Hebreos 2:8 - Nuevo Testamento Tzeltal de Amatenango

⁸ Spisil la awaꞌbey spas ta mantal”, xchi me. Jich yuꞌun te la yaꞌbey spas ta mantal spisil aye, maꞌyuk tut maꞌ yakꞌ Dios te ma xchꞌuunbot mantal ta skuentae. Pero ma to ya kiltik teme spisil ya xchꞌuunbot smantal yuꞌune.

Bible in Tzeltal Bachajón

⁸ soc la awac' spisil ta ye'tal yoc, xchi. Te bin ut'il la yac' spisil ta ye'tal yoc, mayuc bin la yihquitay te ma ba la ya'be scuentahin, aunque ma to ba ya quiltic te ay ta cuentahinel yu'un spisil bintic ay.

Bible in Tzeltal de Oxchuc y Tenejapa

⁸ La awac'bey spas ta mandal spisil te bitic ay ta yanil yacane”, xi'. In te bit'il yac'ojbey spas ta mandal spisile, tey chican a te ma'yuc bila ma la yac'bey ta swenta ants-winiquetic te Diose. Ja'uc me to, ma to chicanuc ya quiltic te ya xch'uunbot smandalic yu'un spisil te bitic aye.

Hebreos 2:8 Referans Kwoze

1 Corintios 15:27

Porke Dios yakꞌojbeyix te spisil ya spuchꞌ ta tekꞌele. Pero te kꞌalal jich ya yal te spisil ya xꞌaꞌbot ta skuentae, jich chikan ta jamal a te ma aꞌbiluk ta jkuenta a te Diose. Jaꞌ nax Dios te la yakꞌ ta skuenta Cristo spisil te tutik aye.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.

Hebreos 1:13

Te Diose ni maꞌyuk a yalbe ni jtuluk te angeletike: “Naklan ta jbatsꞌil, jaꞌ to teme la kakꞌ apuchꞌ ta tekꞌel te akontratake”, ma xchiuk.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Hebreos 2:5

Dios maꞌ yakꞌix ta kuentainel yuꞌun angeletik te yachꞌil balmilal ya xchiknaj ta patil te jaꞌ yipalotik ta yalele.

San Juan 3:35

Te Tatile kꞌux ta yoꞌtan te xNichꞌane; jaꞌ yakꞌojbe ta skꞌab spisil te tutik aye.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.