Hebreos 4:10 - Nuevo Testamento Tzeltal de Amatenango

¹⁰ Porke te machꞌa ya xꞌoch bael te ba luwar yuꞌun kuxo-oꞌtan yuꞌun te Diose, ya xkux yoꞌtan yuꞌun te yaꞌtele, jich tutꞌil te Dios la xkux yoꞌtan yuꞌun te yaꞌtele.

Bible in Tzeltal Bachajón

¹⁰ como te mach'a ochemix ta cux-o'tanil ya scuxix yo'tan yu'un te ya'tel, hich te bin ut'il la scux yo'tan Dios yu'un te ya'tele.

Bible in Tzeltal de Oxchuc y Tenejapa

¹⁰ Melel te mach'atic ya x'ochic tey a ta bay te cux-o'tan yu'un te Diose, ya yich'ic lewa yu'un yat'elic uuc jich bit'il te la yich' lewa yu'un yat'el te Diose.

Hebreos 4:10 Referans Kwoze

Apocalipsis 14:13

Jicha kaꞌiy jun xan kꞌop ta chꞌulchan te jich a yalbone: —Tsꞌibaya ta jun to: “Ben tsaꞌam slekil te ora to sok ta patil bael te machꞌatik ya xchamik ta skuenta te Kajwaltike —xchi. Sok la yal te Espiritue: —Ya me xkux yoꞌtanik yuꞌun te yaꞌtelike, sok ya me xꞌichꞌbot jkuenta yuꞌun te tut spasoje.

Hebreos 10:12

Pero te Jesucristoe jaꞌ a yakꞌ sba ta jun milbil smajtan Dios yuꞌun te muliletik yuꞌun sbajtel kꞌinal. Y te nax a najkaj ta sbatsꞌil skꞌab te Diose.

San Juan 19:30

Te Jesuse la spas prewa te chꞌaal binoe, y la yal: —Spisil a juꞌix ta pasel —xchi. Te nax a la stsꞌinan ta koel te sjole y lokꞌ xchꞌulel.

Hebreos 1:3

Stukel yichꞌojbey stsaꞌamul slekil te Diose, sok jaꞌ mismo ya yakꞌ ta naꞌel tut yilel te Diose. Ta skuenta skꞌop te bayal spodere, jaꞌ te yipajtesej spisil te tutik aye. Ta patil te la spokotik yuꞌun te jmultike, la snajkan sba ta chꞌulchan ta sbatsꞌil te ba nakal te Diose.

Hebreos 4:9

Jaꞌ yuꞌun ay to jilem jun kuxo-oꞌtan yuꞌun te jtejklum yuꞌun Diose.

Apocalipsis 6:11

Jicha akꞌtalanbot sakil skꞌuꞌ-spakꞌik, y altalanbot te ya to xkux yoꞌtanik jun chebuk xanix kꞌaal, jaꞌ to teme tsꞌakay te jaytul xan yermanotak te ayik ta abatinel yuꞌun te Cristoe te puersa jich ya xlajik jachik tutꞌil lajik stukelike.