Hebreos 12:3 - Nuevo Testamento Tzeltal de Amatenango

³ Jaꞌ yuꞌun, nopaik te tutiꞌ yakꞌ ta ilel te Jesuse te kꞌax swokol yuꞌun bayal kontrainel yuꞌun te jmulawiletike. Jaꞌ yuꞌun, ma me lubanik ni ma me chop abaik.

Bible in Tzeltal Bachajón

³ Na'ahic me te Jesús te c'ax bayel swocol ta contrahinel yu'un jmulawiletic, scuenta yu'un ma xluhbex soc ma xch'ay te yip awo'tanic,

Bible in Tzeltal de Oxchuc y Tenejapa

³ Jich yu'un te ja'exe ja' me x'ana'ic spisil ora te Jesuse, te bayal c'ax swocol ta sc'ab te jmulawiletique. Jich ma ba ya xpejc'aj te awo'tanique soc ma xlaj yip awo'tanic yu'un te awocolique.

Hebreos 12:3 Referans Kwoze

Gálatas 6:9

Jich yuꞌun ma me wakꞌ lubukotik ta spasel te tut leke. Porke teme ma xchebaj koꞌtantike, ya me sta stiempoil te ya kilbeyik sit te kaꞌteltike.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

Apocalipsis 2:3

Tsꞌijkem awuꞌun te awokole, y bayal kꞌaxem awokol ta jkaj, pero ma xlubat.

1 Corintios 15:58

Jich yuꞌun, kermanotak, te ben kꞌuxex ta koꞌtane, sigue junuk awoꞌtanik y ma me xtal-xbajtuk awoꞌtanik. Aꞌtejanik sil tiempo ta mas y ta mas ta yaꞌtel te Kajwaltike. Porke te jaꞌexe ya anaꞌik te ma jowilik te aꞌtel ya apasik te jun nax sok te Kajwaltike.

Hebreos 12:2

Ya me jtojlitik ta kꞌeluyel te Jesuse, yuꞌun stukel la yakꞌ ta ilel te tutꞌil ay ta chꞌuunel te Diose, sok tsꞌakal juꞌ yuꞌun xchꞌuunel. Te Jesuse kꞌax swokol ta krus, sok maꞌyuk skꞌoplal ta yoꞌtan te tutꞌil kꞌexlaltik sba te milel ta kruse. Porke snaꞌoj, teme kꞌax te swokole, ta patil ya me sta sbujtsꞌ yoꞌtan y ben kontento. Y kꞌo najkajuk ta sbatsꞌil snaktajib te Diose.

Hebreos 3:1

Jaꞌ yuꞌun kermanotak, te jaꞌex te ayexix ta jtejklum yuꞌun te Diose te la yikꞌexix Dios te yuꞌun ya xkꞌoexe, jaꞌ me xꞌanaꞌ ta awoꞌtanik te Cristo Jesuse, te jaꞌ apostol sok mukꞌul saserdote te jchꞌuunejtike.

2 Corintios 4:1

Jaꞌ yuꞌun ma xchebaj koꞌtantik, porke ta slekil yoꞌtan te Diose la yaꞌbotik te aꞌtel to.

San Juan 5:16

Jaꞌ sluwar te la skontrainik Jesus te juriyoetike, yuꞌun ta skaj te jich ya spas ta skꞌaalel kuxo-oꞌtane.

Hebreos 12:5

¿Me yuꞌun chꞌayix ta awoꞌtanik te Dios yalojbeyex te tutꞌil yal xnichꞌanexe? Ya yal te Sjun Diose: “Kuntikil, ma me apꞌaj te komel yuꞌun te Kajwaltike, ni ma me cheban awoꞌtan te kꞌalal ya skomelate.

San Lucas 14:1

Ta skꞌaalel kuxo-oꞌtane te Jesuse bajt ta weꞌel ta sna jtul statal fariseo. Te yan fariseoetike tal yilik tutꞌ ay te Jesuse.

2 Tesalonicenses 3:13

Kermanotak, ma me lubanik ta spasel te tut leke.

San Juan 18:22

Kꞌalal jich a yal te Jesuse, te jtul polisia te teꞌ tekꞌel ae la yaꞌbe mam jpajkꞌ ta sit te Jesuse, y la yalbe: —¿Meꞌn jich ya ajakꞌbe skꞌop te statal saserdotee? —xyut.

San Juan 8:52

Te juriyoetik la sjakꞌbeyik: —Te ora to seguro ya jnaꞌtik te ay pukuj ta awoꞌtane. Te jꞌAbrahame sok spisil te jꞌalwanejetike chamik bael. Y te jaꞌate ya awal: “Te machꞌa ya yakꞌ ta jkuenta te jkꞌope makꞌ cham”, te xchate.

