Gálatas 4:15 - Nuevo Testamento Tzeltal de Amatenango

¹⁵ ¿Tut la apasik sok te sbujtsꞌ awoꞌtanik la awaꞌiyike? Ya xjuꞌ ya kalbeyex te jaꞌexe te kꞌan juꞌuk awuꞌunik te ya alokꞌesik te sbakꞌ asitike yuꞌun te ya awaꞌbikone.

Bible in Tzeltal Bachajón

¹⁵ ¿Banti ayix a te yutsil awo'tanic te ay ta nahil to? Como ya cal ta testigo-c'op, te hu'uc awu'unic, la aloq'ues asitic yu'un yac awa'bonic te hichuque.

Bible in Tzeltal de Oxchuc y Tenejapa

¹⁵ ¿Bit'il ch'ay awu'unic te sbujts' awo'tanique? Melel testigoon awu'unic te c'an aloq'uesbon asitic te ya awac'bonic sjelolin te jsite.

Gálatas 4:15 Referans Kwoze

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Colosenses 4:13

Joꞌon testigoon yuꞌun te Epafras te lom bayal yajtalex yoꞌtan te jaꞌexe y sok te machꞌatik ayik ta Laodiceae y sok te ay ta Hierapolise.

1 Tesalonicenses 5:13

Ya skꞌan ya awichꞌik ta jkuenta, sok kꞌux me xꞌawaꞌiyik ta awoꞌtanik yuꞌun te yaꞌtel ya spasike. Junuk me awoꞌtan abaik.

1 Tesalonicenses 2:8

Jich lek a jkꞌuxutaytikex te jaꞌexe. Ben jun koꞌtantik a kaꞌbetikex te ma jaꞌuk nax te lek achꞌ kꞌop yuꞌun te Diose, sino ke asta te jkuxlejaltike. Yuꞌun ben kꞌuxex ta koꞌtantik.

Gálatas 6:4

Te juju jtul ya skꞌan ya yichꞌ sba jkuenta te tut ya spase, y teme jun yoꞌtan ya yaꞌiy sbae, jichuk me ay ta stukel nax y ma me jaꞌuk ya yil tutꞌ ay te yane.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Gálatas 4:19

Kuntikilex te ben kꞌuxex ta koꞌtane, ayonix ta wokol nax tak yuꞌun te jaꞌexe, jich tutꞌil jtul meꞌil te ya xlijk swokole. Y sigue ayon bael ta wokol jaꞌ to teme Cristo ya stojutesexe.

Gálatas 3:14

Jich a kꞌot ta pasel yuꞌun Dios te tut sjapoj ta skuenta te jꞌAbrahame te jich ya sta ekꞌa te bendision ta skuenta te Cristo Jesus te machꞌatik ma juriyouke. Y yuꞌun ta skuenta te xchꞌuunel koꞌtantike ya kichꞌtik jpisiltik te Espíritu te Dios sjapoje.

2 Corintios 8:3

Joꞌon testigoon yuꞌunik te sok sbujtsꞌ yoꞌtan a yakꞌik te ba kꞌalal a juꞌ yuꞌunik yakꞌele, y mas a yakꞌ a tutꞌil ya xjuꞌ yuꞌunike.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Romanos 10:2

Jamal ya xjuꞌ ya kalbeyex te ben jun yoꞌtanik ya yakꞌ sbaik ta tuuntesel yuꞌun te Diose. Jaꞌ nax te tut ya skꞌan yoꞌtanike ma jaꞌuk stamojik te tut batsꞌi jiche.

Romanos 9:3

yuꞌun koꞌtanuk joꞌon mismo jtukel te ya kichꞌ pꞌajel ta skuenta Cristo, te jichuk ya staik koltayel te kermanotak te jun nax jtsꞌumbal soke.

San Lucas 8:13

Te tsꞌunubil te kꞌot ta ba tontikile jaꞌ skꞌoplal te machꞌatik ben jun yoꞌtanik ya xchꞌuunik te skꞌop Diose, pero ma sꞌismaj ta yoꞌtanik. Yal cheꞌoxeꞌ kaal ya xchꞌuunik, te kꞌalal ya xtal ta stojolik te prewae, ora ya xchebaj yoꞌtanik yuꞌun.

Gálatas 4:14

Te chamele jun prewa yuꞌun jaꞌex te ma la achꞌojikon lokꞌel sok ma la apꞌajikon yuꞌun te jchamele. Yuꞌun ben lek la awikꞌikon jich tutꞌil jtul ángel yuꞌun Dios o jich tutꞌil te Cristo Jesuse.

Gálatas 4:16

Y te ora to, ¿me yuꞌun sujton ta akontraik te jaꞌ nax yuꞌun te la kalbeyex te tut batsꞌi jiche?