Gálatas 4:29 - Nuevo Testamento Tzeltal de Amatenango

²⁹ Pero jich tutꞌil te nameye te nichꞌanil te ayin ta smantal te tiꞌbalulile la sten te nichꞌanil te ayin ta yaꞌtel te Espiritue, jich ya xkꞌot ta pasel ekꞌa te ora to.

Bible in Tzeltal Bachajón

²⁹ Pero hich te bin ut'il ta namey, te mach'a ayin ta scuenta ch'ich'-baq'uet la yuts'in te mach'a ayin ta scuenta te Espíritu, ha nix hich ta ora ini.

Bible in Tzeltal de Oxchuc y Tenejapa

²⁹ Ja' nanix jich ta ora to: Te mach'a ya x'ayin ta swenta ch'ich'-baq'uete, ya yuts'in te mach'a ayin ta swenta te Espiritue.

Gálatas 4:29 Referans Kwoze

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Romanos 8:13

Porke teme jaꞌ kuxulex ta skuenta te tut ya skꞌan te atiꞌbalulike, ya me xlajex. Pero teme jaꞌ ta skuenta te Espiritue ya awakꞌik ta lajel te tut ya skꞌan te atiꞌbalulike, ya me xkuxuyinex.

Gálatas 4:23

Te yal skriadae jich a ayin te tutꞌil skuenta nax te tiꞌbalulile; pero te yal te machꞌa ay ta libree, ayin skuenta yuꞌun jich ya xkꞌot ta pasel te jich sjapoj te Diose.

San Juan 15:9

Te joꞌone kꞌuxex ta koꞌtan, jich tutꞌil kꞌuxon ta yoꞌtan te jTate. Jmel nax me xꞌawakꞌ abaik te ba slekil koꞌtane.

San Juan 3:5

Te Jesuse la sjakꞌbe: —Jamal ya kalbeyat: Te machꞌa ma xchaꞌayin ta jaꞌe y sok ta skuenta te Espiritue ma spas ya xꞌoch te ba ay ta ajwalil te Diose.

Romanos 8:1

Jaꞌ yuꞌun, ni maꞌyuk tut kastigoil ay ta skuenta te machꞌatik jun nax ay sok te Cristo Jesuse. Jaꞌ bi, jaꞌ te machꞌatik ma ta skuentaukix stiꞌbalul kuxulike; jaꞌikix te kuxulik ta skuenta te Espiritue.