Hebreos 1:4 - Nuevo Testamento Tzeltal de Amatenango

⁴ Te Xnichꞌan Diose jaꞌ kꞌax mukꞌ a tutꞌil te angeletike, yuꞌun jaꞌ a aꞌbot yuꞌunin sbiil te kꞌax jich tulan tutꞌil te sbiilik te angeletik.

Bible in Tzeltal Bachajón

⁴ soc hich toyol xan c'oht yu'un te ch'ul a'batetic te bin ut'il c'ax toyol xan ay te sbihil a'bot yich' te bin ut'il yich'oj te ch'ul a'batetique.

Bible in Tzeltal de Oxchuc y Tenejapa

⁴ Te Snich'an Diose c'axem to xan cajal ay stuquel a te bit'il ay yutsilal te ch'ul abatetique, melel cajal yutsil sbiil ac'bot yu'un te Diose te bit'il ay yutsil sbiil te ch'ul abatetique.

Hebreos 1:4 Referans Kwoze

Efesios 1:21

Jaꞌ muk a kꞌot yuꞌun spisil te tutik ay spuersa, sok te ay yaꞌtelike, sok te ay spodere y sok te ya xmantalteswanike. Y jaꞌ mukꞌ a kꞌot yuꞌun spisil te tutik aye te tutik ay ta balmilal sok te tutik ya xtal ta patile.

1 Pedro 3:22

Jaꞌ te machꞌa mo bael ta chꞌulchane, y te ayix ta sbatsꞌil te Diose, sok te jaꞌ ya xchꞌuunbot smantal yuꞌun te angeletike y sok te yanetik te ay yaꞌtelik y ay spoderike.

Hebreos 2:9

Pero ya kiltik te Jesus, jaꞌ te machꞌa cheꞌoxeb nax kꞌaal te Dios chꞌin a yakꞌ ke te angeletike. Te Diose, ta skuenta xkꞌuxul yoꞌtan, la skꞌan te cham Jesus yuꞌun ta spisil genteetik. Te ora to, ta skaj te kꞌax swokol ta milele, aꞌbilix te slekilal sok jich ya xꞌakꞌot ta jkuentae.

2 Tesalonicenses 1:7

Y te jaꞌexe ya me yaꞌbeyex a kux awoꞌtanik yuꞌun te awokolile, jich mismo te tutꞌil joꞌotik. Jaꞌ te tut kꞌaalil ya xchiknaj tal te Kajwaltik Jesuse sok te angeletik yuꞌune, te ay spoderike te xpumet sok kꞌajkꞌ te ya xtal ta chꞌulchane.

Colosenses 2:10

Y te jaꞌexe tsꞌakal awichꞌojbeyik slekilal te Diose yuꞌun jun nax ayex sok te Cristoe, te jaꞌ jolol yuꞌun spisil te chꞌul angeletik te ay spoderik sok te ay yaꞌtelike.

Colosenses 1:18

Y sok xan te Cristoe jaꞌ jolol yuꞌun spisil te machꞌatik xchꞌuunejikixe. Stukel ay ta slijkibal, y stukel primero a chaꞌkux tal te ba ay te animaetike. Jich yuꞌun jaꞌ mukꞌ ay stukel yuꞌun spisil tutik aye.

Hebreos 1:9

Jaꞌ akꞌanoj te tut leke, y apꞌajoj te tut ma lekuke. Jaꞌ yuꞌun la stꞌujat te Dios, te Dios awuꞌune, y la yaꞌbeyatix sbujtsꞌ awoꞌtan kꞌax jich tutꞌil te ajoꞌtake”, xchi me.

Hebreos 12:17

Y te jaꞌexe anaꞌojik te ta patil te kꞌalal kꞌan yichꞌ te bendision yuꞌun te state, pꞌajbil a kꞌot. Manchuk me bayal a okꞌ, maꞌ pasix tut ya yut sba a yuꞌun te tutiꞌ kꞌotix ta pasele.