Gálatas 3:24 - Nuevo Testamento Tzeltal de Amatenango

²⁴ Te mantaliletike jich kꞌoem tutꞌ mosoil te ya xꞌikot bael yuꞌun untik, te ya stojutesotik bael ta stojol te Cristoe. Yuꞌun teme la jchꞌuuntik te Jesucristoe, ya xjuꞌ te libre ya xkꞌootik yuꞌun te jmultike.

Bible in Tzeltal Bachajón

²⁴ Ha yu'un te Ley ha jtojobteswanej cu'untic yu'un ya yic'otic ta stojol Cristo, scuenta yu'un toj ya x'ilotic yu'un Dios ta scuenta sch'uhunel co'tantic.

Bible in Tzeltal de Oxchuc y Tenejapa

²⁴ Jich yu'un ja' jwentainwanej cu'untic te mandalile, te ya yic'otic bael ta bay te Cristoe, swenta yu'un toj ya yilotic Dios ta swenta te xch'uunjel co'tantique.

Gálatas 3:24 Referans Kwoze

Romanos 10:4

Porke te mantaliletike kꞌo lajuk skꞌoplal ta skuenta Cristo, yuꞌun jaꞌ ya skoltay yuꞌun smul spisil te machꞌatik ay xchꞌuunel yoꞌtanike.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Colosenses 2:17

Spisil to jaꞌ seña to nax te tut ya xtale. Pero te tut batsꞌi jiche, jaꞌix te Cristoe.

Gálatas 2:19

Porke te joꞌone ta skuenta te mantaliletike chamenonix yuꞌun te mantaliletike, yuꞌun jaꞌix kuxulon ta skuenta te Diose.

Gálatas 3:25

Pero te ora to julemix te tutꞌil ay te xchꞌuunel-oꞌtanile. Maꞌyukotikix ta skuenta te mosoile, jaꞌ bi jaꞌ te mantaliletike.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

Romanos 9:30

¿Tut ya kaltik yuꞌun to? Te machꞌatik ma juriyouke te makꞌ sleik te machꞌa ya yakꞌ kolele, te Diose yalojix te kolemikix yuꞌun te smule ta skuenta nax xchꞌuunel yoꞌtanik.