Hebreos 3:1 - Nuevo Testamento Tzeltal de Amatenango

¹ Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

Bible in Tzeltal Bachajón

¹ Ha yu'un, quermanotac te ch'ultesbilex, te pajal ic'bilotic yu'un Dios, na'a me te Jesús, te jpuc-c'op soc muc'ul sacerdote, te ya caltic ta jamal te ha jch'uhunejtic,

Bible in Tzeltal de Oxchuc y Tenejapa

¹ Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.

Hebreos 3:1 Referans Kwoze

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Filipenses 3:14

Yuꞌun jich me ya xkꞌoon te ba ya xkꞌoone, y ya me xkꞌo kichꞌ te jmajtan te ya yaꞌbotik te Diose ta skuenta te Cristo Jesuse.

Hebreos 7:26

Jich yuꞌun te Jesuse jaꞌ mismo te statal saserdote te ya xtuun kuꞌuntike. Jaꞌ stukel te lek ayix ta stojol Dios, maꞌyuk smul, y makꞌ sleulanix smul. Pitil ay sok te jmulawiletike, y akꞌotix ta sba te chꞌulchane.

Efesios 4:1

Jaꞌ yuꞌun te joꞌone te ayon ta prexo ta skaj te Kajwaltike, ya kalbeyex awokolikuk te lekuk ya xꞌanex, jich tutꞌil ya skꞌan ya spasik te machꞌatik ikꞌbilix yuꞌun te Diose, jich tutꞌil te jaꞌexe.

1 Pedro 2:9

Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

Hebreos 2:17

Y jaꞌ yuꞌun te puersa pajal a kꞌot sok spisil te yijtsꞌinabe. Jich statal saserdote kꞌot ta stojol Dios te jun yoꞌtan y lek yoꞌtane, yuꞌun jich la xchꞌaybe smulik te genteetike.

Hebreos 10:21

Te Jesuse jaꞌ mukꞌul saserdote kuꞌuntik te skuentainej te jtejklum yuꞌun te Diose.

Efesios 4:4

Jun nax atiꞌbalulik y jun nax te Espíritu awikꞌojike, jich tutꞌil te Dios te la yikꞌex te jun nax te tut ya amaliyike.

1 Tesalonicenses 2:12

La kalbetikex te jich me xꞌapasik te tutꞌil ya skꞌan ya spas te machꞌatik yuꞌun te Diose, te la yikꞌex skuenta yuꞌun ya xkꞌoex ta ba ay ta ajwalinel y sok te ba ay te slekilale.

1 Corintios 9:23

Jich ya jpas ta spisil to ta skaj te lek achꞌ kꞌop yuꞌun te kolele, yuꞌun jich mismo pajal ya xkolon sok a.

2 Timoteo 2:7

Nopa me te tut la kalixe, y te Kajwaltike jaꞌ me ya yakꞌ anaꞌ spisil.

1 Timoteo 6:12

Ma me akoles ta akꞌab te kuxlejal sbajtel kꞌinale. Yuꞌun jaꞌ a yikꞌat Dios yuꞌun, te kꞌalal la awalix ta jamal ta sit te bayal testigoetike te tutꞌil achꞌuunej te Diose.

Romanos 15:8

Ya kalbeyex ito: Te Cristoe xtaluk yakꞌ sba ta mantaltesel ta skuenta te juriyoetik yuꞌun jich ya xkꞌot ta pasel te tutik albil ta skuenta te antibo jmeꞌ-jtatike. Yuꞌun jich me ya yakꞌ ta ilel te Diose te jun yoꞌtan te ya yakꞌ kꞌotuk ta pasel te tut ya yale.

Hebreos 2:11

Porke te machꞌa ya xlekutesote, junik nax Statik ta spisilik. Jaꞌ sluwar te jich aye, te Xnichꞌan Diose ma xkꞌexaw yuꞌun te yijtsꞌinabe.

