan sc'oblal te yacotcotic ta yalel, ha te ayix te muc'ul sacerdote cu'untic te c'oht shuhcan sba ta swa'el-c'ab ta smuc'ul-huctajib te Mach'a c'ax bayel yutsilal ta ch'ulchan.

Bible in Tzeltal de Oxchuc y Tenejapa

¹ Te bila muc' sc'oplal te la caltiquix tele, ja' te bit'il jich ay te Muc' Sacerdote cu'untic te nacalix ta swa'el smuc'ul nactijib te muc' Dios te ay ta ch'ulchane.

Hebreos 8:1 Referans Kwoze

Colosenses 3:1

Jaꞌ yuꞌun, ya ke te jaꞌexe te chaꞌkusesbilexix sok te Cristoe, leaik te tutik skuenta te chꞌulchane, te ba nakal te Cristo ta sbatsꞌil skꞌab te Diose.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Apocalipsis 3:21

Te machꞌatik ya xjuꞌ yuꞌunik tsalawe ya kakꞌtalanbe jun luwar jun nax sok joꞌon te ba ay te jmukul naktajibe, jachik tutꞌil joꞌon te kaꞌiyojix tsalaw y joyinejix ta naklej te Jtate te ba ay smukꞌul naktajibe.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 10:12

Pero te Jesucristoe jaꞌ a yakꞌ sba ta jun milbil smajtan Dios yuꞌun te muliletik yuꞌun sbajtel kꞌinal. Y te nax a najkaj ta sbatsꞌil skꞌab te Diose.

Hebreos 1:13

Te Diose ni maꞌyuk a yalbe ni jtuluk te angeletike: “Naklan ta jbatsꞌil, jaꞌ to teme la kakꞌ apuchꞌ ta tekꞌel te akontratake”, ma xchiuk.

Efesios 6:20

Dios me stikonejon ta kꞌop yuꞌun te skꞌoplal kolele, te jaꞌ sluwar te ayon ta prexo te ora to. Kꞌoponaik Dios yuꞌun jich me ya kal te tutꞌil ya skꞌan ya kal, te maꞌyuk machꞌa ya xiꞌon yuꞌune.

San Marcos 16:19

Lajix yoꞌtan ta skꞌoponel a te jnopojeletik yuꞌune, te ikꞌot moel ta chꞌulchan te Kajwaltik Jesuse. Kꞌo nakajuk ta sbatsꞌil skꞌab te Diose.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

Hebreos 4:14

Te Jesuse, te Xnichꞌan Diose, jaꞌ mukꞌul saserdote kuꞌuntik te ochemix bael ta chꞌulchane. Jaꞌ yuꞌun ya skꞌan sigue jun koꞌtantik ya jchꞌuuntik te tut ya kal ta jtiꞌtike.