Gálatas 6:13 - Nuevo Testamento Tzeltal de Amatenango

¹³ Pero ni ma jaꞌuk a te machꞌatik ya yichꞌ sirkunsision te ya xjuꞌ yuꞌun spasel spisil te tut ya yal te mantaliletike. Jaꞌ nax ya skꞌanik te yauk awichꞌik sirkunsision te jaꞌexe. Yuꞌun jich me ya stoy sbaik te yauk xjuꞌ yuꞌunik te ya sujex ta yichꞌel te amarkaik ta atiꞌbalulike.

Bible in Tzeltal Bachajón

¹³ como ni ha'uc ya sch'uhunic te Ley te mach'atic yich'ojic circuncisión; pero ya sc'anic te ha'ex yac awich'ic circuncisión yu'un hich ya xhu' ya stoy sbahic yu'un te bin awich'ojic ta abaq'uetalique.

Bible in Tzeltal de Oxchuc y Tenejapa

¹³ Ja'uc me to, te mach'atic yich'ojic te circuncisione ma xju' ta pasel yu'unic spisil uuc te bi ya yal te mandalile. Ja' nax ya sc'an yo'tanic te yacuc awich'ic te circuncisione, swenta yu'un jich me toyol q'uinal ya yaiyic yu'un te ya sujex ta yich'el te circuncisione.

Gálatas 6:13 Referans Kwoze

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

1 Corintios 5:6

Te jaꞌxe ma me lekuk teme ya atoy abaik yuꞌun te tut ya apasike. Anaꞌojikix te jich ay ta alel: “Te chꞌin nax te levadurae ya spajutes spisil te matsꞌe” —xchi me.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

2 Corintios 11:18

Yuꞌun ay bayal te ya stoy sbaik te tut snopojik ta stukelik naxe. Jich euk te joꞌone, ya me jtoy jba.

San Mateo 23:15

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe bayuk nax ya xbeenex yuꞌun ya awaꞌbeyik xchꞌuun Dios ta akꞌopik te genteetike. Pero teme ay la ataik jtuluke, kꞌax jich yuꞌun infierno ya xtꞌot a te tutꞌil jaꞌexe.

San Mateo 23:3

Jaꞌ yuꞌun chꞌuunaik spasel te tut ya yalbeyexe, pero ma me akꞌayinik spasel te tut ya spasik stukelike. Yuꞌun te tut ya yakꞌik ta nopele ma xchꞌuunik spasel stukelik.

1 Corintios 3:21

Jaꞌ yuꞌun ma me ayuk machꞌa lom bujtsꞌan kꞌinal ya yaꞌiy yuꞌun ta skuenta jtul winik te jaꞌ ya stsꞌakliye. Yuꞌun spisil te tutik aye, jaꞌex awuꞌunik.

San Mateo 23:23

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele.

San Lucas 5:38

Por eso ya skꞌan te achꞌ nujkul ya yichꞌ pulel a te achꞌ binoe. Jich me ya xtuun ta xchebal a.