San Juan 20:21

Te nax a te Jesuse la yaltalanbe xan: —Junuk me awoꞌtanik. Jich te tutꞌil la stikonon tal te jTate, jich ya jtikonex euk te jaꞌexe —xchi.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

1 Timoteo 6:2

Teme ay te abatetik te xchꞌuunej Dios te yajwale, ma me xyijkitayik ta yakꞌel ta jkuenta te yajwale yuꞌun te yermano sba ta xchꞌuunel te Diose. Jaꞌ ya skꞌan te kꞌax jich ya yakꞌ sbaik ta mantaltesele. Porke te machꞌa ya xꞌabatinotik yuꞌune, jaꞌ xchꞌuunej Dios sok yermano sbaik te kꞌux ya yaꞌiy sbaike. Jich me xꞌawakꞌ ta nopel, sok jich me xꞌawalbey yaꞌiyik.

2 Tesalonicenses 2:14

Jaꞌ yuꞌun to, Dios la yikꞌex ta skuenta te skꞌoplal kolel te joꞌotik a kaltike. Yuꞌun jich me ya xkꞌo awichꞌik te slekilal te Kajwaltik Jesucristoe.

2 Tesalonicenses 1:11

Jich yuꞌun te sil tiempo ya jkꞌoponbetikex te Diose. Jaꞌ ya jkꞌanbetik te Dios kuꞌuntike te lekuk ya yilex yuꞌun te la yikꞌex stukele. Y stukel ya yakꞌ kꞌotuk ta pasel sok spoder ta spisil te tut lek ya anopik te jaꞌexe, y sok te aꞌtel ya apasik yuꞌun te xchꞌuunel awoꞌtanike.

1 Tesalonicenses 5:27

Ya kalbeyex ta skuenta te Kajwaltike, te ya awilik te karta to sok spisil te hermanoetike.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

Colosenses 1:22

Pero te ora to Dios la yakꞌ te ya xjunaj awoꞌtanik soke ta skuenta Cristo, jaꞌ te tutꞌil kꞌax swokol ta milel sok te stiꞌbalule. Jich a spas, yuꞌun jich me ya ataik tutꞌil lek ya xkꞌoex ta skuentae, te chꞌultesbilex, sok te maꞌyuk awijkꞌalik ta skuenta, sok te maꞌyuk amulike.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

2 Corintios 1:7

Jun koꞌtantik ta akuentaik, yuꞌun jnaꞌojtik sluwar te ya me ataik spuersa awoꞌtanik yuꞌun euk te Diose, yuꞌun ay me awuꞌunik ekꞌa te bayal wokole.

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

Romanos 15:27

La snopik te gusto te jich lek a spasike. Yuꞌun la snaꞌik te ay sbetik kꞌoem yuꞌun te hermanoetik juriyoetike te la spukik te bendision yuꞌun Dios ta skuenta te machꞌatik ma juriyouke. Yan te ora to jaꞌ ya skꞌan ya yichꞌ koltayel te hermanoetik juriyoetik ta skuenta te tutik ay yuꞌun te machꞌatik ma juriyouke.

Romanos 11:17

Ay jich tutꞌil batsꞌi skꞌab-kꞌab olivo teꞌ chaꞌoxtul te juriyoetik, te bojtalanot lokꞌele. Te jachikat tutꞌil jun skꞌab olivo teꞌ te ma tsꞌunbiluke, teꞌ ba sluwar ta tsꞌumbal olivo teꞌ la awich tsꞌakel te jaꞌate. Jich jun xanix a kꞌoat sok te yisime y mismo yutsilal a kꞌoat sok te tsꞌunbil olivo teꞌe.

Romanos 9:24

Jich te Diose la yikꞌotik, ma jaꞌuk nax te juriyoetike, jich euk te machꞌa ma juriyouke.

San Juan 20:27

Te nax a la yalbe te jTomase: —Otsesa liꞌ te yal akꞌab y ila awil te jkꞌabe. Y akꞌa tal te akꞌabe, otsea liꞌ ba jkostiyae. Ma me jichukat te tutꞌil machꞌa ma xchꞌuune. Chꞌuuna me —xchi.

Apocalipsis 18:20

Jaꞌex te ayex ta chꞌulchane, kontentoukex me yuꞌun te jimix te mukꞌul jtejklum to; y kontentoukex me jaꞌex te machꞌatik ayex ta jtejklum yuꞌun te Diose, sok te machꞌatik apostoletike y te machꞌatik jꞌalwanejetike. Porke Dios la yaꞌbeyix stoj te tut ma lekuk a spasbeyex te jaꞌexe.

