Gálatas 3:19 - Nuevo Testamento Tzeltal de Amatenango

¹⁹ Jich yuꞌun, ¿tut xan yes a te mantaliletik te? La yichꞌ akꞌel ta patil yuꞌun ya xchiknates a te ma xchꞌuunikix a te mantal te winiketike, jaꞌ to te tal te stsꞌumbal te Abrahame, te sjapoje te Diose te ya xtale. Te mantaliletike jaꞌ albil ta skuenta te chꞌul angeletike, y te jMoisese jaꞌ a tuun ta skꞌasesel.

Bible in Tzeltal Bachajón

¹⁹ Ha yu'un ¿banti ya xtuhun te Ley? Ha a'bot ta scaj sc'axuntayel mandar, ha to c'alal tal te sts'umbal Abraham, te ha nix yu'un te bin yaloj ta jamal te Diose; soc ha la yich' aq'uel ta scuenta ch'ul a'batetic, ha a'bot te mach'a ya xc'opoj yu'un te pueblo.

Bible in Tzeltal de Oxchuc y Tenejapa

¹⁹ Jich yu'un, ¿bila ya xtuun xan a te mandalile? Ja' la yich' aq'uel ta patil yu'un te tey me ya xchicnaj ta jamal a te smulic te mach'atic ya sc'axintayic te mandalile. Ja' to te c'alal tal te sts'umbal Abrahame, ja' te mach'a la yalbey sc'oplal te Diose. Te mandalile la yich' aq'uel ta swenta ch'ul abatetic, soc ay jtul winic te la sc'ases c'op ta stojol te lume.

Gálatas 3:19 Referans Kwoze

Hechos 7:53

Te jaꞌexe la yaꞌbelexix ta akꞌabik te mantaletik ta skuenta te chꞌul angeletike, pero ma xꞌachꞌuunik —xchi te jꞌEstebane.

Hebreos 2:2

Te nameye tulan skꞌoplal te mantaliletik te Dios a yakꞌ ta skuenta te angeletike, y te machꞌatik mulawike y sok te machꞌatik maꞌ xchꞌuunik mantale akꞌtalanbot kastigo chikan te smulike.

Gálatas 3:16

Jaꞌ nax jich, Dios la sjapbey ta skuenta jꞌAbraham y sok te stsꞌumbale. Te Sjun Diose ma jaꞌuk ya yalbe: “spisil te atsꞌumbale”. Jaꞌ ya yal: “te atsꞌumbale”, y “te atsꞌumbale”, te xchie, jaꞌ te Cristoe.

Romanos 4:15

Porke te mantaliletike ya me yakꞌ kastigo. Pero te ba maꞌyuk te mantalile, jich maꞌyuk tut ya xkꞌaxintayik a.

Romanos 2:13

Porke ma jaꞌuk nax ya xꞌakꞌot ta libre yuꞌun teme la nax yaꞌiyik te mantaliletike, jaꞌ nax te machꞌatik ya xchꞌuunik te mantaliletike.

Hechos 7:38

Jaꞌ mismo te jMoises te anin ta yolilik te ba la stsob sbaik ta jojchol tꞌantꞌan luwar te israeletike, sok te kꞌoponot yuꞌun te chꞌul ángel ta Wits Sinai y sok te antibo jmeꞌ-jtatike. Y stukel a aꞌbot tal te kꞌop yuꞌun kuxuyinel te la skꞌasesbotik te joꞌotike.

San Juan 15:22

Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

San Juan 1:17

Te mantaliletike Dios a yaꞌbotik tal ta skuenta te jMoisese. Yan te slekil yoꞌtane sok te tut batsꞌi jiche jaꞌ a chiknaj ta skuenta stukel te Jesucristoe.

Hebreos 2:5

Dios maꞌ yakꞌix ta kuentainel yuꞌun angeletik te yachꞌil balmilal ya xchiknaj ta patil te jaꞌ yipalotik ta yalele.

San Lucas 16:31

“Pero te jꞌAbrahame la yalbe: “Teme ma skꞌan yakꞌ ta jkuenta te tut ya yal te jMoisese sok te jꞌalwanejetik yuꞌun te Diose, ni ma jaꞌuk ya xchꞌuunik a, manchuk me ay anima ya xchaꞌkux tal”, xchi te jꞌAbrahame —xchi ta yalel te Jesuse.