Hebreos 13:2 - Nuevo Testamento Tzeltal de Amatenango

² Ma me achꞌay ta awoꞌtanik te lek ya awikꞌ ochel ta anaik te machꞌatik ya xkꞌot ta anaike. Yuꞌun ay machꞌatik maꞌ snaꞌik la yikꞌ ta snaik te angeletike.

Bible in Tzeltal Bachajón

² Ma me xch'ay ta awo'tanic te ya x'otseswanex ta anahic, como ay mach'atic hich la spasic te ma ba la sna'ic te la yic' ochel ta snahic ch'ul a'batetic.

Bible in Tzeltal de Oxchuc y Tenejapa

² Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Hebreos 13:2 Referans Kwoze

San Mateo 25:35

Yuꞌun te kꞌalal ay a wiꞌnajone, la awaꞌbikon jweꞌel. Sok te kꞌalal takin koꞌtan ayone, la awaꞌbikon kuchꞌ jaꞌ. Sok te xoyeton la awile, la awikꞌon ochel ta ana.

Romanos 12:13

Koltayaik me te machꞌatik ayix ta skuenta te Diose teme maꞌyuk tut ay yuꞌune. Junuk me awoꞌtanik ya awikꞌik ochel te machꞌa ya xtal yuluꞌtayexe.

1 Pedro 4:9

Ikꞌa abaik me ochel ta anaik ta juju-tulex, ma me ayuk tut ma lekuk ya awalik yuꞌun.

San Mateo 25:43

Sok te xoyeton la awile ma la awikꞌikon ochel taꞌ na. Sok te tutꞌil maꞌyuk jkꞌuꞌ-jpakꞌ la awile ma la awaꞌbikon. Sok te tutꞌil ayon ta chamele, sok te tutꞌil ayon ta prexoe, maꞌyuk a tal awilikon teꞌa”, ya me yut.

Tito 1:8

Ya skꞌan te jun yoꞌtan ya xꞌotseswan ta snae, sok te jun yoꞌtan yuꞌun te tut leke, sok te ay lek spꞌijile, sok te toj aye, sok te ben lek ta stojol Diose, sok te stukel ya snaꞌ tut ya skom sbae.

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

1 Timoteo 3:2

Jich yuꞌun, te machꞌa ya yichꞌ yaꞌtel ta ansianoile, jaꞌ ya skꞌan te makꞌ xmulawixe. Ya skꞌan te jtul nax ants ay soke, sok te sil tiempo kuidado ay sok te yoꞌtane, sok te ma snaꞌ xkꞌajkꞌube, sok te lek ay te xkuxlejale. Ya skꞌan te sil tiempo ya sꞌotseswan ta snae, sok te ay spꞌijil yoꞌtan ya snojpeswane.

Romanos 16:23

Sok xkoltanukex laj yuꞌun te jGayoe te liꞌ ayon ta smajanel te snae, jaꞌ te liꞌ ba ya stsob sbaik ta spisil te hermanoetike. Sok xkoltanukex laj yuꞌun euk te jꞌErastoe te ja tesorero yuꞌun te jtejklume sok euk te kermanotik Cuartoe.

Hechos 16:15

Jicha aꞌbot yichꞌ jaꞌ sok spisil te machꞌa ay yuꞌun te snae. Ta patil la skꞌanbe pawor: —Teme la anaꞌikix te batsꞌi jun koꞌtan jchꞌuunej te Kajwaltike, laꞌ me, olananik liꞌ ba jnae —xchi. Y puersa a yalbotik te teꞌ ya xꞌanotik ae.

3 Juan 1:5

Kermano te ben kꞌuxat ta koꞌtane, jaꞌ lek te jun awoꞌtan awakꞌoj aba ta abatinel yuꞌun spisil te hermanoetike. Sok mas to xan yuꞌun te machꞌatik ya xtal ta yanetik luware.