Gálatas 3:20 - Nuevo Testamento Tzeltal de Amatenango

²⁰ Pero ma puersauk te ay jkꞌasesej-kꞌope te kꞌalal jtul nax machꞌa ya xkꞌopoj. Y te Diose stukel nax a kꞌopoj.

Bible in Tzeltal Bachajón

²⁰ Te mach'a ya xc'opoj, ma ba ya xc'opoj yu'un jtuhl nax; pero jtuhl nax te Diose.

Bible in Tzeltal de Oxchuc y Tenejapa

²⁰ Ja'uc me to, ma yejt'aluc te ay jc'asesej-c'op teme jtul nax te mach'a ya xc'opoje. Jich bit'il te Diose, stuquel nax c'opoj.

Gálatas 3:20 Referans Kwoze

1 Timoteo 2:5

Jtul nax te Diose, y jtul nax te winik te ya xjuꞌ ya yikꞌ bael spisil te winketik te jun nax ya xkꞌot sok te Diose, jaꞌ bi jaꞌ te winik Jesucristoe.

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

Hebreos 8:6

Pero te statal saserdote kuꞌuntike, mas ben tsaꞌam te yaꞌtel te yipal ta spasele. Jich te achꞌ trate te tejkꞌanbil ta kꞌop ta xchapele, mas ben tsaꞌam, yuꞌun ben tsaꞌam te tut yalojix te Diose.

Hebreos 12:24

sok te ba ay Jesus, te tejkꞌanbil ta kꞌop yuꞌun te yachꞌil tratee, sok te ba ay te xchꞌichꞌel te jaꞌ a slekutesotike, te kꞌax ben tsaꞌam ya yalbotik ke te xchꞌichꞌel jꞌAbele.

Gálatas 3:17

Te tut ya kale jaꞌ to: Dios a spas jun trate sok te jꞌAbrahame y jich a xchap. Jaꞌ yuꞌun te mantaliletik yuꞌun te jMoisese, te jul ta patil te ay kuatrosientos treinta jaꞌbile, ma xchꞌay te trate abi, y ma jichuk nax ya xjil te maꞌyuk yip te tut sjapoj te Diose.

Hechos 12:20

Te jHerodese ilinem sok te genteetik yuꞌun te jtejklum Tiro y sok te jtejklum Sidon. Jich te jtejklume la snopik te ya xtal skꞌoponik te jHerodese. Ja nail a slekil-kꞌoponik te jBlasto sbiil te aꞌbil tulan yaꞌtel te rey Herodese, yuꞌun stukel xba skꞌopon te reye te ayuk bujtsꞌan kꞌinal ya yaꞌiyike, porke te ba slumal te reye teꞌ ya staik a te tut ya xtuun yuꞌunike.