Hebreos 5:2 - Nuevo Testamento Tzeltal de Amatenango

² Te saserdote ya xjuꞌ ya xkꞌuxutay te machꞌatik ma snaꞌik kꞌinal y sok te machꞌatik chꞌayemike, yuꞌun pajal maꞌyuk yip yoꞌtan sok.

Bible in Tzeltal Bachajón

² Ya xhu' ya xcuhch yu'un te mach'atic ma sna'ic stsahtayel sbahic soc te mach'atic ya xhowiyic, como ha nix hich mayuc yip,

Bible in Tzeltal de Oxchuc y Tenejapa

² In te bit'il ma'yuc yip yo'tan uuc, jich ya sna' stojtesel te mach'atic ya xjowejic te ma sna'ic te bila ya spasique.

Hebreos 5:2 Referans Kwoze

Hebreos 4:15

Yuꞌun te mukꞌul saserdote kuꞌuntike ya xjuꞌ te ya snaꞌbotik yoꞌolil jbajtik te maꞌyuk kiptike, porke jich a kꞌax yuꞌun prewa euk jich tutꞌil te joꞌotike. Pero te stukele maꞌyuk a mulaw.

Hebreos 2:18

Stukel mismo a kꞌax swokol y pasot ta prewa, jaꞌ yuꞌun ta ora to ya xjuꞌ ya skoltay te machꞌatik jich ya spasot ta prewae.

Hebreos 7:28

Te mantaliletik yuꞌun te jMoisese ya yaꞌbe yaꞌtel ta statal saserdote te gente te maꞌyuk yipike. Pero te tuti yal ta jamal te Diose, te la spas ta patil yuꞌun te mantaliletike, la yaꞌbe yaꞌtel ta statal saserdote te Xnichꞌane, te tsꞌakal ya xjuꞌ yuꞌun spasel te yaꞌtele ta sbajtel kꞌinal.

Hebreos 12:13

Y leaik te tojil bee, yuꞌun ya xlekub a te awok te koxoubene, sok jich me ya sta xan spuersa a.

Gálatas 4:13

Yuꞌun ya anaꞌik te kꞌalal nail la kalbeyex te skꞌoplal kolele, ta skaj jchamel te juꞌ kuꞌune.

2 Corintios 12:5

Pero ma joꞌukon mismo ya jtoy jba jtukel. Jaꞌ ya jtoy jba yuꞌun te maꞌyuk jpuersae.

1 Timoteo 1:13

manchuk me snaꞌoj te la jtoyba-kꞌoptay ta nail toe, sok la jtentalan y la kikꞌtinlan. Pero te Diose la yaꞌbon slekil yoꞌtan ta jtojol, yuꞌun te joꞌon ma to jchꞌuunejuk aye, sok maꞌ jnaꞌ te tutꞌ ayon ta pasele.

2 Corintios 11:30

Teme ay tut ya jtoy jba yuꞌune, ja ya jtoy jba yuꞌun te tutik ya xchiknaj te maꞌyuk tut ya xjuꞌ kuꞌune.

San Lucas 22:32

Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

Efesios 4:18

sok te ijkꞌuben ay te yoꞌtanike. Te stukelike makꞌ skꞌupinik te xkuxlejalik te ya xtal ta stojol te Diose. Porke yuꞌun ma snaꞌik kꞌinal ta skaj te stulanil yoꞌtanike.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 9:7

Pero ta xchaꞌkꞌaelale jaꞌ nax ya xꞌoch a te statal saserdotee, y yal jmel ya xꞌoch ta jun jaꞌbil. Te kꞌalal ya xꞌoche, ya skꞌan ya yichꞌ ochel xchꞌichꞌel chambalametik, yuꞌun ya yakꞌ xchꞌayil smul stukel y sok te xchꞌayil smulik te jtejklum te ma snaꞌik tutꞌil la sta te smulike.

Santiago 5:19

Kermanotak, teme ay machꞌa ya yijkitay te tut batsꞌi jiche, ya skꞌan ya akoltay tal sujtel.

1 Pedro 2:25

Yuꞌun te jaꞌexe te nail to jachikex tutꞌil karneraetik te chꞌayemik ta bayuk nax aylane. Pero te ora to, chaꞌsujtexix tal ta stojol te Cristoe, te ya skꞌanantayex jachik tutꞌil jtul jkanan te ma xway te ya skanantay te akuxlejalike.