Gálatas 6:3 - Nuevo Testamento Tzeltal de Amatenango

³ Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Bible in Tzeltal Bachajón

³ Teme ay mach'a muc' ya sp'is sba, te melel mayuc sc'oblal, ha nix ya slo'loy sba.

Bible in Tzeltal de Oxchuc y Tenejapa

³ Melel teme ay mach'a scuyojix sba ta muc' teme ma meleluque, jich slo'layej sba stuquel a.

Gálatas 6:3 Referans Kwoze

1 Corintios 3:18

Ma me machꞌa ya sloꞌlay sba. Teme ay machꞌaukex a te pꞌij skuyoj sbae, teme ta skuenta nax pꞌijilil ta balmilale, jich me ya skuy sba te tutꞌil maꞌyuk tutꞌ ya snaꞌe, yuꞌun jich me ya xkꞌot te batsꞌi ay spꞌijile.

1 Corintios 8:2

Teme ay machꞌa ya skuy te ayix tut ya snaꞌe, pero ma to snaꞌojuk lek, jich tutꞌil ya skꞌan ya snaꞌe.

Romanos 12:3

Jich tutꞌil yakꞌojbon kichꞌ kaꞌtel ta skuenta slekil yoꞌtan te Diose, ya kalbeyex ta apisilik te maꞌyuk machꞌa ya snop ta spensar te mukꞌ ya yakꞌ sbae. Jaꞌ lek nail ta juju-tul aꞌ snop te tut yaꞌiyel ya yaꞌi sbae, chikan te jayeb te xchꞌuunel-oꞌtanil aꞌbot yuꞌun te Diose.

2 Corintios 3:5

Ma yuꞌunuk joꞌotik mismo ya xjuꞌ ya kaltik te ay tut ya xjuꞌ kuꞌuntik spasel ta jtukeltik naxe. Spisil te tut ya xjuꞌ kuꞌuntik spasele ya xtal ta stojol Dios

1 Corintios 13:2

Y manchuk me ya xkꞌopojon ta yalel tut skuenta Dios, o ya jnaꞌ yaꞌiyel te tut mukul aye, o ya jnaꞌ spisil te tutik aye, y manchuk me puersa ay xchꞌuunel koꞌtan yuꞌun ya snik te witstikile, pero teme maꞌyuk xkꞌuxul koꞌtane, jowilon nax me abi.

1 Juan 1:8

Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

Romanos 12:16

Junuk awoꞌtan abaik ta juju-tul. Ma me toybaukex. Jaꞌ me pajal ya skꞌan xꞌanex sok te machꞌatik lom chꞌunulike. Ma me xꞌakuy te lom pꞌijexe.

San Lucas 18:11

Te fariseoe tekꞌel a skꞌopon te Diose. Jich a yal ta skꞌoponel te Diose: “Dios kuꞌun, ya kalbeyat kola awal te ma pajalukon sok te yan genteetike, te kꞌayemik ta elekꞌe, sok te ma tsaꞌamuk yoꞌtanike, sok te kꞌayemik ta antsiwejele. Sok ma jichukon te tutꞌil te jkꞌan-tojemal to.

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

Santiago 1:26

Teme ay machꞌa ya skuy sba te lek xchꞌuunej Diose, pero ma snaꞌ skomel te stiꞌe, stukel mismo sloꞌlayej sba, y te tut xchꞌuuneje ma baleuk a kꞌot a.

2 Timoteo 3:13

Pero te machꞌatik ma lekikuke y sok te jloꞌlawanejetike yanyan ta ixtaꞌajel stukelik. Ya xloꞌlawanik y ya xloꞌlalanot euk.

2 Corintios 12:11

Jicha jpasix jich tutꞌil jtul jowiyel. Pero jaꞌex la asujikon ta spasel. Porke jaꞌex ya skꞌan la awalbikon lek jkꞌoplal. Aunke ma tuton a te joꞌone, maꞌyuk machꞌa pekꞌ ayon yuꞌun ke te mukꞌul apostoletik awuꞌunik te jaꞌ atsꞌakliyejike.

Gálatas 2:6

Pero te machꞌatik ay yaꞌtelik tey ae maꞌyuk tut achꞌ a yalbon. Aunke te joꞌone ma kocheluk te tut aꞌtel yichꞌojike, jich mismo te Diose ma jaꞌuk ya yichꞌ jkuenta te tut yilelike.

Hechos 5:36

Naꞌaik me te ay jich kꞌot ta pasel te nameye, te ay jtul winik Teudas sbiil te la yal te ay tulan yichꞌoj yaꞌtele. Y ay wan kuatro sien ta jtul winketik a stsꞌakliyik. Pero te winik abi milot. Y te machꞌatik stsꞌakliyeje laj pujke bael y teꞌ kꞌo chꞌayuk spisil a.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.