Gálatas 5:5 - Nuevo Testamento Tzeltal de Amatenango

⁵ Pero te joꞌotike, ta skuenta te Espiritue y sok te xchꞌuunel-oꞌtanile, jich ayotik ta smaliyel te libre ya xkꞌootik yuꞌun te jmultike.

Bible in Tzeltal Bachajón

⁵ Yan te ho'otcotic, ta scuenta te Espíritu yacotcotic ta smahliyel ta scuenta sch'uhunel co'tancotic te bin smuc'ulinej co'tancotic, ha te toj ya x'ilototcotic yu'un Dios,

Bible in Tzeltal de Oxchuc y Tenejapa

⁵ Yan te jo'otique ta swenta te Espíritu te ya cac' xch'uunjel co'tantic. Jich jun co'tantic ya jmaliytic te bit'il toj ya yilotic te Diose.

Gálatas 5:5 Referans Kwoze

1 Tesalonicenses 1:10

Sok ya yalik xan te tutꞌil yipalex ta smaliyel te ya sujt tal ta chꞌulchan te Jesus te Xnichꞌan Diose. Jaꞌ te Jesus te la yichꞌ xchaꞌkusesel yuꞌun Dios te ba ay animaetike, sok te stukel ya skoltayotik yuꞌun te tulan kastigo ya xtale.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Filipenses 3:9

sok te jun nax ya xkꞌoon soke. Ma jaꞌuk ya jle tutꞌil ya xlekubon ta skuenta xchꞌuunel te mantaliletike, sino ke jaꞌ nax ta skuenta xchꞌuunel te Cristoe. Dios a yakꞌonix ta libre yuꞌun jmul ta skuenta te xchꞌuunel koꞌtane.

Romanos 5:21

Jich tutꞌil te jmel nax a och te mulil yuꞌun te yichꞌoj tal te lajele, jaꞌ nax jich euk te slekil yoꞌtan Diose jmel nax a och yuꞌun te ya xꞌakꞌawan ta libre yuꞌun te mulile, y jaꞌ ya yaꞌbotik te kuxlejal sbajtel kꞌinal ta skuenta te Kajwaltik Jesucristoe. Jich me ay jkuxlejaltik sbajtel kꞌinal te jayebotik te chapbilotikix ta skuenta te Diose.

2 Tesalonicenses 3:5

A me yaꞌbeyex anaꞌik te Kajwaltik te tutꞌil ay skꞌuxul yoꞌtan te Diose, sok te tutꞌil kujch yuꞌun swokol te Cristoe.

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

1 Corintios 1:7

Te tutꞌil jich aye maꞌyukix falta awuꞌunik te tutik ya yakꞌ te Diose. Jich me jun awoꞌtanik te yipalex ta smaliyel te tut kꞌaalil ya xchiknaj tal te Kajwaltik Jesucristoe.