Gálatas 4:26 - Nuevo Testamento Tzeltal de Amatenango

²⁶ Pero te Jerusalen te ay ta chꞌulchan libre ay stukel, y joꞌotik yuntikilotikix.

Bible in Tzeltal Bachajón

²⁶ Yan te Jerusalén ta toyol, libre ay stuquel, ha jnantic te ho'otique,

Bible in Tzeltal de Oxchuc y Tenejapa

²⁶ Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Gálatas 4:26 Referans Kwoze

Hebreos 12:22

Te jaꞌexe tijilajexix te ba wits Sion, y te ba mukꞌul jtejklum yuꞌun te kuxul Dios, jaꞌ te Jerusalen ta chꞌulchane, y te ba bayal ta jmil te angeletik stsoboj sbaik yuꞌun ya skꞌayojinik te Diose,

Filipenses 3:20

Yan te joꞌotike jaꞌ jlumaltik te chꞌulchane. Y yipalotik ta smaliyel te ya xtal ta chꞌulchan te jKoltawaneje, jaꞌ te Kajwaltik Jesucristoe.

Apocalipsis 21:2

La kil chꞌul mukꞌul jtejklum, jaꞌ te achꞌ Jerusalene, te yipal tal ta koel ta chꞌulchan ta stojol te Diose. Lek chapal jachik tutꞌil achꞌix te ya xnujpune.

Apocalipsis 3:12

“Te machꞌatik ya xjuꞌ yuꞌunik tsalawe ya me kakꞌtalan ta yiptajib te ba templo yuꞌun te Dios kuꞌune. Y ni maꞌyuk tut ora te ya xlokꞌik xan teꞌa. Y ya me jtsꞌibabey ta stojolik te sbiil te Dios kuꞌune y sok te sbiil te mukꞌul jtejklum yuꞌun te Diose kuꞌune. Jaꞌ te achꞌ Jerusalen te ya xkoj tal ta chꞌulchan ta ba ay te Dios kuꞌune. Y jich me ya jtsꞌibabey ta stojolik te yachꞌil jbiile.

Gálatas 4:22

Yuꞌun jich tsꞌibabil jilel te ay cheb skermetik te Abrahame. Jtul yuꞌun te skriadae y te jtul xane jaꞌ yuꞌun te batsꞌi yiname te libre ay stukele.

Romanos 6:18

Jmel nax kolemexix ta mosoil yuꞌun te mulile, te jaꞌexe ochemexix ta tuunel yuꞌun te kuxlejal te toj aye.

Romanos 6:14

Jich te mulile maꞌyukix spoder ta atojolik. Yuꞌun ma kuxulukex ta skuenta te mantaliletike. Jaꞌ xanix me kuxulex ta skuenta slekil yoꞌtan te Diose.

San Juan 8:36

Jaꞌ yuꞌun teme ya yakꞌex ta libre te Nichꞌanile, te jaꞌexe batsꞌi libre me ya xkꞌoex yuꞌun.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Apocalipsis 17:5

Ay tsꞌibabil ta stiꞌsba jun biilil te mukul nax aye: “Te mukꞌul jtejklum Babiloniae, jaꞌ smeꞌ te jmulawil antstike sok ta spisil te tutik pꞌajbil ta balmilale”, xchi.

Gálatas 4:25

Yuꞌun te xꞌAgare pajal sok te wits Sinai te ay ta Arabiae. Sok jaꞌ pajal kꞌoem sok te ora to te mukꞌul jtejklum Jerusalen, te jun nax ayik ta mosoil sok te yuntikile.

Apocalipsis 12:1

Chiknaj ta chꞌulchan jun mukꞌul señail: jaꞌ te jtul ants pixbil ta kꞌajkꞌal jachik tutꞌil jun kꞌuꞌul-pakꞌal. Te yoke stekꞌtajibinej te ue, y te ba sjole yichꞌoj jun korona sok lajchayeb ekꞌetik.