Hebreos 4:6 - Nuevo Testamento Tzeltal de Amatenango

⁶ Ta skaj te maꞌ xchꞌuunike, ma ochik bael te machꞌatik nail a yaꞌiyik te skꞌoplal kolele. Te ora to ay to jtul cheb te ya skꞌan xꞌochik te ba luwar yuꞌun kuxo-oꞌtane.

Bible in Tzeltal Bachajón

⁶ Ha yu'un ya to sc'an te ay mach'atic ya x'ochic te banti ay te cux-o'tanil, yan te mach'atic nahil halbot ya'iyic te lequil c'op, ma ba ochic ta scaj te la sc'axuntayic mandar.

Bible in Tzeltal de Oxchuc y Tenejapa

⁶ Melel te mach'atic neel la yaiyic stojol sc'oplal te colele ma ba och stuquelic tey a, yu'un la xch'aybeyic smandal te Diose. Jich yu'un ay to sc'an te jayeb mach'atic ya x'ochic tey a ta bay te cux-o'tane.

Hebreos 4:6 Referans Kwoze

San Mateo 21:43

Jaꞌ yuꞌun ya kalbeyex te jaꞌexe, ya me spojbelex awaꞌtelik te ba ay ta mantal te Diose. Jaꞌ me ya xkꞌot ta skuenta te machꞌatik ya snaꞌik spasel te tut ya skꞌan yoꞌtan te Diose.

Hebreos 4:2

Porke jich euk te joꞌotike la yalbelotik te skꞌoplal te kolele, jich tutꞌil albilik te antibo jmeꞌ-jtatike. Pero te stukelike maꞌ tuun yuꞌunik te la yaꞌiyike, porke maꞌ xchꞌuunik te tutꞌ ay skꞌoplale.

Hechos 28:28

“Jaꞌ yuꞌun, naꞌbeyaik me sluwar: Te ora to sok pajel chabe baele te kolel yuꞌun te Diose jaꞌ me ya xkꞌot ta skuenta te machꞌa ma juriyouke. Jaꞌ ya yaꞌibe sluwar stukelik —xchi te Pabloe.

Hebreos 4:9

Jaꞌ yuꞌun ay to jilem jun kuxo-oꞌtan yuꞌun te jtejklum yuꞌun Diose.

Gálatas 3:8

Ta nail to chiknaj ta Sjun Dios te libre xkꞌotik yuꞌun smulik te machꞌatik ma juriyouke yuꞌun te xchꞌuunel yoꞌtanike. Jich Dios la yal ta stojol jꞌAbraham te lekil achꞌ kꞌop to: “Ta spisil nasionetik ya yichꞌ bendision ta akuenta”, xchi me.

1 Corintios 7:29

Kermanotak, te tut ya jkꞌan kalbeyexe, jaꞌ te maꞌyukix ipal kꞌaal. Jaꞌ yuꞌun, te jayebex te nujpunemex jich me awakꞌ anukex te tutꞌil maꞌyuk awinamike.

Hebreos 4:11

Jaꞌ yuꞌun ya skꞌan kakꞌtik puersa te ya xꞌochotik te ba luwar yuꞌun kuxo-oꞌtane. Yuꞌun ma me machꞌa sigueuk ya yakꞌ ta ilel jich tutꞌil la spasik te machꞌatik maꞌ xchꞌuunike.