Apocalipsis 17:14

Ya me yaꞌbe sbaik sok ta skontrainel te Chꞌin Karnerae, pero te Chin Karnerae ya me stsaltalan. Porke jaꞌ stukel Ajwalil yuꞌun te ajwaliletike y Rey yuꞌun te reyetike. Y te machꞌatik ay ta skuentae jaꞌ ikꞌtalanbil y tꞌujtalanbil yuꞌun Dios y jun yoꞌtanik ta stojol —xchi.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

1 Pedro 3:5

Yuꞌun jich a xchap sbaik ekꞌa te namey tal te antstik te jun yoꞌtan xchꞌuunejik te Diose. Sok jaꞌik la xchꞌuunbeyik smantal te smamlalike.

Hebreos 9:11

Pero te Cristo xtalukix, y te ora to stukel statal saserdote kuꞌuntik te skuentainej tutik ben tsaꞌam te ayix ta jkuentatike. Te templo te ba yipal ta aꞌtel jich tutꞌil saserdotee, jaꞌ ben tsaꞌam y mas ben mukꞌ yuꞌun te yane. Y ma pasbiluk ta skꞌab genteetik, sok te ma jaꞌuk ta skuenta te balmilal toe.

Hebreos 6:20

te ba och bael Jesus yuꞌun ya sjambotik a te bee. Jicha kꞌot stukel tutꞌil statal saserdote yuꞌun sbajtel kꞌinale, jich tutꞌil te jtijkꞌ saserdote ay sok te jMelquisedeke.

Efesios 3:6

Te tut mukul aye, jaꞌ to: Jaꞌ ta skuenta te skꞌoplal kolel, te machꞌatik ma juriyouke mismo ya yichꞌik te majtanil te tutꞌ yuꞌun te juriyoetike. Yuꞌun jun nax mismo stiꞌbalulikix, sok yuꞌunik ekꞌa te tut sjapoj Dios ta skuenta te Cristo Jesuse.

1 Corintios 10:17

Aunke lom bayalotik, jpisiltik jun nax te waj ya jweꞌtike yuꞌun jun nax kꞌoemotik sok a.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

Hechos 1:15

Jaꞌ skꞌaalel a te la stsob sbaik te hermanoetik te ay wan siento beinte ta jtul. Te jPedroe tejkꞌaj y la yaltalanbe:

2 Corintios 9:13

y ya me yalbeyik slekilal a te Diose yuꞌun te koltayel te la awaꞌbeyik ya yakꞌ ta ilel te jaꞌex achꞌuunejik te lek achꞌ kꞌop yuꞌun te Cristoe. Jich me ya yalbeyik slekilal a te Diose yuꞌun te bayal tut la awakꞌik te jaꞌexe te ya xtuun yuꞌunik sok ta spisil te hermanoetike.

Hebreos 3:12

Kermanotak, ila me abaik te ma me ayuk jtuluk te jaꞌex te ma lekuk awoꞌtanike yuꞌun te ya apit abaik ta stojol te kuxul Diose sok te ma xꞌachꞌuunike.

Hebreos 7:28

Te mantaliletik yuꞌun te jMoisese ya yaꞌbe yaꞌtel ta statal saserdote te gente te maꞌyuk yipike. Pero te tuti yal ta jamal te Diose, te la spas ta patil yuꞌun te mantaliletike, la yaꞌbe yaꞌtel ta statal saserdote te Xnichꞌane, te tsꞌakal ya xjuꞌ yuꞌun spasel te yaꞌtele ta sbajtel kꞌinal.

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

Hebreos 10:19

Jaꞌ yuꞌun, kermanotak, te ora to maꞌyuk xiꞌel ya xjuꞌ xꞌochotik te ba ay te Batsꞌi Chꞌul Luwar ta skuenta te xchꞌichꞌlel te Jesucristoe.

Hebreos 10:23

Junuk me koꞌtantik, ma me tut xyal koꞌtantik. Ya me jnaꞌtik te tut yipalotik ta smaliyel, sok te xchꞌuunel koꞌtantik te ya kaltik ta jtiꞌtike. Porke te Diose ya skꞌoes ta pasel te tut yalojbotik te ya spasbotike.

Hebreos 13:22

Kermanotak, awokolikuk junuk awoꞌtan xꞌawichꞌik te jaypꞌal kꞌopetik te atsitselik te la jtsꞌibabeyexe.