Gálatas 5:22 - Nuevo Testamento Tzeltal de Amatenango

²² Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Bible in Tzeltal Bachajón

²² Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Bible in Tzeltal de Oxchuc y Tenejapa

²² Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

Gálatas 5:22 Referans Kwoze

San Juan 15:5

“Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

San Juan 15:2

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Efesios 5:9

Yuꞌun te sakil kꞌinale jaꞌ ya yakꞌ xlokꞌ spisil te ay slekil-oꞌtanile sok tut stojil aye sok te tut batsꞌi jiche.

San Juan 15:16

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

Romanos 7:4

Jich euk te jaꞌexe, kermanotak, ta skuenta te tutꞌil a cham te Cristoe, jich chamen a kꞌoex sok ekꞌa te mantaliletike, yuꞌun ayex ta skuenta jtul xan. Te ora to jaꞌix yuꞌunex te Cristoe te chaꞌkuxem tal te ba ay te animaetike. Jaꞌ sluwaril, te jkuxlejaltik ya xtuun ta stojol Dios.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

San Mateo 12:33

“Chapaik lek te teꞌe, jich me lek te sit ya yakꞌ. Yan teme ma chapbiluk leke, ma tsaꞌamuk sit ya yakꞌ. Jich te teꞌe ya anaꞌbeytik sba ta skuenta te site.

1 Corintios 13:13

Ay oxeb te tutik ma xchꞌay skꞌoplale: Jaꞌ te xchꞌuunel-oꞌtanile, sok te tut ya jmalitike, y sok te xkꞌuxul-oꞌtanile. Pero mas tulan skꞌoplal ta yoxebale, jaꞌ te xkꞌuxul-oꞌtanile.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Efesios 4:23

Te jaꞌexe ya skꞌan xꞌachꞌubex sok te apensarike y sok awoꞌtanik.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

1 Pedro 1:8

Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

Romanos 15:3

Porke jich te Cristoe ma jaꞌuk a sle te tut lek ya xꞌilot ta stukel naxe. Yuꞌun stukel a kꞌot ta skuenta te tut tsꞌibabil ta Sjun te Diose: “Te yutawik te machꞌatik la yutate joꞌon a kꞌot ta jkuenta”, xchi me.

1 Pedro 5:12

Te Silvanoe, jaꞌ te jtul hermano te jun yoꞌtan xchꞌuunej Diose, jaꞌ la jmajanbey skꞌab ta stsꞌibayel te chꞌin karta to. Yuꞌun ya jtsꞌitsex y ya kalbeyex ta jamal te bendisionetik te awichꞌojikixe, te chikan a te jich ay slekil yoꞌtan te Diose. Jmel nax me junuk awoꞌtanik te tutꞌil jich ay te xkꞌuxul yoꞌtane.

Romanos 15:14

Jaꞌex kermanotak, jnaꞌoj ta lek te jaꞌexe beno slekil awoꞌtanik y spisil anaꞌojikix. Y anaꞌojikix te talel bael ya atsits abaike.

San Lucas 13:9

Jich wan ya yakꞌ sit. O teme ma yakꞌ site, ya xjuꞌ ta tsꞌetel lokꞌel”, xchi —xchi te Jesuse.

1 Timoteo 3:11

Jich euk te antsetike ya skꞌan te ya xꞌakꞌawan ta jkuenta sok ma me tojoluk puk-kꞌop-aꞌabiyej. Sok ya skꞌan te kuidado ay sok te yoꞌtanike, sok te jun yoꞌtanik ta spasel te yaꞌtelike.

2 Tesalonicenses 3:2

Kꞌoponbotik me Dios te libre ya xjilotik yuꞌun te winketik te ma lekikuk y ma tsaꞌamuk yoꞌtanike. Porke ma spisiluk xchꞌuunejik Dios.

Romanos 8:5

Te machꞌatik kuxajtik ta skuenta te tut ya skꞌan te stiꞌbalul te jmulawil winike, jaꞌ nax yajtal yoꞌtanik te tut ya skꞌan te stiꞌbalulike. Pero te machꞌatik kuxajtik ta skuenta te Espiritue, jaꞌ yajtal yoꞌtanik te tutꞌil ya skꞌan te Espiritue.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 15:30

Kermanotak, ya kalbeyex ta skuenta te Kajwaltik Jesucristoe y sok te slekil yoꞌtan te Espíritu te ya yaꞌbotike, awokolikuk kꞌoponbikon Dios ta jtojol.