Hebreos 10:10 - Nuevo Testamento Tzeltal de Amatenango

¹⁰ Dios la slekutesotikix porke te Jesucristoe la spasbe te skꞌanojel yoꞌtan te Diose te la yakꞌ ta majtanil te stiꞌbalule te la yichꞌ milel jun nax buelta yuꞌun sbajtel kꞌinal.

Bible in Tzeltal Bachajón

¹⁰ Ta scuenta te hich la sc'an yo'tan te Jesucristo, la jquich'tic lecubtesel ta scuenta te jmehl nax la yac' ta milbil mahtanil te sbaq'uetal ta scuenta sbahtel q'uinal.

Bible in Tzeltal de Oxchuc y Tenejapa

¹⁰ Jich la yutstesotiquix ta jc'axel a te Dios ta swenta bit'il la spasbey sc'anjel yo'tan Dios te Jesucristoe, te jun nax buelta la yac' sba ta lajel sbajt'el q'uinal.

Hebreos 10:10 Referans Kwoze

Hebreos 10:14

Porke ta skuenta te jun nax smajtan Diose, jich a stojutes yuꞌun sbajtel kꞌinal te machꞌatik ya xlekubik ta stojol Diose.

Hebreos 10:12

Pero te Jesucristoe jaꞌ a yakꞌ sba ta jun milbil smajtan Dios yuꞌun te muliletik yuꞌun sbajtel kꞌinal. Y te nax a najkaj ta sbatsꞌil skꞌab te Diose.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Hebreos 7:27

Ma jichuk te tutꞌil yanetik statal saserdoteetike te puersa ya smilik chambalam te ya yakꞌ ta jujun kꞌaale, jaꞌ nail yuꞌun smul stukele y te nax a yuꞌun te smulik te jtejklume. Porke te Jesuse jmel nax te la yakꞌ sba ta milbil smajtan Dios yuꞌun sbajtel kꞌinale, te kꞌalal stukel mismo a yakꞌ sbae.

San Juan 17:19

Y ta skajik jmel nax ya kakꞌ jba ta lajel yuꞌun jich me ya xꞌuꞌunimbot yoꞌtanik yuꞌun te tut batsꞌi jiche.

Hebreos 13:12

Jich euk te Jesuse kꞌax swokol ta milel ta ba stiꞌil jtejklume, yuꞌun ya xchꞌulutes a te machꞌatik yuꞌune ta skuenta te xchꞌichꞌele.

1 Corintios 1:30

Pero mismo te Diose jun nax a stsobex sok te Cristo Jesuse. Y jich a spas te jaꞌ jpꞌijiltik a yaꞌbotik te Cristoe. Y ta skuenta te Cristoe jich kolemotikix yuꞌun te jmultike. Uꞌuninbilotikix yuꞌun Dios y jaꞌ la skoltayotikix.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

Hebreos 9:12

Te Cristo ochemix bael te ba ay te Batsꞌi Chꞌul Luware. Y ma jaꞌukix ya yakꞌ te xchꞌichꞌel chiboetike y sok te beseroetike, sino ke stukel te xchꞌichꞌele. Jun nax buelta a och bael ta sbajtel kꞌinal, jich a jtatikix ta skuenta te jkoleltik sbajtel kꞌinal.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

Hebreos 10:20

Jaꞌ me sigue ya jtamtik te achꞌ bee, te sbeelel kuxlejal te stukel a sjambotik te pakꞌ, te jaꞌ mismo te stiꞌbalule.

Hebreos 9:26

Te jichuk a spase, te Cristo bayal buelta ya skꞌan xlaj desde pas tal te balmilale. Pero te batsꞌi jiche, te ora to te jaꞌix te slajibal kꞌaale, te Cristoe jun nax buelta sok ta skuenta sbajtel kꞌinal a kꞌax swokol. Stukel mismo la yakꞌ sba ta milbil smajtan Dios yuꞌun xchꞌayel mulil.

Hebreos 2:14

Jich tutꞌil jun nax stiꞌbalul te yuntikil te jwol nae, jich euk te Jesuse la yichꞌ stiꞌbalul y xchꞌichꞌel jich tutꞌi gente, yuꞌun ta skuenta te ya xchame jich ya slajinbey spoder te machꞌa ya xmilawane, jaꞌ bi, jaꞌ te pukuje.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

San Juan 19:34

Pero te jtul soltaroe la slowbe ta lansa te skostiyae, y ora nax a lokꞌ tal chꞌichꞌ sok tojol jaꞌ.

Hebreos 2:11

Porke te machꞌa ya xlekutesote, junik nax Statik ta spisilik. Jaꞌ sluwar te jich aye, te Xnichꞌan Diose ma xkꞌexaw yuꞌun te yijtsꞌinabe.

Hebreos 10:5

Jaꞌ yuꞌun, kꞌalal jul ta balmilal te Cristoe, jich a yal ta stojol Dios: “Ma jaꞌuk ya akꞌan te milbil majtanile ni te yan majtanile, sino ke la awaꞌbonix jtiꞌbalul.

San Juan 6:51

Joꞌon te kuxul wajone te koem tal ta chꞌulchane. Te machꞌa ya sweꞌ te waj to, ya xkuxuyin sbajtel kꞌinal. Te waj te ya kakꞌe jaꞌ te jtiꞌbalule te ya kakꞌ yuꞌun jich ya xkuxuyin a te genteetike —xchi te Jesuse.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

Efesios 5:26

Jich a spas yuꞌun jich ya yichꞌ lekutesel ta skuenta te skꞌop y sok ta skuenta te ichꞌjaꞌe.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Hebreos 10:29

¿Me yuꞌun ma xkꞌot ta awoꞌtanik te jaꞌexe te mas to xan tulan kastigo ya sta te machꞌatik ya xpuchꞌik ta tekꞌel te Xnichꞌan Dios y te ya spꞌajbeyik te xchꞌichꞌele, sok te machꞌatik ya yixta-kꞌoptay te Espíritu yuꞌun Dios te jaꞌ kꞌuxutaylanbil yuꞌune? Te xchꞌichꞌele jaꞌ te la xchap jil a te tratee, sok te ya slekuteswane.

1 Pedro 3:18

Porke te Cristoe kꞌax swokol ta milel yuꞌun te jmultik te jun nax buelta ta sbajtel kꞌinale. Lek yoꞌtan stukel, pero kꞌax swokol yuꞌun te machꞌatik ma lekuke, yuꞌun ya yikꞌex bael ta stojol Dios te jaꞌexe. Jich tutꞌil winik cham te stiꞌbalule; pero chaꞌkux sok te xchꞌulele.