Gálatas 6:2 - Nuevo Testamento Tzeltal de Amatenango

² Koltaya abaik ta xkuchel te ijkatsile, jich me ya xjuꞌ awuꞌunik spasel a te smantal te Cristoe.

Bible in Tzeltal Bachajón

² Talel c'axel me xacoltay abahic ta scuchel awocolic, hich yac ac'ohtesic ta pasel a te ley yu'un Cristo.

Bible in Tzeltal de Oxchuc y Tenejapa

² Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

Gálatas 6:2 Referans Kwoze

Romanos 15:1

Te joꞌotik te tulanotik sok te xchꞌuunel koꞌtantike jichukotik me te ya jnaꞌbetik yoꞌolil sbaik te machꞌatik ma tulanuk xchꞌuunel yoꞌtanike. Y ma jaꞌuk ya jletik te joꞌotik nax lek ya kaꞌiy jbajtike.

1 Tesalonicenses 5:14

Sok ya kalbeyex, kermanotak, ya me atsitsik te machꞌatik ma skꞌan xꞌaꞌtejike. Aꞌbeyaik yip yoꞌtanik te machꞌatik maꞌyuk yip yoꞌtanike. Koltayaik me te machꞌatik lom xcheben yoꞌtanike. Sok ayuk apasensia ta stojol spisilik.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

1 Juan 4:21

Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.

Santiago 2:8

Te jaꞌex, lek ya apasik teme batsꞌi ya achꞌuunik te tulan mantal, jich tutꞌil la yal te tut tsibabil jilele: “Kꞌux me xꞌawaꞌiy te ajoy ta genteile jich tutꞌil te kꞌux ya awaꞌiy abae”, te xchie.

San Juan 15:12

Te jmantale jaꞌto: Te kꞌux ya awaꞌiy aba ta awoꞌtanike, jich tutꞌil kꞌux ya kaꞌiyex ta koꞌtane.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

San Mateo 8:17

Jicha kꞌot ta pasel te tut tsꞌibabil jilel yuꞌun te jꞌalwanej yuꞌun Dios te jꞌIsaias sbiil, te jich a yale: “Stukel a yichꞌbotik bael te jchameltike, sok la xchꞌaybotik spisil te tut kꞌux ya kaꞌitike”, xchi me.

Gálatas 6:5

Yuꞌun ta juju-tul ay ta skuenta skuchel te tut yilel te yaꞌtele.

1 Corintios 9:21

Sok ay yan te tutꞌ ya jpasbe ganar te machꞌatik maꞌyuk ta skuenta te mantaliletik yuꞌun te jMoisese, jich me ya kakꞌ jba te tutꞌ ayike. Aunke jchꞌuunej te mantaliletik yuꞌun Diose, yuꞌun jaꞌ jchꞌuunejix te smantal Cristoe.

Romanos 8:2

Porke kꞌalal la kakꞌ jbatik ta skuenta te Espiritue, te ya yakꞌ kuxlejal ta skuenta te Cristo Jesuse, jaꞌ la skoltayotik ta skꞌab te mulile sok te lajele.

San Lucas 11:46

La yal te Jesuse: —Te jaꞌex maestroetik yuꞌun te mantaliletike, oꞌol me abaik euk, porke te ijkatsil ya awaꞌbey xkuch te genteetike maꞌyuk machꞌa xlijk yuꞌun. Yan te jaꞌexe ni jchꞌixuk yal akꞌabik ya akꞌan ya apikik chꞌinuk.

Santiago 1:25

Pero te machꞌa ma xchꞌay ta yoꞌtan te tut ya yaꞌiye, sino ke jaꞌ ya yakꞌ ta yoꞌtan te mantal te toje sok te ya yakꞌotik ta libree, y teme jun yoꞌtan ya xchꞌuun te tut ya yale, ben tsaꞌam slekil yuꞌun te tut ya spase.

Santiago 2:12

Ilaik me lek te tut ya awalik y ya apasik, porke Dios ya me yichꞌelex jkuenta yuꞌun te mantaliletik te ya yakꞌotik ta libree.

2 Pedro 2:21

Jaꞌ mas lek te jichuk ma yilik te tojil bee. Te tutꞌil yilojikixe, jaꞌ ma lek teme ta patil ya xchꞌoj jilel te chꞌul mantal te la yichꞌ aꞌbeyele.

2 Pedro 3:2

Naꞌaik me te tut la yalik te nail toe te chꞌul jꞌalwanejetike, y sok te smantal te Kajwaltik, te jKoltawanej kuꞌuntike, te la snojpesex te apostoletike.