Gálatas 4:19 - Nuevo Testamento Tzeltal de Amatenango

¹⁹ Kuntikilex te ben kꞌuxex ta koꞌtane, ayonix ta wokol nax tak yuꞌun te jaꞌexe, jich tutꞌil jtul meꞌil te ya xlijk swokole. Y sigue ayon bael ta wokol jaꞌ to teme Cristo ya stojutesexe.

Bible in Tzeltal Bachajón

¹⁹ Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,

Bible in Tzeltal de Oxchuc y Tenejapa

¹⁹ Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Gálatas 4:19 Referans Kwoze

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Efesios 4:13

Jaꞌ to te jpisiltik te jun nax ya xkꞌootik ta skuenta te xchꞌuunel-oꞌtanile y te pajal ya jnaꞌbeytik sba te Xnichꞌan Diose. Yuꞌun jich ya jtajtik a te ya xmukꞌubotike te yan yan ya jta bael kiptik jaꞌ to teme la jtabetik smukꞌul te Cristoe.

Romanos 13:14

Jaꞌ lek chapa abaik ta skuenta te Kajwaltik Jesucristoe jich tutꞌil jun jmakiltike. Ma me anopikix te tut ma tsaꞌamuk ya skꞌupin te atiꞌbalulike.

Efesios 4:24

Ichꞌaik te yachꞌil akuxlejalik te la xchiknates te Diose sok te pajal yilel soke. Y jich me ya xchiknaj te toj te akuxlejalik sok te ma tut kapal ae, te ipꞌajem yuꞌun te tut batsꞌi jiche.

Colosenses 4:12

Xkoltanukex laj me yuꞌun euk te Epafras te jtul yaj-aꞌtel te Cristo Jesuse, te lokꞌem tal ta awolilike. Sil tiempo ya skꞌoponbeyex Dios ta akuentaik yuꞌun jich me jun awoꞌtanik a, y sok spisiluk awoꞌtanik ya apasik te tut ya skꞌan yoꞌtan te Diose.

Colosenses 3:10

Y awichꞌojikix te achꞌ kuxlejal, te yanyan ta achꞌubel jaꞌ to teme pajal a kꞌoex sok te Diose te la spasex, yuꞌun jich ya xkꞌo anaꞌbeyik sba ta lek.

Filipenses 2:5

Te jaꞌexe junuk nax mismo te tut ya anopike te tutꞌil ay yuꞌun te Cristoe Jesuse:

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

Filemón 1:10

ya jkꞌanbeyat pawor yuꞌun te jꞌOnésimoe, te jnichꞌan kꞌoem ta skuenta Dios te liꞌ ayon sok ta prexoe.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

Colosenses 2:1

Yuꞌun ya jkꞌan ya anaꞌik te lom tulan ayon ta spasel puersa ta akuentaike. Sok ta skuenta te machꞌatik ayik ta Laodiceae y ta spisil te machꞌatik ma to yilojikukon ta jteklejale.

Filipenses 2:17

Y manchuk me ya jmal jchꞌichꞌel yuꞌun jich me ya stsꞌakay a te smajtan Dios ya awakꞌike, jaꞌ bi jaꞌ te xchꞌuunel awoꞌtanike, ya xjunub koꞌtan yuꞌun y ya xjunub awoꞌtanik yuꞌun euk ta apisilik te jaꞌexe.

Filipenses 1:8

Yuꞌun Dios snaꞌoj te bayal kꞌuxex ta koꞌtan ta apisilik, jich tutꞌil kꞌuxotik ta yoꞌtan te Kajwaltik Jesucristoe.

1 Juan 5:21

Kuntikil, ila me abaik yuꞌun te lotil diosetike.

1 Juan 2:12

Kuntikil, la jtsibabeyex ta akuentaik to porke te Dios la spasbelexix perdon te amulike ta skuenta te Jesucristoe.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

Hebreos 5:7

Te kꞌalal ay to ta balmilal a te Cristoe, tulan a kꞌopoj y bayal a okꞌ ta skꞌoponel y ta yalulanbeyel te Diose, te yauk xjuꞌ ya xkoltayot ta spoder yuꞌun te lajele. Y te tutꞌil xchꞌuunej mantale, Dios a aibot yuꞌun.

Tito 1:4

Ya jtsꞌibabeyat te karta to, Tito, te batsꞌi jnichꞌanat kꞌoeme, sok te jun nax te xchꞌuunel koꞌtantik ta jchebaltike. A me yaꞌbeyat slekil yoꞌtan te Jtatik Dios y sok te Kajwaltik Jesucristo te jKoltawanej kuꞌuntike y sok te bujtsꞌan kꞌinal ta atojole.

Filemón 1:19

Joꞌon jPabloon, ya jtsꞌibabeyat ta jkꞌab te letra to: Joꞌon ya jtojbey te sbete. Aunke ya me kaꞌbeyat anaꞌ te jaꞌat ay abet kuꞌune, jaꞌ te akuxlejale.

1 Timoteo 1:2

Ya jtsꞌibabeyat te karta to, jTimoteo, te batsꞌi jnichꞌanat kꞌoem, te pajal nax jchꞌuunejtik te Diose. A me yaꞌbat te slekil yoꞌtan, te xkꞌuxul yoꞌtan y te bujtsꞌan kꞌinal te Dios Tatile y sok te Cristo Jesuse te jaꞌ Kajwaltike.

San Lucas 22:44

Pero te tutꞌil ayix ta skuenta a te wokole, te Jesuse lijk yakꞌ xan puersa ta skꞌoponel te Diose. Y te xchikꞌe pajal sok chꞌichꞌ xtꞌulajan koel kꞌalal ta lum.

2 Corintios 12:14

Jchapojbaix yuꞌun te ya jpas ta yoxebal buelta te ya xtal kilexe, y ma me jaꞌuk te ya xkꞌo jkꞌanbeyex koltayel. Te joꞌone ma jaꞌuk ya jle te tut ay awuꞌunike, yuꞌun jaꞌex mismo ya jleex. Porke jaꞌ te meꞌil-tatiletik te ya skꞌan ya stsobey stakꞌin yuꞌun te yuntikile. Y ma jaꞌuk te untik te ya stsobe stakꞌin te smeꞌ-state.

1 Tesalonicenses 2:7

Te nail toe, jich a kꞌootik tutꞌil untiketik ta awolilik. Sok jich tutꞌil meꞌil te ya stsꞌijtes y ya skꞌanantay te batsꞌi yuntikile.

3 Juan 1:4

Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.