Gálatas 2:7 - Nuevo Testamento Tzeltal de Amatenango

⁷ Maꞌyuk tut la yalik, yuꞌun la yilik te Dios la yaꞌbonix ta jkuenta yalel te lek achꞌ kꞌop te ba ay te machꞌatik ma juriyouke. Jich tutꞌil jPedro te jaꞌ ay ta skuenta yaꞌtelinel yalel ta ba ay te juriyoetike.

Bible in Tzeltal Bachajón

⁷ Ha la yilic te a'bilon ca'tel ta yalel te lec yach'il c'op ta stojol te mach'atic ma ba yich'ojic circuncisión, hich te bin ut'il te Pedro a'bot ya'tel ta stojol te mach'atic yich'ojic circuncisión.

Bible in Tzeltal de Oxchuc y Tenejapa

⁷ Ja'uc me to, la yilic te bit'il Dios yac'ojbon ta jwenta xcholel te lec yach'il c'op ta stojol te mach'atic ma ba yich'ojic circuncisión, jich bit'il te Pedroe ja' ac'bil ta swenta xcholel ta stojol te mach'atic yich'oj te circuncisione.

Gálatas 2:7 Referans Kwoze

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

1 Tesalonicenses 2:4

Dios lek a yilotik y la yaꞌbotik ta jkuentatik ta yalel te skꞌoplal kolele, jich tutꞌil te ya kaltike. Ma jaꞌuk ya jkꞌantik te lek ya yilotik te gentee; jaꞌ ya jkꞌantik te lek ya yilotik te Diose te jaꞌ ya snaꞌbotik tutꞌil ay te koꞌtantike.

Gálatas 1:16

Te kꞌalal jich a skꞌan yoꞌtane, la yaꞌbon jnaꞌbe sba te Xnichꞌane, yuꞌun jich me ya kalbe skꞌoplal te kolel te ba ay machꞌatik ma juriyouke. Ma jaꞌuk a ba jojkꞌobey te yanetik genteetike,

2 Timoteo 1:11

Dios a yaꞌbon kaꞌtel ta yalel te skꞌoplal te lek achꞌ kꞌope, y la stikonon ta spukbeyel skꞌoplal y sok ta spꞌijutesel te machꞌatik ma juriyouke.

1 Timoteo 1:11

Y te lekil nojpesel to, jaꞌ te tey ya jtatik a te ben tsaꞌam skꞌoplal yuꞌun te kolele, te jaꞌ a yaꞌbon kaꞌtelin te Diose te bayal slekilale.

Gálatas 2:9

Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

2 Pedro 3:15

Naꞌbeyaik me sluwar te jun yoꞌtan ya xmaliwan te Kajwaltike te yuꞌun ya yaꞌbotik te jkoleltike. Jich tutꞌil te la stsꞌibabeyex te kermanotik jPablo te kꞌux ta koꞌtantike. Chikan te spꞌijil a aꞌbot yuꞌun te Diose.

1 Corintios 9:17

Jaꞌ yuꞌun, teme jaꞌ nax ya jpas te tut ya skꞌan koꞌtane, ya xjuꞌ ya jkꞌan jtojol a te jichuke. Pero te tutꞌil albilon mantal te jich ya skꞌan jpase, junuk me koꞌtan ya jpas te tut ya yalbon te Diose.

Hechos 28:28

“Jaꞌ yuꞌun, naꞌbeyaik me sluwar: Te ora to sok pajel chabe baele te kolel yuꞌun te Diose jaꞌ me ya xkꞌot ta skuenta te machꞌa ma juriyouke. Jaꞌ ya yaꞌibe sluwar stukelik —xchi te Pabloe.

Hechos 18:6

Pero te juriyoetike lijk skontrainik te jPabloe y la stoyba-kꞌoptayik. Jich te jPabloe la slilin skꞌuꞌ-spakꞌ yuꞌun jaꞌ seña ta stojolik te ya xchꞌoj jilele, y la yaltalanbe: —Jaꞌex ay ta akuentaik teme chꞌayel ya xbaexe. Te joꞌone maꞌyuk ta jkuenta ya xkꞌot. Liꞌ nax kꞌalal to ya xboon te ba ay te machꞌatik ma juriyouke —xyut jilel.

Hechos 15:12

Jich ma machꞌa kꞌopojix a, y la yaꞌiybeyik sluwar skꞌop te jBernabe sok te jPabloe te la yalik te seña milagroetik te Dios a pasbot ta stojolik ta yolil te machꞌa ma juriyouke.

Romanos 11:13

Pero ay tut ya jkꞌan ya kalbeyex te jaꞌex te ma juriyoukexe. Yuꞌun te Dios a stikonon tal ta akuentaik te ma juriyoukexe, y lom bayal skꞌoplal ta koꞌtan te kaꞌtel aꞌbilone.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Gálatas 1:6

Lom ayon ta ajtal-oꞌtan awuꞌunik te tutꞌil ora nax ya xjakalex bael ta stojol Diose, te la yikꞌex ta skuenta slekil yoꞌtan te Cristoe. Yuꞌun jaꞌ ya apasik seguir te yan kꞌop te kuybil te ya xkolotik yuꞌun.

Gálatas 1:18

Oxeb jaꞌbil ta patil boon ta Jerusalen, yuꞌun ba kil te jPedroe, y teꞌeyon kinse dia a.

Gálatas 2:11

Pero te kꞌalal bajt ta mukꞌul jtejklum Antioquia te jPedroe, la kalbe ta sit porke ma tsaꞌamuk te tut yipal ta spasel.

Gálatas 2:14

Jaꞌ yuꞌun te kꞌalal la kil te ma jichuk toj ya spasik te tutꞌil ay skꞌoplal te lek achꞌ kꞌope, la kalbey ta sitil komon te jPedroe: “Jaꞌat te juriyoate, jich ya xkuxuyinat te tutꞌil ma juriyoukate. ¿Tut yuꞌun te ya akꞌan ya asuj te machꞌatik ma juriyouk ta spasel jich tutꞌil te juriyoetike?