Gálatas 6:12 - Nuevo Testamento Tzeltal de Amatenango

¹² Te machꞌatik ya skꞌan ya sujex ta yichꞌel te sirkunsisione, jaꞌ nax ya spasik yuꞌun te lek ya xꞌilot yuꞌun a te gentee, skuenta yuꞌun maꞌyukik ta ilbajinej yuꞌun te xchꞌuunejik te laj ta krus kuꞌuntik te Cristoe.

Bible in Tzeltal Bachajón

¹² Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

Bible in Tzeltal de Oxchuc y Tenejapa

¹² Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

Gálatas 6:12 Referans Kwoze

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Colosenses 2:23

Jich yaꞌiyel te pꞌijil kꞌop te tut ya yalike, sok xchꞌuunel Dios yilel te kꞌax chꞌin ya kakꞌ jbatik y tulan trate ayotik sok te jtiꞌbalultike. Pero jowil nax, yuꞌun ma skombotik te tut ya skꞌupin te jtiꞌbalultike.

2 Corintios 11:13

Porke najka palso apostoletik ske me to y jloꞌlawanejetik yuꞌun skuyoj sbaik te jaꞌ apostoletik yuꞌun te Cristoe.

Hechos 15:1

Ay machꞌatik a laj talik ta estado Judea lijk snojpesik te hermanoetike te puersa me ya yichꞌ sirkunsision ta stiꞌbalulik, jich tutꞌil te ya yal te mantaliletik yuꞌun te jMoisese, teme ya skꞌan xkolik sbajtel kꞌinale.

Gálatas 2:3

Pero te jTito te sjoyinejone, te jaꞌ griego stukele, maꞌ sujot ta yichꞌel te sirkunsisione.

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Filipenses 3:18

Bayal buelta a kalbeyexix, y te ora to ya jchaꞌalonbeyex xan sok kokꞌel, te ben bayal machꞌatik skontrainej te tutꞌil a cham ta krus te Cristoe,

Filipenses 2:4

Ma me machꞌa stukel nax ta sle te tutꞌil lek ay ae; ya skꞌan te ya sle te tutꞌil lek ay ekꞌa te yanetike.

Filipenses 1:15

Batsꞌi jich te ay machꞌatik ya yalbe skꞌoplal Cristo sok il-oꞌtan y sok tsalaw. Pero ay yanetik sok slekil yoꞌtan ya yalbeyik skꞌoplal te Cristoe.

Gálatas 6:13

Pero ni ma jaꞌuk a te machꞌatik ya yichꞌ sirkunsision te ya xjuꞌ yuꞌun spasel spisil te tut ya yal te mantaliletike. Jaꞌ nax ya skꞌanik te yauk awichꞌik sirkunsision te jaꞌexe. Yuꞌun jich me ya stoy sbaik te yauk xjuꞌ yuꞌunik te ya sujex ta yichꞌel te amarkaik ta atiꞌbalulike.

Gálatas 2:14

Jaꞌ yuꞌun te kꞌalal la kil te ma jichuk toj ya spasik te tutꞌil ay skꞌoplal te lek achꞌ kꞌope, la kalbey ta sitil komon te jPedroe: “Jaꞌat te juriyoate, jich ya xkuxuyinat te tutꞌil ma juriyoukate. ¿Tut yuꞌun te ya akꞌan ya asuj te machꞌatik ma juriyouk ta spasel jich tutꞌil te juriyoetike?

2 Corintios 10:12

Ma yuꞌunuk jaꞌ ya jpaj jbatik sok te machꞌatik te stukel nax ya yakꞌ sba ta akꞌel ta jkuentae. Pero te stukelike maꞌyuk spꞌijilik. Stukel nax ya spaj sbaik, y ya spaj sba sok te yan xane.

Hechos 15:5

Pero ay chaꞌoxtul fariseoetik te xchꞌuunejikix te Jesuse la stejkꞌan sbaik jajchel, y la yalik: —Puersa me ya kaꞌbeytik yichꞌ sirkunsision te hermanoetik te ma juriyouke, y ya me kalbetik te ya xchꞌuunik te mantaliletik yuꞌun te jMoisese —xchiik.

San Juan 7:18

Te machꞌa stukel nax ya snop te tut ya yale, jich ya spas yuꞌun ya skꞌan akꞌel ta jkuenta yuꞌun te gentee. Yan teme jaꞌ ya skꞌan ya yakꞌ ta akꞌel ta jkuenta te machꞌa tikonbil tal yuꞌune, batsꞌi jich te tut ya yale sok maꞌyuk loꞌlawanej ta yoꞌtan.

San Lucas 20:47

Sok ya spojbeyik sna sok stutik yuꞌun te meꞌbaꞌ antstike. Y lom jal ya skꞌoponik Dios ta sitik komon yuꞌun ya skꞌanik kꞌupinel. Jaꞌ me mas tulan kastigo ya xꞌakꞌtalanbot —xchi te Jesuse.

San Mateo 23:28

Jich kꞌoemex te jaꞌexe. Ben lek ta ilel ya yilex te genteetike, pero te yutil awoꞌtanike nojel ta loꞌlawane sok ta skꞌaxintayel mantal.

San Mateo 23:5

Spisil te tut ya spasike jaꞌ nax ya yakꞌ sbaik ta akꞌel ta jkuenta a yuꞌun te genteetike. Yuꞌun ya skꞌupinik yichꞌel ta yelawik sok ta skꞌabik te chꞌin yawil Sjun Dios te tsꞌibabile, sok ya skꞌupinik te ben najt stsijtsomal te skꞌuꞌ-spakꞌ ya slapike.

San Mateo 6:16

“Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

San Mateo 6:2

“Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

San Mateo 6:5

“Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

San Mateo 5:10

“Ben me tsaꞌam slekilik te machꞌatik ya xkꞌax swokolik ta ilbajinel yuꞌun ta skꞌaj te yaꞌtelinejik spasel te tut ya skꞌan te Diose, jich jaꞌ mukꞌ Dios yuꞌunik te ay ta chꞌulchane.

San Mateo 23:27

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jaꞌexe jich kꞌoemex te tutꞌil majtanubil snaul animaetik te ben tsaꞌam te spate, pero te yutile nojel ta sbakel animaetik sok yilobal te skꞌaꞌemale.