Hebreos 7:1 - Nuevo Testamento Tzeltal de Amatenango

¹ Te jMelquisedeke jaꞌ rey yuꞌun te jtejklum Saleme, sok saserdote yuꞌun te Dios te ay ta chꞌulchane. Te kꞌalal sujt tal te jꞌAbraham te xkꞌotuk ta stsalel ta guerra te reyetike, te jMelquisedeke lokꞌ sta y la yaꞌbe bendision.

Bible in Tzeltal Bachajón

¹ Te Melquisedec, ha ajwalil yu'un Salem soc sacerdote yu'un te Dios te mero toyol ay; ha loc' sta ta be te Abraham te c'alal suht tal ta stsalel te ajwaliletic, soc la ya'be bendición.

Bible in Tzeltal de Oxchuc y Tenejapa

¹ In te Melquisedeque, ja' namey q'uinal muc' ajwalil yu'un te lum Salem soc sacerdote yu'un te Ch'ul Dios te ay ta ch'ulchane. Te c'alal sujt' tel te Abrahame te xc'otuc stsal jilel ta guerra te muc' ajwaliletique, te Melquisedeque loc' sta ta be te Abrahame. Tey la yac'bey bendición a.

Hebreos 7:1 Referans Kwoze

Hebreos 6:20

te ba och bael Jesus yuꞌun ya sjambotik a te bee. Jicha kꞌot stukel tutꞌil statal saserdote yuꞌun sbajtel kꞌinale, jich tutꞌil te jtijkꞌ saserdote ay sok te jMelquisedeke.

San Marcos 5:7

Jich xꞌawet ta yalel: —Jesus, ¿tuꞌun a tal awochintayon?, jaꞌat te Xnichꞌanat te kuxul Dios te ay ta chꞌulchane. Ya kalbeyat wokol sok Dios, ma me xawilbajinon —xchi ta aw.

Hechos 16:17

Te achꞌix to lijk stsꞌakliyotik sok te jPabloe y xꞌawte xꞌawte ta yalel: —Te winketik to, jaꞌ jꞌaꞌteletik yuꞌun te Dios te ay ta chꞌuchane. Jaꞌ ya yalbeyex te tutꞌil ay te sbeelel kolele —xchi ta yalel.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

Hebreos 7:3

Ma xchiknaj skꞌoplal te state, ni te smeꞌe, ni te antibo smeꞌ-state; ni ma xchiknaj tut ora a ayin, ni te tut ora a chame. Jaꞌ pajal kꞌoem sok te Xnichꞌan Diose, te jaꞌ saserdote yuꞌun sbajtel kꞌinale.

Hebreos 7:6

Pero te jMelquisedeke, aunke ma jaꞌuk stsꞌumbal te jLevie, la yichꞌ te jun ta slajunebal te stutik yuꞌun te jꞌAbrahame, te jich albil skꞌoplal yuꞌun Dios te ya xꞌaꞌbot yuꞌune. Jich te jMlequisedeke la yaꞌbe bendision te jꞌAbrahame.