Hebreos 11:1 - Nuevo Testamento Tzeltal de Amatenango

¹ Teme ay xchꞌuunel koꞌtantike, jich seguro ayotik te ya kichꞌtik te tut yipalotik ta smaliyele, sok ya jnaꞌtik te ay tutik te ma xkiltike.

Bible in Tzeltal Bachajón

¹ Te sch'uhunel-o'tanil, ha te ya jna'tic te ya me xc'oht ta pasel te bin yacotic ta smahliyel, ha te jna'ojtic te smelelil te bin ma chicanuc ta ilele.

Bible in Tzeltal de Oxchuc y Tenejapa

¹ Te bit'il ay xch'uunjel co'tantique jich jc'axel ay ta co'tantic te ya xc'ot ta pasel te bila yacotic ta smaliyele, soc jc'axel ay ta co'tantic manchuc teme ma chicanuc ta ilel ya quiltique.

Hebreos 11:1 Referans Kwoze

2 Corintios 5:7

Te ora to ma to ya kiltik, pero jun koꞌtantik jchꞌuunejtik.

2 Corintios 4:18

Porke ma jaꞌuk ya jtojlitik ta kꞌeluyel te tut chikan ta ilele; jaꞌ ya kiltik te tut ma chikanuk ta ilele. Yuꞌun te tutik chikan ta ilele ma xjalaj, pero te tutik ma chikanuk ta ilele sbajtel kꞌinal stukel.

Hebreos 11:7

Ta skuenta xchꞌuunel yoꞌtan, te jNoee la yakꞌ ta jkuenta te tut albot yuꞌun Dios kꞌalal la yaꞌbe snaꞌ te tut ya xkꞌot ta pasel te ma to chikanuke. La xchꞌuun y la spas barko yuꞌun ya xkol a sok te yuntikile. Y ta skuenta te xchꞌuunel yoꞌtane, te jNoee la yakꞌ ta ilel smul te gente ta balmilale. Y la sta te kolel te tutꞌil lek a ilot yuꞌun te xchꞌuunel yoꞌtane.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

Hebreos 10:39

Y te joꞌotike ma jachikukotik tutꞌil te machꞌatik ya sujt ta spatike, te chꞌayel ya xlaj bajtik yuꞌune. Jaꞌ pajalotik sok te machꞌatik ya staik te kolele porke ay xchꞌuunel yoꞌtanik.

1 Corintios 13:13

Ay oxeb te tutik ma xchꞌay skꞌoplale: Jaꞌ te xchꞌuunel-oꞌtanile, sok te tut ya jmalitike, y sok te xkꞌuxul-oꞌtanile. Pero mas tulan skꞌoplal ta yoxebale, jaꞌ te xkꞌuxul-oꞌtanile.

Hebreos 11:13

Spisil te gente abi maꞌ yichꞌik te tutik yaloj jilel te Diose te kꞌalal chamike. Pero ay xchꞌuunel yoꞌtanik, sok la yilik ta jakal sok bujtsꞌnaj yoꞌtanik yuꞌun. Sok la yalik te jkꞌaxel nax ayik ta balmilal sok te majanbil nax yuꞌunik te luware.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

2 Corintios 5:17

Jich yuꞌun te machꞌa jun nax ay sok te Cristoe achꞌ genteix. Te tutꞌil ay te nail toe, kꞌaxix bael; te tutꞌ ayix te ora to, achꞌubenix.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Tito 1:1

Joꞌon jPabloon, yaj-aꞌtelon te Diose sok apostolon yuꞌun te Jesucristoe. Tikonbilon ta yaꞌbeyel xchꞌuun Dios te machꞌatik tꞌujbilik yuꞌun te Diose, sok yuꞌun ya me snaꞌik ta batsꞌi jich te tut jchꞌuunejtike,

Hebreos 2:3

¿Jaꞌ xan tutꞌil kꞌan kolukotik te joꞌotike, teme ixtaꞌ nax kuꞌuntik te kolel te lom mukꞌe? Yuꞌun jaꞌ mismo te Kajwaltik te stukel nail a yal skꞌoplal te kolel to. Ta patil te machꞌatik la yaꞌiyike la yalbelotik euk te joꞌotike te tutꞌil batsꞌi jich te skꞌoplale.

2 Corintios 11:17

Te toybajel to, ma jaꞌuk yipalon ta yalel te jich ay smantal te Kajwaltike, yuꞌun jachikon nax tutꞌil jtul jowiyel.

2 Corintios 9:4

Ma me jaꞌuk to a teme talon sok chaꞌoxtuluk te jmacedoniaetike teme ma chapalukex a kꞌo jtatikexe. Teme ma chapalukex, ya me xkꞌexawotik awuꞌunik, yuꞌun jun koꞌtantik kalojtik te tutꞌ ayexe, sok te jaꞌexe ya me ataik kꞌexlal ekꞌa.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.