Gálatas 2:21 - Nuevo Testamento Tzeltal de Amatenango

²¹ Ma jkꞌan ya jpꞌaj te slekil yoꞌtan te Diose. Yuꞌun yauk xjuꞌ te ya yakꞌotik ta libre yuꞌun jmultik te xchꞌuunel te mantaliletike, jich lom nax a cham te Cristo te jichuke.

Bible in Tzeltal Bachajón

²¹ Ma ba ya jp'ajbe te yutsil yo'tan te Diose; como teme lec ya xc'ohotic ta stojol Dios ta scuenta te Ley, tojol cham Cristo abi.

Bible in Tzeltal de Oxchuc y Tenejapa

²¹ Ma ba ya jp'aj te yutsil yo'tan te Diose. Melel teme toj ya yilotic Dios yu'un spasel te bila ya yal te mandalile, jich tojol laj Cristo abi.

Gálatas 2:21 Referans Kwoze

Romanos 11:6

Teme jaꞌ ta skuenta nax te slekil yoꞌtan te Diose, ma jaꞌukix ta skuenta te tut juꞌem yuꞌunik spasele. Porke te jaꞌuk ta skuenta te ay tut juꞌem yuꞌunik spasele, ma jaꞌuk kꞌuxutaybilik yuꞌun ta slekil yoꞌtan Dios te jichuke.

Gálatas 3:21

¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Hebreos 7:11

Te jtejklum israele la yichꞌik te mantaliletik ta skuenta te saserdoteetik jLevitaetik, te jaꞌ stsꞌumbalik te jꞌAarone. Pero, ma juꞌemuk yuꞌunik spasel te toj aylan te machꞌatik sigue ya xchꞌuunik te mantaliletike. Jaꞌ sluwar te chiknaj yan saserdote, te ma jaꞌukix ta stsꞌumbal te jꞌAarone, sino ke jaꞌ yuꞌun te jtijkꞌ saserdote yuꞌun te jMelquisedeke.

1 Corintios 15:14

Y teme ma chaꞌkuxemuk te Cristoe, te skꞌoplal te yipalotik ta yalele ni ma baleuk ya xkꞌot. Ni ma baleuk te xchꞌuunel awoꞌtanike.

Gálatas 2:16

Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Romanos 10:3

Yuꞌun ma kꞌoemuk ta yoꞌtanik te tutꞌil Dios ya skoltay yuꞌun smul te winketike. Y jaꞌ yuꞌun jaꞌ ya sleik te skolelik ta skuenta nax te tut ya xjuꞌ ya spasike. Ma jaꞌuk ya yakꞌik ta jkuenta te tut yalojbe skꞌoplal te Diose.

1 Corintios 15:2

Sok jaꞌ me ya xkolex yuꞌun teme makꞌ ya achꞌay ta awoꞌtanik te skꞌoplal te la kalbeyexe, sok teme ma jowiluk nax te la achꞌuunike.

Gálatas 2:18

Yuꞌun teme ya jchaꞌpas xan te tutꞌil jilemix ta pasel kuꞌune, joꞌon mismo ya jta jmul.

Romanos 8:31

¿Tut mas ya kaltik? Teme Dios ayotikix ta koltayel yuꞌune, maꞌyuk machꞌa ya xjuꞌ te ya skontrainotike.

San Marcos 7:9

Sok la yalbe xan: —Te jaꞌexe ya ajiles ta apatik te smantal Diose, skuenta yuꞌun jich ya xjuꞌ ta pasel a te kostumbreetik awuꞌunike.

1 Corintios 15:17

Y teme ma chaꞌkuxemuk te Cristoe, ni ma baleuk ya xkꞌot te xchꞌuunel awoꞌtanik te jaꞌexe, sok sigue to me akuchoj amulik abi.

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.