Gálatas 3:14 - Nuevo Testamento Tzeltal de Amatenango

¹⁴ Jich a kꞌot ta pasel yuꞌun Dios te tut sjapoj ta skuenta te jꞌAbrahame te jich ya sta ekꞌa te bendision ta skuenta te Cristo Jesus te machꞌatik ma juriyouke. Y yuꞌun ta skuenta te xchꞌuunel koꞌtantike ya kichꞌtik jpisiltik te Espíritu te Dios sjapoje.

Bible in Tzeltal Bachajón

¹⁴ scuenta yu'un ta scuenta Cristo Jesús ya xc'oht ta stojol te jyanlumetic te bendición yich'oj te Abraham, scuenta yu'un ta scuenta sch'uhunel co'tantic ya xhu' ya quich'tic te Espíritu te yaloj Dios te ya ya'botique.

Bible in Tzeltal de Oxchuc y Tenejapa

¹⁴ Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

Gálatas 3:14 Referans Kwoze

1 Corintios 12:13

Manchuk me juriyootik o ma juriyoukotik, o mosoil o libreix ayotik, jun nax a kꞌootik kꞌalal la kichꞌtik jaꞌ ta skuenta te Espíritu, jich tutꞌil te jun nax ay te jtiꞌbalultike. Y ta jpisiltik ayotik ta skuenta te mismo Espiritue.

Efesios 2:18

Yuꞌun ta skuenta te Cristoe, jpisiltik ta xchebal jtejklum ya xjuꞌ xtijilajotik ta stojol te Tatile ta skuenta jun nax te Espiritue.

Gálatas 3:2

Jaꞌ nax ya jkꞌan ya awalbikon te tut ya jojkꞌoye: ¿Me la awikꞌik te Espíritu yuꞌun Dios te la achꞌuunik te mantaliletik yuꞌun te jMoisese, o jaꞌ te la achꞌuunik te skꞌop Dios te la awaꞌiyike?

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

San Juan 7:39

Te tutꞌil jich a yal te Jesuse, jaꞌ a yalbe skꞌoplal te Chꞌul Espíritu te ya xꞌakꞌtalanbot ta yoꞌtan te machꞌatik ya xchꞌuunike. Porke ma to xtal a te Chꞌul Espiritue, yuꞌun ma to xꞌakꞌot ta ilel slekil a te Jesuse.

Efesios 4:30

Ma me awakꞌik ta ajtal-oꞌtan te Chꞌul Espíritu yuꞌun te Diose. Yuꞌun ja amarkaik aꞌbilex te ya xchiknates te batsꞌi yuꞌunex te Diose, jaꞌ to te tut kꞌaalil te ya yaꞌbeyex te akolelike.

Efesios 3:16

Ya jkꞌanbe te ya yaꞌbeyex ta awoꞌtanik te slekilal stsaꞌamule sok apuersaik sok apoderik ta skuenta te Espíritu yuꞌune.

Efesios 2:22

Jich euk te jaꞌexe, te jun nax ayex sok te Cristoe, jich ya awichꞌik tsꞌakel moel jich tutꞌil jun templo te ba ya xꞌanin te Diose ta skuenta te Espíritu yuꞌune.

Gálatas 4:6

Y yuꞌun jich me ya xchiknaj a te yal xnichꞌanotikixe, Dios a stikon tal ta koꞌtantik te Espíritu yuꞌun te Xnichꞌane. Jaꞌ mismo te Espiritue ya xkꞌopoj: “Tat”, xchi ta stojol te Diose.

Gálatas 3:16

Jaꞌ nax jich, Dios la sjapbey ta skuenta jꞌAbraham y sok te stsꞌumbale. Te Sjun Diose ma jaꞌuk ya yalbe: “spisil te atsꞌumbale”. Jaꞌ ya yal: “te atsꞌumbale”, y “te atsꞌumbale”, te xchie, jaꞌ te Cristoe.

2 Corintios 1:22

La yaꞌbotikix jmarkatik sok te sello yuꞌune, y yakꞌojbotikix ta koꞌtantik te Chꞌul Espíritu te jaꞌ seña te tut ya to xba kichꞌtike.

Hechos 5:32

Joꞌotik testigootik yuꞌun tsꞌin to, y jich euk te Chꞌul Espiritue te Dios a akꞌtalanbot yuꞌun te machꞌatik ya xchꞌuunike —xchi te Pedroe.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

San Lucas 24:49

Joꞌon ya jtikonbeyex tal te tut yaloj te Jtate. Pero te jaꞌexe liꞌ nax anex to liꞌ ba Jerusalene jaꞌ to teme jul ta atojolik te spoder Dios te ya xtal ta chꞌulchane —xchi te Jesuse.

San Lucas 11:13

Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.