Hebreos 10:1 - Nuevo Testamento Tzeltal de Amatenango

¹ Porke te mantaliletik yuꞌun te jMoisese jaꞌ nax yaxinal te tutik ben lek te ya xba taluke, y ma jaꞌuk stukel te tut batsꞌi leke. Jaꞌ yuꞌun te mantaliletike ma xjuꞌ yaꞌ stojutes te machꞌatik jujun jaꞌbil ya xtijilaj ta stojol Dios yuꞌun te ya yaꞌbe milbil smantan Dios.

Bible in Tzeltal Bachajón

¹ Como te Ley, te bin ut'il ha yaxinal te bintic lec te talel yac, te ma ha'uc mero smelelil te bintic aye, ma xhu' yu'un ya slecubtes te mach'atic ya xnopojic ta scuenta te milbil mahtanil ya yich' aq'uel ta jujun ha'bil.

Bible in Tzeltal de Oxchuc y Tenejapa

¹ Melel te mandalile squeawil nax te bila lec, te patil chicnaj ta jamale, melel ma ja'uc ta swenta mandalil te ya jtatic te bila leque. Yu'un te mandalile ma xju' ya yutstes ta jc'axel te mach'atic ya xnoptsajic tel ta stojol Dios ta swenta te chambalametic te ya yich' malel xch'ich'el ta stojol Dios ta jujun ja'wile.

Hebreos 10:1 Referans Kwoze

Hebreos 8:5

Pero te saserdoteetik to, jaꞌ nax yaꞌtelinejik ta skuenta te tutik slokꞌol nax y skeawil nax te tutik ay ta chꞌulchane. Y jnaꞌojtik te slokꞌol naxe, porke te kꞌalal kꞌan stejkꞌan naul pakꞌ templo te Moisese, Dios a albot yuꞌun: “Aꞌiya lek awaꞌiy ya apas spisil, chikan te tut yilel te la kakꞌ awil ta witse”, te xchie.

Hebreos 9:11

Pero te Cristo xtalukix, y te ora to stukel statal saserdote kuꞌuntik te skuentainej tutik ben tsaꞌam te ayix ta jkuentatike. Te templo te ba yipal ta aꞌtel jich tutꞌil saserdotee, jaꞌ ben tsaꞌam y mas ben mukꞌ yuꞌun te yane. Y ma pasbiluk ta skꞌab genteetik, sok te ma jaꞌuk ta skuenta te balmilal toe.

Colosenses 2:17

Spisil to jaꞌ seña to nax te tut ya xtale. Pero te tut batsꞌi jiche, jaꞌix te Cristoe.

Hebreos 9:23

Puersa la skꞌan yichꞌ malel xchꞌichꞌel chambalametik yuꞌun slekutesel te tutik slokꞌol nax te ay ta chꞌulchane. Pero te tutik ay ta chꞌulchane, puersa majtanil ya skꞌan te kꞌax jich stsaꞌamule.

Hebreos 9:25

Y ma yuꞌunuk och bael ta yakꞌulanel milbil smajtan Dios bayal buelta, jich tutꞌil ya spas ta jujun jaꞌbil te statal saserdotee, te ya xꞌoch bael ta Batsꞌi Chꞌul Luwar ta yakꞌel te ma jaꞌuk xchꞌichꞌeluk stukele.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Hebreos 7:11

Te jtejklum israele la yichꞌik te mantaliletik ta skuenta te saserdoteetik jLevitaetik, te jaꞌ stsꞌumbalik te jꞌAarone. Pero, ma juꞌemuk yuꞌunik spasel te toj aylan te machꞌatik sigue ya xchꞌuunik te mantaliletike. Jaꞌ sluwar te chiknaj yan saserdote, te ma jaꞌukix ta stsꞌumbal te jꞌAarone, sino ke jaꞌ yuꞌun te jtijkꞌ saserdote yuꞌun te jMelquisedeke.

Hebreos 10:22

Jaꞌ yuꞌun ya skꞌan xtijilajotik ta stojol Dios sok spisiluk me koꞌtantik y sok xchꞌuunel koꞌtantik te batsꞌi seguroe. Sakubenuk me te koꞌtantik yuꞌun te tut ma lek ya jnoptike, y sapbiluk me te jtiꞌbalultik ta puro lekil jaꞌ.