Hebreos 3:5 - Nuevo Testamento Tzeltal de Amatenango

⁵ Jich yuꞌun, te jMoisese, jich tutꞌil aj-aꞌtelil te jun yoꞌtan yuꞌun spisil te ba sna te Diose. Y te aꞌtel yuꞌune, jaꞌ te ya yalbe skꞌoplal te tutik ya xba yal ta patil te Diose.

Bible in Tzeltal Bachajón

⁵ Te Moisés, te bin ut'il ha a'bat, jun yo'tan ay ta spisil te na yu'un Dios, soc la yal ta testigo-c'op te bin ya yich' halel ta patil.

Bible in Tzeltal de Oxchuc y Tenejapa

⁵ Jich te Moisese, te abat nax yu'un te Diose, jun nax yo'tan la yac' sba ta abatinel ta bay sna te Diose. Ja' yat'el ac'bot spas tey a te ya yalbey sc'oplal te bila ya yal ta patil te Diose.

Hebreos 3:5 Referans Kwoze

Hebreos 3:2

Yuꞌun te Jesuse jun yoꞌtan ta stojol Dios te jich a aꞌbot spas te aꞌtel to, jich tutꞌil te jMoises te jun yoꞌtan a aꞌtej ta spisil te ba sna te Diose.

Hechos 28:23

Jich a xchapik jun kꞌaal te ya xtalik bayal ta jtul gente te ba smajanej na te jPabloe. Pajtajel nax a lijk y asta smalel kꞌaal a yal te jPablo tut ay ta ajwalinel te Diose. Yuꞌun yoꞌtanuk te ya yaꞌbe xchꞌuun te Jesuse, jich tutꞌil te tsꞌibabil ta mantaliletik yuꞌun te jMoises sok te tsꞌibabil yuꞌun te jꞌalwanejetike.

Hebreos 8:5

Pero te saserdoteetik to, jaꞌ nax yaꞌtelinejik ta skuenta te tutik slokꞌol nax y skeawil nax te tutik ay ta chꞌulchane. Y jnaꞌojtik te slokꞌol naxe, porke te kꞌalal kꞌan stejkꞌan naul pakꞌ templo te Moisese, Dios a albot yuꞌun: “Aꞌiya lek awaꞌiy ya apas spisil, chikan te tut yilel te la kakꞌ awil ta witse”, te xchie.

1 Timoteo 1:12

Ya kalbe kola yal te Kajwaltik Jesucristoe te jaꞌ a yaꞌbon jpuersae, porke ya yil te jun koꞌtane, y la yaꞌbon kichꞌ kaꞌtel,

Hebreos 9:24

Porke te Cristoe ma och bael te ba templo te pasbil nax yuꞌun te genteetike, te jaꞌ nax slokꞌol te batsꞌi temploe, sino ke mismo ta chꞌulchan a och bael. Te ora to teꞌ ba yakꞌ sba ta ilel ta stojol Dios yuꞌun ya skꞌanbotik tal koltayel te joꞌotike.

Romanos 3:21

Pero te ora to, parteix ay te mantaliletike. Dios a yakꞌix ta naꞌel te tutꞌil toj ya yilelotik ta stojole. Jich jamal tsꞌibabil jilel ta sjunal te mantaliletike y sok ta sjunal te jꞌalwanejetike.

San Juan 5:39

Te jaꞌexe ya anopilanik te tut tsꞌibabil ta Sjun Diose, porke ya awalik te teꞌ ya ataik a te kuxlejal sbajtel kꞌinale. Pero jaꞌ ya yalbon jkꞌoplal te tutik tsꞌibabile.

San Lucas 24:44

Te nax a la yaltalanbe: —Te tuti kꞌot ta pasel ta jkuentae, jaꞌ te la kalbeyex ta kꞌalal joyinejex to ae. Te puersa jich ya xkꞌot ta pasel spisil te tut tsꞌibabil jilel ta mantaliletik yuꞌun te jMoisese sok ta sjun te jꞌalwanejetik yuꞌun te Diose sok ta salmoetik —xchi.

San Lucas 24:27

Te nax a lijk yalbe sluwar spisil te tut tsꞌibabil jilel te Sjun te Diose te tutꞌ ay skꞌoplal te Cristoe. Lijk kꞌalal ta sjun jMoises jaꞌ to kꞌalal ta sjun spisil te jꞌalwanejetik yuꞌun te Diose.

1 Corintios 4:2

Te machꞌa ya yichꞌ yaꞌtele, ya me skꞌan ya yakꞌ ta ilel te jun yoꞌtan ta spasele.

Hechos 7:37

Y jaꞌ mismo te jMoisese te la yalbe te israeletik: “Te Diose ya me yakꞌ chiknajuk ta awolilik jtul jꞌalwanej jich tutꞌil te joꞌone. Jaꞌ me xꞌawaꞌibeyik te tut ya yalbeyexe”, xchi me.

San Lucas 12:42

La yal te Kajwaltike: —Te lekil jkanan te ay spꞌijil yoꞌtane, ya xꞌaꞌbot ta skuenta te tutik ay yuꞌun ta sna te yajwale, yuꞌun ya spukbey te tutik ya sweꞌik te juju-chꞌoj te ya yichꞌike.

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

San Mateo 24:45

“Jich tutꞌil to te aj-aꞌtelil te jun yoꞌtan sok ay spꞌijil yoꞌtan, aꞌbot skanantay te yanetik jꞌaꞌteliletik ta sna te yajwale. Ya yaꞌbe sweꞌelik ta juju-chꞌoj te ya xweꞌike.

Hebreos 1:1

Te nameye, bayal buelta Dios la skꞌopon te antibo jmeꞌ-jtatike ta skuenta te jꞌalwanejetike. Bayal buelta la skꞌopone sok lebot yuꞌun tutꞌil ya xkꞌot ta yoꞌtanik.

Hebreos 3:4

Spisil te naetike puersa ay machꞌa a spas, pero te Diose stukel a spas spisil te tutik aye.

Apocalipsis 15:3

Ya skꞌayojinik te skꞌayoj jMoises te yaj-aꞌtel Dios y sok te skꞌayojil te Chꞌin Karnerae. La yalik: “Lom mukꞌ y kꞌax lom tsaꞌam ta spisil te tutiꞌ apasoje, Kajwaltik Dios te spisil ya xjuꞌ awuꞌune. Toj y batsꞌi jich te beetik awuꞌune, jaꞌat ajwalilat yuꞌun te nasionetike.