Gálatas 5:19 - Nuevo Testamento Tzeltal de Amatenango

¹⁹ Ben chikan ta ilel te tut ya spasik te machꞌatik ya spasik te tutik ma tsaꞌamuk ya skꞌan te stiꞌbalulike. Ya xꞌantsiwejik, y ya spas mulil, y ya spasik tut skuenta balmilal, y sok tut ya skꞌupin yoꞌtanik.

Bible in Tzeltal Bachajón

¹⁹ Jamal chican te ya'tel te jpoco'-taleltic yu'un mulil: ha te antsiwej, antsinel, bin ilobtic sba, ma'q'uexlalil,

Bible in Tzeltal de Oxchuc y Tenejapa

¹⁹ Jamal chican ta ilel te yat'el te ch'ich'-baq'uete, ja'ic in to: mulwej, yalel ta mulil, te bila ilaybil sbae, xchijilil baq'uet,

Gálatas 5:19 Referans Kwoze

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.

Gálatas 6:8

Te machꞌa ya stsꞌun sok sbujts yoꞌtan te tut ma tsaꞌamuk ya skꞌan te stiꞌbalule, ja skosecha te lajele. Te machꞌa ya stsꞌun sok sbujtsꞌ yoꞌtan ta skuenta Espiritue, ta skuenta Espíritu jaꞌ skosecha te kuxlejal sbajtel kꞌinale.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

1 Corintios 3:3

yuꞌun skuentainejex to te atiꞌbalulile. Yuꞌun chikan te tutꞌ ayexe te ya to awilbey aba awoꞌtanik sok te ya ajapuy abaik ta kꞌope, sok te ya apitpit abaike. Yuꞌun sigue ya atamojik te tut skuenta atiꞌbalulike. Jich yipalex ta spasel te tut ya spas spisil te gente ta balmilale.

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.

Romanos 8:5

Te machꞌatik kuxajtik ta skuenta te tut ya skꞌan te stiꞌbalul te jmulawil winike, jaꞌ nax yajtal yoꞌtanik te tut ya skꞌan te stiꞌbalulike. Pero te machꞌatik kuxajtik ta skuenta te Espiritue, jaꞌ yajtal yoꞌtanik te tutꞌil ya skꞌan te Espiritue.

Apocalipsis 22:15

Pero ya me xjilik ta fuera te machꞌatik ma lekuk yoꞌtanike, sok te machꞌatik ya snopik yakꞌel pox ta skuenta pukuje, sok te machꞌatik ya sꞌantsiwejike, sok te machꞌatik ya xmilawanike, sok te machꞌatik ya yichꞌik ta mukꞌ te lotil diosetike, y spisil te machꞌatik ya skꞌupinik spasel te lote.

1 Corintios 6:18

Jaꞌ yuꞌun, kꞌeja abaik me yuꞌun te antsiwejele. Tutikuk xan yan mulil te ya spas te jtul gentee makꞌ ya xkuch te stiꞌbalule. Pero te machꞌa ya spas te antsiwejele, ya xmulaw sok te stiꞌbalule.

Gálatas 5:17

Porke te tutik ma tsaꞌamuk ya skꞌan atiꞌbalulike, jaꞌ skontrainej te Espiritue. Y te Espiritue jaꞌ skontrainej te tutik ma tsaꞌamuk ya skꞌan atiꞌbalulike. Te yane jaꞌ skontrainej te yanetike, y jaꞌ yuꞌun te jaꞌexe ma xjuꞌ awuꞌunik spasel te tut ya akꞌanike.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Romanos 8:9

Pero te jaꞌexe ma me jichuk ya xkuxuyinex ta skuenta te tutꞌil ma tsaꞌamuk ya skꞌan te atiꞌbalulike. Jaꞌ ya xkuxuyinexix ta skuenta te Espiritue, teme batsꞌi jich te ay ta atojolik te Espíritu yuꞌun te Diose. Te machꞌa ma yikꞌojuk te Espíritu yuꞌun te Cristoe, ma jaꞌuk yuꞌun te Cristoe abi.

Romanos 7:18

Porke ya jnaꞌ te tut ayone, jaꞌ bi jaꞌ te jtiꞌbalul te jmulawil winikone, maꞌyuk slekil. Yuꞌun aunke jnopoj ya jpas te tut leke, pero ma xjuꞌ kuꞌun spasel.

Romanos 7:5

Porke te kꞌalal kuxulotik to jich tutꞌil winketik jmulawiletike, te mantaliletike tuun yuꞌun te ya stijbotik jtiꞌbalultik te tut ma tsaꞌamuk ya snoptalane. Y jaꞌ la yikꞌotik bael ta lajel.

San Juan 3:6

Te machꞌa ayinem nax ta skuenta stiꞌbalul te smeꞌ-state, kuxulix ta stiꞌbalul nax abi. Yan te machꞌa ayinem ta skuenta Espiritue, jaꞌ kuxulix ta skuenta te Espiritue.

Romanos 8:3

Porke Dios a spasix te tut maꞌ juꞌ yuꞌun spasel te mantaliletik yuꞌun te jMoisese. Yuꞌun maꞌ juꞌ yuꞌun te mantaliletike, ta skaj te maꞌyuk spuersa te stiꞌbalul te mulawil winike. Dios a stikon tal te batsꞌil Xnichꞌan te batsꞌi jachik yilel te tutꞌil jmulawil winike, y la yakꞌ ta milbil majtanil skuenta yuꞌun mulil, yuꞌun jich a yakꞌ ta lajel te mulil te ay ta jtibalultike.

Romanos 7:25

Jaꞌ nax te Diose, jaꞌ te machꞌa ya kalbe kola yal ta skuenta te Kajwaltik Jesucristoe. Jich yuꞌun joꞌon mismo la jnaꞌix te ya skꞌan jchꞌuunbe smantal te Diose. Pero joꞌon sok te jtiꞌbalule ayon ta mantaltesel yuꞌun te mulile.

Hebreos 13:4

Ta apisilik akꞌaik me ta jkuenta te nujpunele. Y ma me akapik ta mulil te jun nax awayibike, porke Dios ya yichꞌ jkuenta te machꞌatik ya xꞌantsiweje y te machꞌatik ya xkremiweje.