San Juan 8:59

Jich te juriyoetike la stamik ton yuꞌun kꞌan yaꞌbeyik te Jesuse, pero te Jesuse la snakꞌ sba y lokꞌ bael te ba temploe, y bajt.

San Juan 8:13

Te fariseoetike la yalik: —Atukel nax ya awal aba akꞌoplal. Te tut ya awale ma baleuk —xchiik.

San Juan 7:12

Te ba yolil te genteetik bayal machꞌatik ya xꞌalot yuꞌun. Te yane ya yalik: —Te winike ben lek —xchiik. Pero ay yan ya yalik: —Ma lekuk; ya sloꞌlay te gentee —xchiik.

San Lucas 16:14

Te fariseoetike jaꞌ nax ben baem ta yoꞌtanik te stakꞌinike, jaꞌ yuꞌun te kꞌalal la yaꞌiyik te tuti yal te Jesuse, lijk yikꞌtinik yuꞌun.

San Lucas 15:2

Pero te fariseoetike sok te maestroetik yuꞌun te mantaliletike lijk yaꞌbiyanik ta mukul. Jich a yalik: —Te winik to jun yoꞌtan sjoyinej sba sok ta weꞌel te jmulawiletike —xchiik ta yaꞌbiyanel ta mukul te Jesuse.

San Lucas 5:21

Jich te maestroetik yuꞌun te mantaliletike sok te fariseoetike lijk yal ta yoꞌtanik: “¿Machꞌa me winikil to te yipal ta xkꞌaxintayel te skꞌop te Diose? Jaꞌ nax stukel te Dios te ya spas perdon yuꞌun te mulile”, xchiik.

San Lucas 2:34

Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

San Mateo 22:15

Ta patil te fariseoetike ba snop skꞌopik te tut ya yut ya xkꞌax skꞌop te Jesuse yuꞌun jich me ya stabeyik smul a.

San Mateo 21:46

Yoꞌtanuk kꞌan stsakik te Jesuse, pero ya xchiik yuꞌun te genteetike, yuꞌun kꞌoem ta yoꞌtanik te jaꞌ jꞌalwanej yuꞌun Dios te Jesuse.

San Mateo 21:23

Och bael ta templo te Jesuse. Yipal ta pꞌijuteswanej a, tal ta kꞌoponel yuꞌun te statal-saserdoteetike sok te moletik yuꞌun te jtejklume. La sjojkꞌobeyik: —¿Tuti awaꞌtel awichꞌoj ta spasel spisil to? ¿Machꞌa yaꞌbeyat awaꞌtel? —xchiik.

San Mateo 15:2

—¿Tuꞌun te jnopojeletik awuꞌune te ya xkꞌaxintaybeyik te skostumbre antibo meꞌil-tatiletike? Yuꞌun te kꞌalal ya xweꞌike makꞌ spok skꞌabik nailuk ya kil, jich tutꞌil albil skꞌoplale —xchiik.

San Mateo 12:24

Te kꞌalal la yaꞌiybeyik sluwaril te fariseoetike, jich a yalik yuꞌun: —Te winik to jaꞌ ay ta skuenta Beelzebu te mero statal-pukuj. Jicha ya slokꞌes te pukujetike —xchiik.

San Mateo 11:19

Teꞌ nax a tal te Nichꞌanile te ya xweꞌ-xꞌuchꞌae. Jich ya awalik te toj ip xweꞌ-xꞌuchꞌa, sok te ya sjoyin jmulawiletik sok jkꞌan-tojemaletik. Yan te spꞌijil yoꞌtan te Diose jaꞌ ya xchiknaj ta skuenta te tut ya yakꞌ kꞌotuk ta pasele —xchi te Jesuse.

San Juan 9:40

Ay chaꞌoxtul fariseoetik te teꞌeyik sok ae la yaꞌiyik te jich a yale. La sjojkꞌobeyik: —¿Me yuꞌun wan chokotik euk te joꞌotike? —xchiik.

San Juan 10:20

Ay bayal te jich a yalike: —¿Tuꞌun te ya awakꞌik ta jkuentae? Porke ya xjowiy, yuꞌun ay pukuj ta yoꞌtan —xchiik.

1 Pedro 2:23

Te kꞌalal la yutik ta kꞌope, ni ma sjakꞌ ta utaw. Te kꞌalal la yaꞌbeyik swokole, ni ma tutiꞌ yal. Sino ke jaꞌ a yaꞌbe ta skuenta te Diose, te toj ya xchapawane.